ପଡ଼ିଶା ଘର ଝିଅକୁ ପ୍ରେମ କରୁଥିଲେ ଆମୀର ! ଇମ୍ପ୍ରେସ କରିବାକୁ ଲେଖିଥିଲେ ରକ୍ତ ଭିଜା ଚିଠି
ନିକଟରେ ରିଲିଜ୍ ହୋଇଛି ବଲିଉଡ ସୁପରଷ୍ଟାର ଆମିର ଖାନଙ୍କ ଅଭିନିତ ସିନେମା ସିକ୍ରେଟ୍ ସୁପରଷ୍ଟାର । ଯେଉଁଥିରେ ଆମୀରଙ୍କୁ ଦେଖିବାକୁ ମିଳିଛି ଜଣେ ଗାୟକ ଭୂମିକାରେ ଆଉ ଆମୀରଙ୍କର ଏହି ଅବତାରକୁ ବି ଦର୍ଶକେ ଖୁବ୍ ପସନ୍ଦ ମଧ୍ୟ କରିଛନ୍ତି । ତେବେ ଆମୀର ବର୍ତ୍ତମାନ ପତ୍ନୀ କିରଣ ରାଓଙ୍କ ସହ ଏକ ସୁଖମୟ ଜୀବନ ଅତିବାହିତ କରୁଛନ୍ତି । ହେଲେ ଆପଣ ଜାଣିଲେ ଆଶ୍ଚର୍ଯ୍ୟ ହେବେ କି ବଲିଉଡ ଜଗତର ସୁପରଷ୍ଟାର ଭାବେ ପରିଚୟ ସୃଷ୍ଟି କରିଥିବା ଆମୀର ଖାନ ଦିନେ ପାଗଳ ପ୍ରେମିକ ସାଜି ନିଜ ପଡୋଶୀଙ୍କୁ ରକ୍ତ ଭିଜା ଚିଠି ଲେଖୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆମୀର ଯାହାଙ୍କ ପାଖକୁ ଏହି ରକ୍ତ ଭିଜା ଚିଠି ଲେଖୁଥିଲେ ସେ ଅନ୍ୟ କେହି ନୁହଁନ୍ତି ବରଂ ତାଙ୍କର ପ୍ରଥମ ପତ୍ନୀ ରିନା ଦତ୍ତ । ଉଭୟଙ୍କ ସଂପର୍କରେ ପୂର୍ଣ୍ଣଚ୍ଛେଦ ଯଦିଓ ୧୬ ବର୍ଷ ପୂର୍ବରୁ (୨୦୦୨)ରୁ ପଡିସାରିଛି, କିନ୍ତୁ ସେମାନଙ୍କ ମଧ୍ୟରେ ସେଭଳି କୌଣସି ମନମାଳିନ୍ୟ ନଥିଲା ଆଉ ଏବେବି ରିନା ଖାନ ପରିବାରର ସଦସ୍ୟ ଅଛନ୍ତି । ଆମୀର ଏକ ସାକ୍ଷାତକାରରେ କହିଥିଲେ, ରିନା ଆମ ପରିବାରର ଜଣେ ସଦସ୍ୟ ଅଟନ୍ତି ଏବଂ ସବୁବେଳେ ବି ରହିଥିବେ । ଆଇନ ଅନୁସାରେ ଆମେ ଅଲଗା ହୋଇଯାଇଛୁ ସତ କିନ୍ତୁ ଆମ ଭିତରେ ଥିବା ସଂପର୍କ କେବେ ବି ଶେଷ ହୋଇପାରିବ ନାହିଁ ।
ଜାତୀୟ ଗଣମାଧ୍ୟମ ଟାଇମ୍ସ ଅଫ ଇଣ୍ଡିଆରେ ପ୍ରକାଶିତ ଖବର ମୁତାବକ, ଆମୀର ଏବଂ ରିନାଙ୍କ ମଧ୍ୟରେ ଗଢି ଉଠିଥିବା ପ୍ରେମ ସଂପର୍କ ସିନେମା ‘ତରିକେ’ରୁ ଆରମ୍ଭ ହୋଇଥିଲା । ଉଭୟେ ପଡୋଶୀ ଥିଲେ ଏବଂ ଝରକା ବାଟେ ପରସ୍ପରକୁ ଘଂଟା ଘଂଟା ଧରି ଚାହିଁ ରହୁଥିଲେ । ଦିନେ ଆମୀର ସାହସ ଜୁଟାଇ ରିନାଙ୍କୁ ପ୍ରେମ ନିବେଦନ କରିଦେଇଥିଲେ ହେଲେ ରିନା ସେହି ସମୟରେ ଡରି ଯାଇଥିଲେ ଓ ଆମୀରଙ୍କୁ ମନା କର ଦେଇଥିଲେ । ଏହାପରେ ଆମୀର ବାରମ୍ବାର ଚେଷ୍ଟା କରିଥିଲେ କିନ୍ତୁ ରିନା ସବୁବେଳେ ତାଙ୍କୁ ନିରାଶ କରିଦେଉଥିଲେ । ଶେଷରେ ଯାଇ ରିନା ସ୍ୱୀକାର କରିଥିଲେ କି ସେ ବି ଆମୀରଙ୍କୁ ଭଲ ପାଉଛନ୍ତି ବୋଲି ।
କଥା ଏତିକିରେ ସରେ ନି, ଉଭୟଙ୍କ ସଂପର୍କ ଆରମ୍ଭ ହେବା ପରେ ଆମୀର ରିନାଙ୍କୁ ଇମ୍ପ୍ରେସ କରିବା ପାଇଁ ରକ୍ତରେ ଚିଠି ଲେଖିଥିଲେ, ରିନା କିନ୍ତୁ ଏଥିରେ ଇମ୍ପ୍ରେସ ହୋଇନଥିଲେ ଏବଂ ଏଭଳି ଆଗକୁ ନକରିବାକୁ ଆମୀରଙ୍କୁ ଚେତାବନୀ ଦେଇଥିଲେ ।