କନକ ବ୍ୟୁରୋ: ମୋଟା ଅଙ୍କର ବୋନସ୍ ପାଇ ଭାରି ଖୁସି ଥିଲେ କର୍ମଚାରୀ । ହେଲେ ହଠାତ୍ ଏକ ନିର୍ଦ୍ଦେଶନାମା ଜାରି କଲା ସମ୍ପୃକ୍ତ କମ୍ପାନୀ । ଯଥାଶୀଘ୍ର ବୋନସ୍ ଟଙ୍କା ଫେରାଇବାକୁ କହିଲା । ନଚେତ୍ କର୍ମଚାରୀଙ୍କ ଦରମା କଟାଯିବ ବୋଲି କଡା ନିର୍ଦ୍ଦେଶ ଜାରି ହେଲା ।

Advertisment

କୌଣସି କର୍ମଚାରୀ ବୋନସ୍ ପାଇବାକୁ ଭାରି ଉତ୍ସାହୀ ହୋଇ ରହିଥାନ୍ତି । କିନ୍ତୁ ଟିକେ ଚିନ୍ତା କଲେ, ଯଦି ପ୍ରଥମେ ବୋନସ୍ ମିଳିବ ହେଲେ ତା’ ପରେ ତାଙ୍କୁ ବୋନସ୍ ଟଙ୍କା ଫେରାଇବାକୁ କୁହାଯିବ । ଏହି ଦୁର୍ଦ୍ଦଶା ଭୋଗିବାକୁ ପଡିଛି ଜାପାନି ଅଟୋମେକର୍ କମ୍ପାନୀ ହୋଣ୍ଡାର କର୍ମଚାରୀଙ୍କୁ । ପ୍ରଥମେ କର୍ମଚାରୀଙ୍କୁ ବୋନସ୍ ଦେଇ ଖୁସି କରିଦେଲା କମ୍ପାନୀ ହେଲେ ତା ପରେ ଟଙ୍କା ଫେରାଇବାକୁ କହିଲା । ହେଲେ କ’ଣ ରହିଛି ପୁରା ମାମଲା?

ପ୍ରକୃତ କଥା ହେଉଛି କମ୍ପାନୀ କର୍ମଚାରୀଙ୍କୁ ନିର୍ଦ୍ଧାରିତ ବୋନସ୍ ଠାରୁ ଅଧିକ ଟଙ୍କା ତାଙ୍କ ଆକାଉଣ୍ଟକୁ ପଠାଇଦେଇଥିଲା । ଟ୍ରାଞ୍ଜାକ୍ସନ ହେବା ପରେ କମ୍ପାନୀ କର୍ମଚାରୀଙ୍କୁ ଏ ବାବଦରେ ଅବଗତ କରାଇବା ସହ ଓଭରପେଡ୍ ଟଙ୍କାକୁ ଯଥାଶୀଘ୍ର ଫେରାଇବାକୁ ନିର୍ଦ୍ଦେଶ ଦେଇଛି ।