ବିହାର ବିଧାନସଭା ପରିସରରୁ ମିଳିଲା ଖାଲି ମଦ ବୋତଲ, ମୁଖ୍ୟମନ୍ତ୍ରୀଙ୍କୁ ନେଇ ତେଜସ୍ୱୀ କହିଲେ ଏଭଳି କଥା

ଦେଶ ବିଦେଶ
By Pradip Nayak
105

କନକ ବ୍ୟୁରୋ : ସମାଜବାଦ ଭଳି ଦେଶରେ ମଦ ବ୍ୟାନ ଯେ ଏକ ସ୍ୱପ୍ନ ଏହା ଧିରେ ଧିରେ ପ୍ରମାଣିତ ହେବାରେ ଲାଗିଛି । ମଦକୁ ବିରୋଧ କରି ବିଭିନ୍ନ ଗଣ ସଂଗଠନ ଓ ରାଜନୈତିକ ଦଳମାନେ ହୋ ହାଲ୍ଲା କରୁଥିବା ବେଳେ କିଛି ରାଜ୍ୟ ସରକାର ରାଜନୀତି ରୁଟି ସେକିବା ଲକ୍ଷରେ ରାଜ୍ୟରେ ମଦ କାରବାରକୁ ବ୍ୟାନ କରିଛନ୍ତି । ଏହା ମଧ୍ୟରେ ବିହାର ହେଉଛି ପ୍ରଥମ ରାଜ୍ୟ ଯେ କି ମଦ କାରବାରକୁ ରାଜ୍ୟରେ ସମ୍ପୂର୍ଣ୍ଣ ବନ୍ଦ କରିଥିବା ନେଇ ଆଇନ ଆଣିଛନ୍ତି । ହେଲେ ଦେଶର ଅନ୍ୟ ରାଜ୍ୟ ତୁଳନାରେ ବିହାରରେ ବିଶାକ୍ତ ମଦମୃତ୍ୟୁ ସଂଖ୍ୟା ଆଜିବି ସର୍ବାଧିକ । ଏହାରି ମଧ୍ୟରେ ବିହାର ବିଧାନସଭା ପରିସରରୁ ଆସିଛି ବିଚିତ୍ର ଚିତ୍ର । ବିହାର ବିଧାନସଭା ପରିସରରୁ ଖାଲି ମଦ ବୋତଲ ମିଳିବା ପରେ ଏହାକୁ ନେଇ ବିହାର ରାଜନୀତି ସରଗରମ ହୋଇଛି ।

ମଦ ବ୍ୟାନ ହୋଇଥିବା ରାଜ୍ୟ ବିହାର ବିଧାନସଭା ପରିସରରେ ଖାଲି କିଛି ଖାଲି ମଦ ବୋତଲ ପଡିଥିବା ଦେଖିବାକୁ ମିଳିଛି । ଏହି ଭିଡିଓ ସାମ୍ନାକୁ ଆସିବା ପରେ ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଇସ୍ତଫା ଦାବି କରିଛନ୍ତି । କେବଳ ଦାବି କରି ନାହାଁନ୍ତି ମଦ ବୋତଲ ପଡିଥିବା ସ୍ଥାନ ବୁଲି ଦେଖିଛନ୍ତି ତେଜସ୍ୱୀ । ଏହାପରେ ସେ ତାଙ୍କ ଟ୍ୱିଟରରେ ଏହି ଭିଡିଓ ସେୟାର କରିଛନ୍ତି । ସେ ଲେଖିଛନ୍ତି କି ବିଭିନ୍ନ ବ୍ରାଣ୍ଡର ଖାଲି ମଦ ବୋତଲଗୁଡିକ ମୁଖ୍ୟମନ୍ତ୍ରୀଙ୍କ ଚେମ୍ବର ପାଖା ପାଖି ପଡି ରହିଛି । ସେ ଆହୁରି ଲେଖିଛନ୍ତି କି ଏତେ କଡା ସୁରକ୍ଷାବଳୟରେ ଥିବା ବିଧାନସଭା ପରିସରରୁ ଯେତେବେଳେ ମଦ ବୋତଲ ମିଳୁଛି ତାହାଲେ ରାଜ୍ୟର ଅନ୍ୟ ପ୍ରାନ୍ତରରେ ସ୍ଥିତି କଣ ଥିବ ?

ତେଜସ୍ୱୀ ଏହି ପ୍ରସଙ୍ଗକୁ ବିହାର ବିଧାନସଭାରେ ଉଠାଇଛନ୍ତି । ଏହି ଭିଡିଓ ସାମ୍ନାକୁ ଆସିବା ପରେ ଆରଜେଡି ସମେତ ତମାମ୍ ବିରୋଧୀଦଳମାନେ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି ।

ସମ୍ବନ୍ଧିତ ଖବର More from author