ସମ୍ବଲପୁର ହାତୀବାରି ଷ୍ଟେସନ ନିକଟରେ ଟ୍ରେନ ଧକ୍କାରେ ଦନ୍ତା ହାତୀର ମୃତ୍ୟୁ : ହାତୀପଲ ଟ୍ରାକ ପାରିହେବା ବେଳେ ମାଡିଗଲା ପୁରୀ-ସୁରଟ ଏକ୍ସପ୍ରେସ
ଇଂଜିନର ୬ ଚକ ଲାଇନଚ୍ୟୁତ ସତ୍ୱେ ବର୍ତିଗଲେ ଯାତ୍ରୀ; ରେଳ ଓ ବନବିଭାଗ ପକ୍ଷରୁ ତଦନ୍ତ
କନକ ବ୍ୟୁରୋ : ସମ୍ବଲପୁର ନିକଟ ହାତୀବାରି ଷ୍ଟେସନରୁ ଅଳ୍ପ ଦୂରରେ ପୁରୀ ସୁରଟ ସ୍ପେଶାଲ ଟ୍ରେନ ହାତୀକୁ ଧକ୍କା ଦେଇ ଧାରଣାରୁ ଖସିଗଲା ଇଂଜିନ । ଭବାନୀପାଲି ଗାଁ ନିକଟରେ ୧୫ ଜଣିଆ ହାତୀପଲ ଟ୍ରେନ ଟ୍ରାକ ପାରି ହେଉଥିବା ବେଳେ ଦନ୍ତା ହାତୀ ଉପରେ ମାଡି ଯାଇଥିଲା ପୁରୀ-ସୁରଟ ଏକ୍ସପ୍ରେସ । ଟ୍ରେନ ଧକ୍କାରେ ଦନ୍ତା ହାତୀର ଘଟଣାସ୍ଥଳରେ ମୃତ୍ୟୁ ହୋଇଯାଇଛି । ଟ୍ରେନ ଧକ୍କାରେ ଦନ୍ତା ଖଣ୍ଡ ଖଣ୍ଡ ହୋଇଯାଇଥିବା ବେଳେ ଟ୍ରେନ ଇଂଜିନର ୬ଟି ଚକ ଲାଇନଚ୍ୟୁତ ହୋଇଯାଇଛି । ଖବର ପାଇ ଘଟଣାସ୍ଥଳରେ ପହଂଚି ତଦନ୍ତ କରୁଛନ୍ତି ରେଳ ଓ ବନ ବିଭାଗ ଅଧିକାରୀ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରେଳ ଧାରଣାରୁ ଖସି ଯାଇଥିବା ଇଂଜିନକୁ ଧାରଣା ଉପରେ ଉଠାଇବା ପାଇ ରେଲବାଇ ବିଭାଗର ଉଦ୍ୟମ ଜାରି । ବିଳମ୍ବିତ ରାତିରେ ଘଟିଥିବା ଏହି ଦୁର୍ଘଟଣାରେ ଟ୍ରେନ ଇଂଜିନ, ଡ୍ରାଇଭର ଓ ଯାତ୍ରୀମାନେ ସୁରକ୍ଷିତ ଥିବା ସୂଚନା ମିଳିଛି । ଘଟଣାସ୍ଥଳରେ ଡିଆରଏମ ଓ ସମ୍ବଲପୁର ରେଳ ବିଭାଗର ଅଧିକାରୀମାନେ ରହିଛନ୍ତି । ଏପଟେ ଟ୍ରେନ ଦୁର୍ଘଟଣାଗ୍ରସ୍ତ ହୋଇଥିବାରୁ ଭୁବନେଶ୍ୱର- ସମ୍ବଲପୁର ରେଳ ପଥରେ ଟ୍ରେନ ଯାତାୟତ ଠପ ହୋଇପଡିଛି । ଟ୍ରାକରୁ ଖସି ପଡିଥିବା ଇଂଜିନକୁ ହଟାଇବା ପରେ ରେଳ ଚଳାଚଳ ସ୍ୱାଭାବିକ ହେବ ବୋଲି ଜଣାପଡିଛି ।