କନକ ବ୍ୟୁରୋ : କେନ୍ଦୁଝର ଚମ୍ପୁଆ ରେଂଜ ଅଂଚଳରେ ହାତୀପଲଙ୍କ ଆତଙ୍କ । ଡେରା ପକାଇଛନ୍ତି ୨୨ ଟିକିଆ ହାତୀପଲ । ୧୦ରୁ ଅଧିକ ଗାଁରେ ଏହି ହାତୀପଲ ବ୍ୟାପକ ଧାନ ଫସଲ ନଷ୍ଟ କରୁଛନ୍ତି । ସୂଚନା ଅନୁସାରେ ଏହି ହାତୀପଲ ବର୍ଧନା ସଂରକ୍ଷିତ ଜଙ୍ଗଲରୁ କାଟୁଳିକନା ଗାଁ ଦେଇ ଅରଡେଇ ନଦୀ ପାର ହେବା ପରେ ଆଂବ ବଗିଚାରେ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ହାତୀ ପଲ ପୁଣି ଥରେ ନଦୀ ପାର ହୋଇ ଶଶାଙ୍ଗ ଗାଁ ଦେଇ ବର୍ତମାନ ଟୁଣଟୁଣି, ଜୟନ୍ତିନାପୁର, ମହେଶ୍ୱରପୁର, କଇଁତା ଓ ଇନ୍ଦ୍ରପ୍ରସ୍ଥ ଗାଁ ଅଂଚଳରେ ଡେରା ପକାଇଛନ୍ତି । ହାତୀ ପଲରେ ରହିଛନ୍ତି ୬ଟି ପୁରୁଷ, ୯ଟି ମାଈ ଏବଂ ୭ଟି ଛୁଆ ହାତୀ । ହାତୀପଲ ଏବେ କାଳିକାପ୍ରସାଦ ସଂରକ୍ଷିତ ଜଙ୍ଗଲ ଅଂଚଳରେ ରହିଛନ୍ତି । ହାତୀ ପଲ ଡେରା ପକାଇବା ପରେ ଲୋକେ ଭୟଭୀତ ଅବସ୍ଥାରେ ରହିଛନ୍ତି ।