ଗଂଜାମରେ ବିଜୁଳି ତାଲ ଲାଗି ଅଘଟଣ ପରେ ଚେତିଲା ଶକ୍ତି ବିଭାଗ । ଭିଡିଓ କନଫରେନସିଂ ମାଧ୍ୟମରେ ସମସ୍ତ ଜିଲ୍ଲାପାଳ ଓ ବରିଷ୍ଠ ଅଧିକାରୀଙ୍କ ସହ ଉଚ୍ଚସ୍ତରୀୟ ବୈଠକ , ବିଦ୍ୟୁତ ଭିତିଭୂମି ସୁଧାର କରିବା ନେଇ କଡା ନିର୍ଦ୍ଦେଶ
କନକ ବ୍ୟୁରୋ : ଗଞ୍ଜାମ ବସ ଦୁର୍ଘଟଣାରେ ୧୦ଜଣଙ୍କ ଜୀବନ ଗଲା ପରେ ଶକ୍ତି ବିଭାଗର ଚେତିଲା ଶକ୍ତି ବିଭାଗ । ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ବସିଥିଲା । ଏହି ବୈଠକରେ ମୁଖ୍ୟ ଶାସନ ସଚିବ ଅସିତ ତ୍ରିପାଠି, ଶକ୍ତି ସଚିବ ବିଷ୍ଣୁପଦ ସେଠି, ସେସୁ ସିଇଓ ଅରୁଣ ବୋଥ୍ରା ଓ ବିଦ୍ୟୁତ ବିଭାଗର ବହୁ ବରିଷ୍ଠ ଅଧିକାରୀ ଯୋଗ ଦେଇଥିଲେ । ଏହି ବୈଠକରେ ସବୁ ଜିଲ୍ଲାର ଜିଲ୍ଲାପାଳ, ଏସପି ଓ ବିଦ୍ୟୁତ ବିଭାଗର ବରିଷ୍ଠ ଅଧିକାରୀଙ୍କ ସହ ଭିଡିଓ କନଫରେନସିଂ ମାଧ୍ୟମରେ ଆଲୋଚନା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ଅଂଚଳରେ ବିଦ୍ୟୁତ ବିଭାଗରେ ତ୍ରୁଟି ରହିଛି ସେହି ଅଂଚଳଗୁଡିକୁ ତୁରନ୍ତ ଚିହ୍ନଟ କରି ସଂଶୋଧନ କରିବାକୁ ବିଭାଗୀୟ କର୍ତୁପକ୍ଷଙ୍କୁ କଡା ନିର୍ଦେଶ ଦିଆଯାଇଛି । ରାଜ୍ୟରେ ଯେଉଁ ସ୍ଥାନରେ ସବୁ କମ ଉଚ୍ଚତାରେ ତାର ଝୁଲୁଛି ସେହି ଲାଇନ ଗୁଡିକୁ ତୁରନ୍ତ ମରାମତି କରିବାକୁ ମଧ୍ୟ ନିର୍ଦେଶ ଦିଆଯାଇଛି । ଭଭିଷ୍ୟତରେ ଏଭଳି ଦୁର୍ଘଟଣା ଯେଭଳି ନଘଟିବ ସେଦିଗରେ ଉଦ୍ୟମ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଥିବା ସୂଚନା ଦେଇଛନ୍ତି ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ।