ଗାଁରେ ଶୋଇଥିବା ବେଳେ ବିପିନ ଟପ୍ପୋଙ୍କୁ କଚାଡି ମାରିଲା ଦନ୍ତା : ଗୁରୁତର ଅବସ୍ଥାରେ ଡାକ୍ତରଖାନା ଆଣିବା ବେଳେ ରାସ୍ତାରେ ମୃତ୍ୟୁ
କନକ ବ୍ୟୁରୋ : ହାତୀ ଆକ୍ରମଣରେ ଯୁବକ ମୃତ । ସୁନ୍ଦରଗଡ଼ରେ ଆଜି ପୁଣି ଏକ ଜୀବନ ନେଇଛି ହାତୀ । ବଡ଼ଗାଁ ଫରେଷ୍ଟ ରେଞ୍ଜର ଟିମନା ଗାଁରେ ବିପିନ ଟପ୍ପୋ ନାମକ ଜଣେ ଯୁବକଙ୍କୁ କଚାଡି ମାରି ଦେଇଛି ଦନ୍ତା । ବିନା କବାଟର ନବନିର୍ମିତ ଘର ଭିତରେ ରାତିରେ ବିପିନ ଶୋଇଥିବା ବେଳେ ହାତୀ ଶୁଣ୍ଡରେ ତାଙ୍କୁ ଟାଣି ଆଣିବାକୁ ଚେଷ୍ଟା କରିଥିଲା କିନ୍ତୁ କବାଟ ମୁଁହ ଛୋଟ ଥିବାରୁ ଶୁଣ୍ଡ ପଶି ପାରିନଥିଲା କିନ୍ତୁ ଘରର କାନ୍ଥ ଭାଙ୍ଗି ପଡ଼ିଥିଲା ।
Kanak News is now on WhatsApp
Join and get latest news updates delivered to you via WhatsApp
ଫଳରେ ବିପିନ ଘର ଭିତରୁ ଦୌଡ଼ି ପଳାଇବା ପାଇଁ ଚେଷ୍ଟା କଲା ବେଳେ ହାତୀ ତାଙ୍କୁ ଧରି କଚାଡି ଦେଇଥିଲା । ଗୁରୁତର ଅବସ୍ଥାରେ ତାକୁ ବଡ଼ଗାଁ ହସ୍ପିଟାଲକୁ ଅଣାଗଲା କିନ୍ତୁ ଆଣିବା ବାଟରେ ତାର ମୃତ୍ୟୁ ହୋଇଯାଇଥିଲା । ଗତକାଲି ମଧ୍ୟ ସଦର ଫରେଷ୍ଟ ରେଞ୍ଜର ଟାଙ୍ଗର ଗାଁରେ ଜଣେ ବୃଦ୍ଧଙ୍କୁ ମାରି ଥିବା ବେଳେ ଜଣେ ମହିଳା ଗୁରୁତର ଆହତ ହୋଇଥିଲେ । ଏବେ ସେହି ସମାନ ହାତୀ ଆକ୍ରମଣ କରିଥିବା ଅନୁମାନ କରାଯାଉଛି ।