ପରଲୋକରେ ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ରାଜୁ ମିଶ୍ର । ଜଟଣୀ ସ୍ଥିତ ଘରେ ବସିଥିବା ବେଳେ ହୃଦଘାତରେ ଟଳି ପଡ଼ିଲେ ରାଜୁ । ଚଳଚ୍ଚିତ୍ର ଜଗତରେ ଶୋକର ଛାୟା

ପୁନେ ଫିଲ୍ମ ଇନଷ୍ଟିଚ୍ୟୁଟରୁ ସିନେମାଟୋଗ୍ରାଫିରେ ଡିପ୍ଲୋାମା ହାସଲ କରିବା ପରେ ରାଜୁ ମିଶ୍ର ସିନେ ଜଗତରେ ପ୍ରବେଶ କରିଥିଲେ। ସେ ପ୍ରଥମେ ସଙ୍ଗୀତକାର ଓ ସିନେମାଟୋଗ୍ରାଫର୍ ଭାବେ କାର୍ଯ୍ୟ କରିଥିଲେ। ହେଲେ ପରେ ସେ ନିର୍ଦେଶନା କ୍ଷେତ୍ରକୁ ଆସିଥିଲେ। ତାଙ୍କ ନିର୍ଦେଶିତ ଚଳଚ୍ଚିତ୍ର ମଧ୍ୟରେ ରହିଛି ‘ଜୋର ଯାର ମୁଲକ ତାର’, ‘ପୁଅ ମୋର କଳାଠାକୁର’, ‘ଚକା ଆଖି ସବୁ ଦେଖୁଛି’, ‘ଆସୁଚି ମୋ କାଳିଆସୁନା’, ‘ପଥର ଖସୁଛି ବଡ଼ ଦେଉଳୁ’, ‘ସାଗର ଗଙ୍ଗା’, ‘ରୂପା ଗାଁର ସୁନାକନିଆଁ’, ‘ଲକ୍ଷ୍ମୀର ଅଭିସାର’, ‘ସିଂହବାହିନୀ’,‘ହରି ଭାଇ ହାରେନା’, ଏବଂ ‘ଜୀବନ ମୃତ୍ୟୁ’ । ତାଙ୍କୁ ରାଜ୍ୟ ସରକାର ‘ଜୟଦେବ ପୁରସ୍କାର’ରେ ସମ୍ମାନିତ କରିଥିଲେ।