ରାଜୀବ ଗାନ୍ଧୀଙ୍କ ଶ୍ରାଦ୍ଧ ଦିବସରେ ଭାବୁକ ହେଲେ ରାହୁଲ ଓ ପ୍ରିୟଙ୍କା । ପ୍ରିୟଙ୍କାଙ୍କ ଟ୍ୱିଟ୍, ମୋ ପିତା ମୋ ପାଇଁ ହିରୋ, ସମ୍ମାନ ଦେବା ଓ ଭଲପାଇବା ବାପାଙ୍କଠୁ ଶିଖିଛି କହିଲେ ରାହୁଲ ।
କନକ ବ୍ୟୁରୋ : ଭାବୁକ ହେଲେ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ । ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ୨୮ତମ ଶ୍ରାଦ୍ଧ ଦିବସରେ ତାଙ୍କ ଉଦ୍ଦେଶ୍ୟରେ କିଛି ଲେଖା ସେୟାର କରି ମନ କଥା କହିଛନ୍ତି ଭାଇ ରାହୁଲ ଓ ଭଉଣୀ ପ୍ରିୟଙ୍କା । ଦିଲ୍ଲୀ ବୀରଭୁମିରେ ରାଜୀବଙ୍କୁ ଶ୍ରଦ୍ଧାଂଜଳି ଦେଇଛନ୍ତି ସୋନିଆ, ରାହୁଲ ଓ ପ୍ରିୟଙ୍କାଙ୍କ ସମେତ ଅନେକ ବରିଷ୍ଠ ନେତା ।
Kanak News is now on WhatsApp
Join and get latest news updates delivered to you via WhatsApp
ଦେଶର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ତାଙ୍କର ୨୮ତମ ଶ୍ରାଦ୍ଧ ବାର୍ଷିକୀରେ ଶ୍ରଦ୍ଧାଞ୍ଜଳି ଜଣାଇଛନ୍ତି ତାଙ୍କ ପୁଅ ତଥା କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ରାହୁଲଙ୍କ ସହ ୟୁପିଏ ଅଧ୍ୟକ୍ଷା ତଥା ମାଆ ସୋନିଆ ଗାନ୍ଧୀ ଓ କଂଗ୍ରେସର ଅନ୍ୟତମ ବରିଷ୍ଠ ସଦସ୍ୟା ତଥା ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଉପସ୍ଥିତ ଥିଲେ ।
ଏକ ଟ୍ଵିଟ୍ ଜରିଆରେ ରାହୁଲ ତାଙ୍କ ବାପାଙ୍କୁ ମନେ ପକାଇଛନ୍ତି । ରାହୁଲ କହିଛନ୍ତି କି ସେ ତାଙ୍କ ବାପାଙ୍କ ପାଖରୁ ହିଁ କ୍ଷମାଶୀଳ ସ୍ୱଭାବ ଆଣିଛନ୍ତି । କାହାକୁ ଘୃଣା ନ କରିବା ପାଇଁ ସେ ବାପାଙ୍କ ନିକଟରୁ ହିଁ ଶିଖିଛନ୍ତି । ରାହୁଲ ଗାନ୍ଧି କହିଛନ୍ତି, ସମ୍ମାନ ଦେବା ଓ ଭଲପାଇବା ବାପାଙ୍କଠାରୁ ଶିଖିଛି ।
ସେ ଲେଖିଛନ୍ତି, ‘ମୋ ବାପା ଜଣେ ଭଦ୍ର, ସ୍ନେହୀ ଓ ଦୟାଳୁ ସ୍ୱଭାବର ବ୍ୟକ୍ତି ଥିଲେ। ସମସ୍ତଙ୍କୁ ଭଲପାଇବା ଓ ସମ୍ମାନ ଦେବାକୁ ସେ ମୋତେ ଶିକ୍ଷା ଦେଇଛନ୍ତି । କାହାକୁ ଘୃଣା ନ କରିବାକୁ ଓ ସମସ୍ତଙ୍କୁ କ୍ଷମା କରିବାକୁ ସେ ମୋତେ ଶିଖାଇଛନ୍ତି। ମୁଁ ତାଙ୍କୁ ଖୁବ୍ ମନେ ପକାଉଛି । ଆଜି ତାଙ୍କ ମୃତ୍ୟୁ ବାର୍ଷିକୀରେ ମୁଁ ମୋ ବାପା ଓ ତାଙ୍କ ଭଲପାଇବାକୁ ଝୁରୁଛି ।’