ଟିମ୍ ଇଣ୍ଡିଆକୁ ମ୍ୟାଚ୍ ପୂର୍ବରୁ ହାରିବାକୁ ପ୍ରସ୍ତାବ ଦେଲା ଇଂଲଣ୍ଡ କ୍ରିକେଟ୍ ବୋର୍ଡ । ପଢନ୍ତୁ, କଣ କହିଲେ କୋହଲି-ରୋହିତ…
କନକ ବ୍ୟୁରୋ: ଭାରତ-ଇଂଲଣ୍ଡ ଭିତରେ ହେବାକୁ ଥିବା ପଞ୍ଚମ ଟେଷ୍ଟ ଖେଳାଯିବ କି ନାହିଁ , ତାହା ଏବେ ବି ଆଶା ଆଶଙ୍କା ଭିତରେ ରହିଛି । ମ୍ୟାଚର ଠିକ୍ ଗୋଟିଏ ଦିନ ପୂର୍ବରୁ ଟିମ୍ ଇଣ୍ଡିଆର ଜଣେ ସପୋର୍ଟ ଷ୍ଟାଫ୍ ପଜିଟିଭ୍ ଚିହ୍ନଟ ହେବା ଏହି ମ୍ୟାଚ୍ ଉପରେ କଳାବାଦଲ ଢାଙ୍କି ଦେଇଛି । ଆଉ ଏହାପରେ ଇଂଲଣ୍ଡ କ୍ରିକେଟ୍ ବୋର୍ଡ, ବିସିସିଆଇକୁ ଏକ ଅଜବ ଅଫର ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ମିଡିଆ ରିପୋର୍ଟସ ମୁତାବକ, ଇଂଲଣ୍ଡ କ୍ରିକେଟ୍ ବୋର୍ଡ ବିସିସିଆଇକୁ ଏହି ପଞ୍ଚମ ଟେଷ୍ଟ ମ୍ୟାଚ୍ ୱାକଓଭର ଦେବାକୁ ପ୍ରସ୍ତାବ ଦେଇଛି । ହେଲେ ଏହି ପ୍ରସ୍ତାବକୁ ଗ୍ରହଣ କରିବାକୁ ସିଧାସିଧା ମନା କରିଦେଇଛି ବିସିସିଆଇ । ଏପରିକି ଏ ସମ୍ବନ୍ଧରେ ବିସିସିଆଇ ଅଧିନାୟକ ବିରାଟ କୋହଲି, ରୋହିତ ଶର୍ମାଙ୍କ ସହିତ ଆଲୋଚନା କରିଥିବାବେଳେ , ସେମାନେ ମଧ୍ୟ ଏହି ଅଫରକୁ ସିଧାସିଧା ମନା କରିଦେଇଛନ୍ତି ।
ଭାରତୀୟ କ୍ରିକେଟ ଦଳର ସପୋର୍ଟ ଷ୍ଟାଫ୍ ଯୋଗେଶ ପରମାର ଆଜି କୋଭିଡ୍ ପଜିଟିଭ୍ ଚିହ୍ନଟ ହୋଇଛନ୍ତି । ଯେଉଁଥିପାଇଁ ଏବେ ସମସ୍ତ ଭାରତୀୟ ଖେଳାଳିଙ୍କୁ ସଙ୍ଗରୋଧରେ ରଖାଯିବା ସହିତ ସେମାନଙ୍କର କୋଭିଡ୍ ଟେଷ୍ଟ କରାଯାଉଛି । ଯଦି ଟେଷ୍ଟ ରିପୋର୍ଟ ନେଗେଟିଭ୍ ଆସିବ ତେବେ ଯାଇ ପଞ୍ଚମ ଟେଷ୍ଟ ଖେଳାଯାଇପାରିବ । ନଚେତ୍ ପଞ୍ଚମ ଟେଷ୍ଟ ମ୍ୟାଚ୍ ଆୟୋଜନ କଷ୍ଟକର ହୋଇପାରେ । ଏପରି ସ୍ଥିତିରେ ମାଞ୍ଚେଷ୍ଟର ଟେଷ୍ଟର ଭବିଷ୍ୟତ କଣ ହେଉଛି ତାହା ଏବେ ପ୍ରଶ୍ନବାଚୀ । ବିସିସିଆଇ ସଭାପତି ସୌରଭ ଗାଙ୍ଗୁଲି ମଧ୍ୟ ଏହି ଘଟଣାରେ କୌଣସି ନିର୍ଦ୍ଦିଷ୍ଟ ସୂଚନା ଦେଇପାରିନାହାଁନ୍ତି । ଯଦି ସିରିଜର ଏହି ମ୍ୟାଚ୍ ନଖେଳାଯାଏ ତେବେ ୨-୧ରେ ଆଗୁଆ ରହିଥିଲେ ମଧ୍ୟ ଭାରତକୁ ବିଜେତା ଘୋଷଣା କରାଯିବ ନାହିଁ । ଏହି ମ୍ୟାଚ୍ ଖେଳାଯାଇ ସରିବା ପରେ ହିଁ ସିରିଜର ବିଜେତା ଟିମ ଘୋଷଣା କରାଯିବ ।