ଆଜି ଅଭିନେତା ସନ୍ନି ଦେଓଲଙ୍କର ଜନ୍ମଦିନ : ଆସନ୍ତୁ ଜାଣିବା ତାଙ୍କର ପରଦା ପଛର କିଛି ରୋଚକ କଥା
ଆଜି ବଲିଉଡର ହ୍ୟାଣ୍ଡସମ୍ ହଙ୍କ୍ କୁହାଯାଉଥିବା ଅଭିନେତା ସନ୍ନି ଦେଓଲଙ୍କର ଜନ୍ମଦିନ । ୧୯ ଅକ୍ଟୋବର ୧୯୫୬ରେ ଜନ୍ମ ହୋଇଥିବା ସନ୍ନିଙ୍କର ପ୍ରକୃତ ନାମ ଅଜୟ ସିଂହ ଦେଓଲ । ଘରେ ତାଙ୍କୁ ସନ୍ନି ନାମରେ ଡାକିଥାନ୍ତି । ଏବଂ ଫିଲ୍ମରେ ମଧ୍ୟ ସେ ଏହି ନାମରେ ଏଣ୍ଟ୍ରି କରିବାକୁ ନିଷ୍ପତ୍ତି ନେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
୮୦ ଦଶକର ଆରମ୍ଭରେ ବଲିଉଡରେ ଅନେକ ଷ୍ଟାର୍ ନିଜର ପିଲାଙ୍କୁ ଇଣ୍ଡଷ୍ଟ୍ରୀରେ ଲଂଚ କରିଥିଲେ ଏବଂ ସେମାନଙ୍କ ମଧ୍ୟରୁ ଜଣେ ଧର୍ମେନ୍ଦ୍ର ଥିଲେ । ଧର୍ମେନ୍ଦ୍ର ନିଜର ଇଙ୍ଗ ପୁଅ ସନ୍ନି ଙ୍କୁ ଫିଲ୍ମ ‘ବେତାବ’ (୧୯୮୩) ଜାରିଆରେ ଅଭିନୟ ଦୁନିଆରେ ଏଣ୍ଟ୍ରି ଦେଇଥିଲେ । ଏହି ଫିଲ୍ମ ସୁପରହିଟ୍ ହୋଇଥିଲା । ଫିଲ୍ମରେ ଲଂଚ କରିବା ପୂର୍ବରୁ ଧର୍ମେନ୍ଦ୍ର ସନ୍ନିଙ୍କୁ ବର୍ମିଘମ ରେ ଆକ୍ଟିଂ ଶିଖିବାକୁ ପଠାଇଥିଲେ ।
ଫିଲ୍ମ ‘ବେତାବ’ ପରେ ସନ୍ନିଙ୍କର ଅନେକ ଫିଲ୍ମ ଫ୍ଲପ୍ ହୋଇଥିଲା । କିନ୍ତୁ ଅର୍ଜୁନ , ଡକାୟତ , ୟତିମ ଭଳି ଫିଲ୍ମର ସନ୍ନିଙ୍କୁ ବହୁତ ତାରିଫ ମିଳିଥିଲା । ଏହାପରେ ସେ ପାପ୍ କି ଦୁନିଆ(୧୯୮୮), ତ୍ରିଦେବ(୧୯୮୯), ବର୍ଦି(୧୯୮୯ ) ଭଳି କିଛି ହିଟ୍ ଫିଲ୍ମ ବଲିଉଡ ଇଣ୍ଡଷ୍ଟ୍ରୀକୁ ଦେଇଥିଲେ । ୧୯୯୦ରେ ଆସିଥିବା ଫିଲ୍ମ ‘ଘାୟଲ’ ସନ୍ନିଙ୍କ କ୍ୟାରିୟରକୁ ଦେଇଥିଲା ଟର୍ଣ୍ଣିଂ ପଏଣ୍ଟ । ଏହି ଫିଲ୍ମରେ ସେ ଖୁବ୍ ଭଲ ଅଭିନୟ କରି ସ୍ପେଶାଲ ଜୁରୀ ଆୱାର୍ଡ ( ରାଷ୍ଟ୍ରୀୟ ଫିଲ୍ମ ପୁରସ୍କାର) ଏବଂ ଫିଲ୍ମ ଫେୟାରର ବେଷ୍ଟ ଅଭିନେତାର ପୁରସ୍କାର ଜିତିଥିଲେ ।
୧୯୯୩ରେ ଆସିଥିବା ଫିଲ୍ମ ‘ଡର୍’ ରେ କାମ କରିବା ସନ୍ନିଙ୍କ ପାଇଁ ଭଲ ଅନୁଭବ ନଥିଲା । ସନ୍ନିଙ୍କୁ ଲାଗିଥିଲା ସେଟ୍ ରେ ତାଙ୍କୁ ଉପେକ୍ଷା କରାଯାଉଛି । ତାଙ୍କ ଅନୁସାରେ କୈାଣସି ଜିନିଷ ହେଉନାହିଁ । ଥରେ ସେ ଖୁବ୍ ରାଗି ଯାଇ ନିଜ ଜିନ୍ସକୁ ଚିରି ଫାଡି ଦେଇଥିଲେ । ନିର୍ଦ୍ଦେଶକ ରାଜକୁମାର ସନ୍ତୋଷୀ ଓ ସନ୍ନି ଉଭୟ ମିଶି ତିନୋଟି ଫିଲ୍ମ ‘ଘାୟଲ’ , ଓ ‘ଦାମିନି ’ ରେ କାମ କରିଥିଲେ । ଏହି ୩ଟି ଫିଲ୍ମ ସନ୍ନିଙ୍କ କ୍ୟାରିୟର ସବୁଠୁ ଭଲ ଫିଲ୍ମ ଭାବେ ଜଣାଯାଏ । ୨୦୦୧ରେ ଆସିଥିଲା ଫିଲ୍ମ ‘ଗଦର୍ : ଏକ୍ ପ୍ରେମ କଥା ’ । ଏହି ଫିଲ୍ମଟି ସନ୍ନିଙ୍କର କ୍ୟାରିୟର ସବୁଠୁ ବଡ ହିଟ୍ ଫିଲ୍ମ ଭାବେ କୁହାଯାଏ । ଫିଲ୍ମରେ ସନ୍ନିଙ୍କର ହ୍ୟାଣ୍ଡପମ୍ପକୁ ଓପାଡି ଫିଙ୍ଗିଥିବା ଦୃଶ୍ୟ ଖୁବ୍ ପସନ୍ଦ ଆସିଥିଲା ସମସ୍ତଙ୍କୁ ।