ହାତୀ ବି ରହିବ ଫିଟ୍ : ବୁଝୁଛି ବ୍ୟାୟାମର ଉପକାରିତା । ସୁ୍ସ୍ଥ ରହିବା ପାଇଁ ଦିନକୁ ୧୦ ମିନିଟି କରୁଛି ବ୍ୟାୟାମ, ମାହୁନ୍ତକୁ ପିଠିରେ ବସାଇ ମହାନଦୀରେ କରୁଛି ଜଳକ୍ରୀଡା
କନକ ବ୍ୟୁରୋ: ମଣିଷ ସୁସ୍ଥ ରହିବା ପାଇଁ ପ୍ରତ୍ୟେକ ଦିନ ବ୍ୟାୟାମ କରୁଥିବା ଦେଖିଛନ୍ତି ହେଲେ କେବେ ଗଜରାଜକୁ ବ୍ୟାୟାମ କରିଥିବା ଶୁଣିଛନ୍ତି ନା ଦେଖିଛନ୍ତି କି ? ହେଲେ ଆଜି ଆମେ ଏମିତି ଏକ ହାତୀର ବ୍ୟାୟମ କରୁଥିବା କଥା କହିବୁ ଯାହାକୁ ଶୁଣିଲେ ଆପଣ ବି ଚକିତ ରହିଯିବେ । ସୁସ୍ଥ ରହିବା ପାଇଁ କେବଳ ଯେ ମଣିଷ ପ୍ରତ୍ୟେକ ଦିନ ବ୍ୟାୟାମ କରୁଛି ତାହା ନୁହେଁ ବରଂ ହାତୀ ମଧ୍ୟ ଫିଟ୍ ରହିବା ପାଇଁ ବ୍ୟାୟାମ କରୁଛି ।
Kanak News is now on WhatsApp
Join and get latest news updates delivered to you via WhatsApp
ସମ୍ବଲପୁରର ଡେବ୍ରିଗଡ ଅଭୟାରଣ୍ୟ, କାଠ ମାଫିଆଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିବା ତଥା ଓଡିଶାର ବହୁ ଚର୍ଚିତ ଖରସେଲ ହାତୀ । ଦିନେ ମଣିଷଙ୍କ ମନରେ ଭୟ ସୃଷ୍ଟି କରୁଥିଲା ଆଜି ବ୍ୟାୟମ କରୁଛି । ଜଙ୍ଗଲ ସୁରକ୍ଷାରେ ନିୟୋଜିତ ହାତୀ ନିଜକୁ ସୁସ୍ଥ ରଖିବା ପାଇଁ ସବୁଦିନ ବ୍ୟାୟମ କରୁଛି । ଖରସେଲକୁ ସୁସ୍ଥ ରଖିବା ପାଇଁ ପ୍ରତ୍ୟେକ ଦିନ ସକାଳ ୬ଟାରେ ଉଠବସ ସହିତ ବିଭିନ୍ନ ପ୍ରକାର ବ୍ୟାୟାମ କରାଇଥାନ୍ତି ମାହୁନ୍ତ ।
ସକାଳୁ ସକାଳୁ ୧୦ ମିନିଟର ଧରି ବ୍ୟାୟାମ କରିବା ପରେ ୫ କିଲୋମିଟର ଚାଲି ଚାଲି ମହାନଦୀ ଜଳଭଣ୍ଡାରକୁ ଯାଇଥାଏ ଖରସେଲ । ସେଠି ମାହୁନ୍ତକୁ ପିଠିରେ ଠିଆ କରି ପ୍ରାୟ ୧୦ ମିନିଟ ପାଣିରେ ପହଁରିଥାଏ ହାତୀ । ଏହାସହ ହାତୀର ଶରୀରକୁ ସୁସ୍ଥ ରଖିବା ପାଇଁ ପ୍ରତ୍ୟେକ ତା’ ମୁଣ୍ଡରେ ଅଧା ଲିଟର ରାଶି ତେଲ ମାଲିସ କରିଥାନ୍ତି ମହୁନ୍ତ । ରୁଟିନ୍ ଅନୁସାରେ ବ୍ୟାୟମ ଓ ଖାଦ୍ୟପେୟ ସାରିବା ପରେ କାଠ ମାଫିଆଙ୍କୁ ସାବାଡ କରିବା ପାଇଁ ମହନ୍ତ ସହ ଦେବ୍ରିଗଡ ଜଙ୍ଗଲ ଭିତରକୁ ଚାଲିଯାଏ ଖରସେଲ । ହାତୀର ଏଭଳି ବ୍ୟାୟାମ ଯେ କେବଳ ହାତୀକୁ ସୁସ୍ଥ ରଖୁଛି ତାନୁହେଁ ପର୍ଯ୍ୟଟକଙ୍କୁ ଆକୃଷ୍ଟ କରିବା ସହ ମଣିଷକୁ ସୁସ୍ଥ ରହିବାର ଶିକ୍ଷା ଦେଉଛି ।