କନକ ବ୍ୟୁରୋ : କଟକ ମଧୁପାଟଣାରେ ପୋଲିସର ଏନକାଉଣ୍ଟର । ପୁରୀଘାଟରେ ୭ ଲକ୍ଷ ଟଙ୍କା ଲୁଟ୍ ମାମଲାରେ ସାମିଲ ଥିବା ଅନିଲ ବେହେରା ଓରଫ ଚିକୁକୁ ଏନକାଉଣ୍ଟର କରାଯାଇଛି । ପୋଲିସ ଗୁଳିରେ ଆହତ ହୋଇଛି ଦୁର୍ଦାନ୍ତ ଅପରାଧୀ ଅନିଲ ବେହେରା ଓରଫ ଚିକୁ । ସେ ଶଗଡିଆ ସାହି ବାସିନ୍ଦା ବୋଲି ଜଣାପଡିଛି । ଅନିଲ ବେହେରା ନୂଆପଡା ଅଂଚଳରେ ଅଭିରାମ ମଠନିକଟରେ ଥିବା ଖବର ପାଇ ପୋଲିସ ଚଢଉ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ପୋଲିସକୁ ଦେଖି ସେ ଫେରାର ହେବାକୁ ଉଦ୍ୟମ କରିଥିଲା ଏବଂ ପିସ୍ତଲ କାଢି ପୋଲିସ ଉପରକୁ ଗୁଳିମାଡ କରିଥିଲା । ଜବାବରେ ପୋଲିସ ଗୁଳିରେ ଚିକୁ ଆହତ ହୋଇଥିଲା । ତାହାର ବାମ ଗୋଡରେ ଗୁଳି ମାଡ ହୋଇଛି । ଆହତ ଅବସ୍ଥାରେ ଅନିଲକୁ ଏସସିବିରେ ଭର୍ତି କରାଯାଇଛି । ଅନିଲ ବେହେରା ନାଁରେ ବିଭିନ୍ନ ଥାନାରେ ବହୁ ମାମଲା ରହିବା ସହ ସେ ଜଣେ ସିରିଏଲ ଲୁଟେରା ବୋଲି ପ୍ରାଥମିକ ତଦନ୍ତରୁ ପୋଲିସ ଜାଣି ପାରିଛି । ଅନିଲ ନିକଟରୁ ପୋଲିସ ଗୋଟିଏ ୭ ଏମଏମ ପିସ୍ତଲ, ଗୁଳି ଓ ଗୋଟିଏ ମୋବାଇଲ ଜବତ କରିଛି ।