ସିନେମା ନ ମିଳିବାରୁ ସୁପରଷ୍ଟାରଙ୍କ ଭାଇ ହେଲେ ମାନସିକ ରୋଗର ଶିକାର !
ବଲିଉଡ ସିନେମା ‘ମେଲା’ ଆପଣ ବୋଧେ ଦେଖିଥିବେ । ଏହି ସିନେମାରେ ଅଭିନେତା ଅମିର ଖାନଙ୍କ ସହ ସାଇଡ ରୋଲ ବା ପାଶ୍ୱ ଅଭିନେତାଙ୍କୁ ମଧ୍ୟ ଆପଣ ଦେଖିଥିବେ । ସେ ହେଉଛନ୍ତି ଅମିର ଖାନଙ୍କ ନିଜ ଭାଇ ଫୈଜଲ ଖାନ । ଫୈଜଲ ଖାନ ୧୯୬୯ରେ ସିନେମା ‘ପ୍ୟାର କା ମୌସମ’ ଜରିଆରେ ବଲିଉଡ ଜଗତରେ ପାଦ ଦେଇଥିଲେ । ପରବର୍ତ୍ତୀ ସମୟରେ ସେ ଜୋ ଜିତା ୱ ସିକନ୍ଦର,ମଦହୋସ ଆଦି ସିନେମାରେ ନଜର ଆସିଥିଲେ । କିନ୍ତୁ ତାଙ୍କ ଭାଗ୍ୟ କେବେ ତାଙ୍କ ସାଥ ଦେଇ ନଥିଲା ।
Kanak News is now on WhatsApp
Join and get latest news updates delivered to you via WhatsApp
ଜଣେ ସୁପରଷ୍ଟାରଙ୍କ ଭାଇ ହୋଇଥିଲେ ମଧ୍ୟ ଏକ ସମୟ ଆସିଲା କି ତାଙ୍କୁ ସିନେମା ମିଳିବା ବନ୍ଦ ହୋଇଯାଇଥିଲା । ସିନେମା ନ ମିଳିବା କାରଣରୁ ଫୈଜନ ଗାଏବ ହୋଇଯାଇଥିଲେ । କିନ୍ତୁ ୨୦୦୭ରେ ସେ ଚର୍ଚ୍ଚାରେ ଆସିଥିଲେ ଯେତେବେଳେ ଶୁଣିବାକୁ ମିଳିଥିଲା କି ସେ ଘରୁ କେଉଁଆଡେ ଲୁଚି ପଳାଇଯାଇଥିଲେ । କିଛି ଦିନ ପରେ ସେ ଘରକୁ ଫେରିଥିଲେ ଏବଂ ନିଜ ଭାଇ ଅମିରଙ୍କ ବିରୋଧରେ ଅଭିଯୋଗ ଆଣିଥିଲେ ।
ଅମିର ତାଙ୍କୁ ଏକ କୋଠରୀ ମଧ୍ୟରେ ବନ୍ଦ କରି ରଖିଥିଲେ । ଏକ ମାନସିକ ରୋଗୀ କହି ତାଙ୍କୁ ଜୋର ଜବରଦସ୍ତ ଔଷଧ ଖାଇବାକୁ ବାଧ୍ୟ କରାଯାଉଥିଲା ବୋଲି ସେ ଅଭିଯୋଗ ଆଣିବା ସହ ଅମିର ତାଙ୍କ ସଂପତି ନେବାକୁ ଚାହୁଁଥିବା କାରଣରୁ ସେ ଘରୁ ଲୁଚି ପଳାଇ ଥିଲେ ବୋଲି କହିଥିଲେ । ତେବେ ଫୈଜଲଙ୍କ ଏପରି ବୟାନ ସମସ୍ତଙ୍କୁ ଚକିତ କରିଦେଇଥିଲା । କିନ୍ତୁ ପରେ ଶୁଣିବାକୁ ମିଳିଥିଲା କି ଫୈଜଲଙ୍କୁ ନିଜ ପାଖରେ ରଖିବାକୁ ନେଇ ଅମିର ଓ ତାଙ୍କ ବାପାଙ୍କ ମଧ୍ୟରେ ମତଭେଦ ଦେଖାଦେଇଥିଲା ।