ଗୋଟିଏ ଫିଲ୍ମରେ ନଜର ଆସିବେ ବାପା-ଝିଅ ! ଅନିଲ କପୁର ଓ ସୋନମ ଏକାଠି କରିବେ ଫିଲ୍ମ
ବଲିଉଡରେ ଅନେକ ସଫଳ ବାପା-ଝିଅଙ୍କ ଯୋଡି ନଜର ଆସିଛନ୍ତି । ଆଉ ଏବେ ଏହି ତାଲିକାରେ ସାମିଲ ହେବାକୁ ଯାଉଛନ୍ତି ଅଭିନେତା ଅନିଲ କପୁର ଓ ତାଙ୍କ ଝିଅ ଅଭିନେତ୍ରୀ ସୋନମ କପୁର । ଦୁହେଁ ଏକାଠି ଗୋଟିଏ ଫିଲ୍ମରେ ନଜର ଆସିବେ । ଏଥିପାଇଁ ସାଇନ୍ କରିଛନ୍ତି । ଜଣେ ସଫଳ ଅଭିନେତ୍ରୀ ରୂପରେ ବଲିଉଡରେ ନିଜର ଏକ ସ୍ୱତନ୍ତ୍ର ପରିଚୟ ତିଆରି କରିଥିବା ସୋନମ, ନିଜ ପିତା ଅନିଲ କପୁରଙ୍କ ସହ କରିବେ ଫିଲ୍ମ । ଆଉ ରିୟଲ ଲାଇଫର ଏହି ଝିଅ , ରିଲରେ ମଧ୍ୟ ହେବେ ବାପାଙ୍କର ଝିଅ ।
Kanak News is now on WhatsApp
Join and get latest news updates delivered to you via WhatsApp
ଗତ ବର୍ଷ ଏକ ରିପୋର୍ଟ ସାମ୍ନାକୁ ଆସିଥିଲା କି ଫିଲ୍ମ ନିର୍ମାତା ବିଧୁ ବିନୋଦ ଚୋପ୍ରାଙ୍କ ଭଉଣୀ ଶେଲି ଚୋପ୍ରା ମାକ୍ରୋ, ଭାଇଙ୍କ ସହ ମିଶି ବାପା-ଝିଅଙ୍କ ବିଷୟରେ ଆଧାରିତ ଫିଲ୍ମ ତିଆରି କରିବାକୁ ଚାହୁଁଛନ୍ତି । ଶେଲିଙ୍କ ଠାରୁ ଏହି ବିଷୟରେ କଥା ହେବା ଦ୍ୱାରା ସେ କହିଥିଲେ, ‘ଏବେ କିଛି ଏ ବିଷୟରେ କାର୍ଯ୍ୟ ଆରମ୍ଭ ହୋଇନି ଓ ଏହା ବିଷୟରେ ଏବେ କିଛି କହିବା ଠିକ୍ ହେବ ନାହିଁ । ଖୁବ୍ ଶୀଘ୍ର ଏ ବିଷୟରେ ଘୋଷଣା କରାଯିବ ।’
ଶେଲି ଏହି ଚର୍ଚ୍ଚାକୁ ନେଇ ଖାଲି ଏତିକି କହିଥିଲେ ଯେ, ‘ହଁ , ମୁଁ କେବଳ ଏତିକି କହିପାରିବି କି ମୁଁ ଏହି ଫିଲ୍ମରେ କାମ କରୁଛି । ଓ ଏହାର କାଷ୍ଟ ଫାଇନାଲ୍ ହୋଇନାହିଁ ।’ ଅନିଲ୍ ଓ ସୋନମ୍ ଙ୍କୁ ନେଇ ସଠିକ୍ ତଥ୍ୟ ଦେଇନାହାଁନ୍ତି ଶେଲି । ଅନିଲ କପୁର ଓ ସୋନମ ଦୁହେଁ ମଧ୍ୟ ଏବିଷୟରେ କିଛି କହିନାହାଁନ୍ତି । ଆଉ ମଧ୍ୟ ଶୁଣିବାକୁ ମିଳୁଛି ବିନୋଦ ମେହରାଙ୍କ ପୁଅ ରୋହନ ମଧ୍ୟ ଏହି ଫିଲ୍ମର ଅଂଶୀଦାର ହୋଇପାରନ୍ତି । ବର୍ତ୍ତମାନ ଅନିଲ କପୁର ରାକେଶ ଓମପ୍ରକାଶଙ୍କ ‘ଫନ୍ନେ ଖାଁ’ , ସୋନମ ‘ବୀର ଦି ୱେଡିଂ’ର ସୁଟିଂରେ ବ୍ୟସ୍ତ ।
ସୂଚନା ଯେ, ଅନିଲ୍ ନିଜର ପୁଅ ହର୍ଷବର୍ଦ୍ଧନଙ୍କ ସହ ମିଶି ଅଲମ୍ପିକ୍ ପଦକ ବିଜେତା ସୁଟର ଅଭିନବ ବିନ୍ଦ୍ରାଙ୍କ ଉପରେ ଏକ ବାୟୋପିକ୍ କରିବାକୁ ଯୋଜନା କରୁଛନ୍ତି । ଫିଲ୍ମରେ ଦୁଇଜଣ ପିତା-ପୁତ୍ର ଭୂମିକାରେ ନଜର ଆସିବେ ।