କନକ ବ୍ୟୁରୋ : ଡ୍ରଗ୍ସ ମାମଲା, ଅଶ୍ଳୀଳ ଭିଡଓ ମାମଲା ପରେ ପୁଣି ବଲିଉଡକୁ ଘାରିଛି ଅର୍ଥ ହେରଫେର ମାମଲା । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡର କିଛି ମହାନ ବ୍ୟକ୍ତିମାନଙ୍କ ବ୍ୟକ୍ତିଗତ ଜୀବନ ଶୈଳୀ ଓ ପରଦା ପଛର କାରନାମା ପଦାରେ ପଡିଥିଲା । ଏହାପରେ ବଲିଉଡରୁ ଆସିଲା ଅଶ୍ଳୀଳ ଭିଡିଓ ମାମଲା । ଏହି ମାମଲାରେ ମୁଖ୍ୟ ଅଭିଯୁକ୍ତ ତଥା ଶିଳ୍ପା ସେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରା ଏବେ ଜେଲରେ ଥିବା ବେଳେ ପୁଣି ଏକ ମାମଲା ଏବେ ବଲିଉଡ କଳାକାରଙ୍କ କଳା କାହାଣୀକୁ ପଦାରେ ପକାଇଛି । ବଲିଉଡର ଆଗଧାଡିର ନାୟିକା କୁହାଯାଉଥିବା ଜ୍ୟାକଲିନ୍ ଫର୍ଣ୍ଣାଡିଜ ଏବେ ଇଡି ସ୍କାନରକୁ ଆସିଛନ୍ତି । ବେଆଇନ ଅର୍ଥ କାରବାର ମାମଲାରେ ଇଡି ତାଙ୍କୁ ପୁଣି ପଚରା ଉଚରା କରିବ । ଏନେଇ ଇଡି ପକ୍ଷରୁ ନୋଟିସ ଜାରି କରାଯାଇଛି । ଏହି ନୋଟିସ ମୁତାବକ ତାଙ୍କ ଚଳିତ ମାସ ୨୫ ତାରିଖରେ ପ୍ରବର୍ତ୍ତନ ନିର୍ଦ୍ଦେଶାଳୟ ସାମ୍ନାରେ ହାଜର ହେବାକୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଏହା ପୂର୍ବରୁ ବି ଇଡି ତରଫରୁ ଅଗଷ୍ଟ ୩୦ ତାରିଖରେ ଜ୍ୟାକଲିନଙ୍କୁ ଇଡିର ଦିଲ୍ଲୀ ସ୍ଥିତ କାର୍ଯ୍ୟାଳୟରେ ୪ ଘଂଟା ଧରି ଜେରା କରିଥିଲା । କୁହାଯାଉଛି କି ୨୦୦ କୋଟି ଟଙ୍କାର ଅର୍ଥ ହେରଫେର ମାମଲାରେ ସଂପୃକ୍ତ ଥାଇ ଜେଲରେ ଥିବା ମୁକେଶ ଚନ୍ଦ୍ରଶେଖରଙ୍କ ସହ ମିଶି ଜ୍ୟାକଲିନ ବେଆଇନ ଅର୍ଥ କାରବାର କରିଥିଲେ । ଏହି ମାମଲାରେ ମୁଖ୍ୟ ଅଭିଯୁକ୍ତ ମୁକେଶ ଚନ୍ଦ୍ର ଶେଖର ଜେଲରେ ଥିବା ବେଳେ ୨୫ ତାରିଖ ଜେରାରେ ଇଡିକୁ ଯଦି କିଛି ପ୍ରମାଣ ମିଳେ ତେବେ ଜ୍ୟାକଲିନ ବି ଜେଲ ଯାଇ ପାରନ୍ତି ।