ବଢିଲା ବ୍ରହ୍ମୋଶ୍ ମିସାଇଲର ଶକ୍ତି ! ୨୯୦ ନୁହେଁ ଏବେ ୫୦୦ କି.ମି. ବେଗରେ ଶତ୍ରୁଙ୍କ ଘରେ ପଶି ମାରିବ ବ୍ରହ୍ମୋଶ୍

ବାଲାକୋଟ୍ ଏୟାର୍ ଆକ୍ରମଣ ପରେ ସରକାର ଏବେ ଶକ୍ତ ପଦକ୍ଷେପ ଉଠାଇବାକୁ ଯାଉଛନ୍ତି । ବ୍ରହ୍ମୋଶ୍ ମିସାଇଲ୍ ର ମାରକ କ୍ଷମତାକୁ ବଢାଇବା ପାଇଁ ସରକାର ଏବେ ଅଣ୍ଟା ଭିଡିଛନ୍ତି । ଏବେ ପର୍ଯ୍ୟନ୍ତ ୨୯୦ କି.ମି. ପର୍ଯ୍ୟନ୍ତ ଲକ୍ଷ ଭେଦ କରୁଥିବା ବ୍ରହ୍ମୋଶ୍ ଏରୋସ୍ପେଶ୍ ର କ୍ଷମତାକୁ ଏବେ ୫୦୦ କି.ମି. ପର୍ଯ୍ୟନ୍ତ ବଢାଇ ଦିଆଯାଇଛି । ତେବେ ଏହା ପୂର୍ବରୁ ସରକାର ବଡ ନିଷ୍ପତ୍ତି ନେଇ ୪୦ ରୁ ଅଧିକ ସୁଖୋଇ ଲଢୁଆ ବିମାନକୁ ବ୍ରହ୍ମୋଶ୍ ସୁପରସୋନିକ୍ କ୍ରୁଜ୍ ମିସାଇଲ୍ ରେ ଲେସ୍ କରିବା ପ୍ରକ୍ରିୟାକୁ ବଢାଇ ଦେଇଛନ୍ତି ।

ବ୍ରହ୍ମୋଶ୍ ଏରୋସ୍ପେଶର ସିଇଓ ସୁଧୀର କୁମାର ମିଶ୍ରା କହିଛନ୍ତି ୫୦୦ କି.ମି. ପର୍ଯ୍ୟନ୍ତ ବଢିଥିବା ରେଞ୍ଜ ସହ ସ୍ୱଦେଶୀ ବ୍ରହ୍ମୋଶ୍ ମିସାଇଲ୍ ର ଉନ୍ନତ ସଂସ୍କରଣ ଆରମ୍ଭ କରିବାକୁ ଯାଉଛନ୍ତି । ମିଶ୍ରା କହିଛନ୍ତି ଯେ ବ୍ରହ୍ମୋଶ୍ ମିଶାଇଲ୍ ର ସୀମା ବଢାଇବା ସମ୍ଭବ କାରଣ ଭାରତ ଏବେ ମିଶାଇଲ୍ ପ୍ରଦ୍ୟୋଗୀ ନିୟନ୍ତ୍ରଣ ବ୍ୟବସ୍ଥାର ଅଂଶ ।