ବିଜୁଳି ବିଲ୍: ବକେୟା ପଡ଼ିଛି ୯ ହଜାର କୋଟି  । ହେଲେ କ୍ଷତି ଭରଣା ପାଇଁ ହେଉଛି ବିଦ୍ୟୁତ ଦରବୃଦ୍ଧି । ବିଧାନସଭାରେ ସରକାରଙ୍କୁ ଘେରିଲେ ବିରୋଧୀ 

କନକ ବ୍ୟୁରୋ: କରୋନା କାଳରେ ବିଜୁଳି ବୃଦ୍ଧିକୁ ନେଇ ଉଠିଛି ପଡିଛି ବିଧାନସଭା । ବିରୋଧୀ ଅଭିଯୋଗ କରିଛନ୍ତି ହଜାର ହଜାର କୋଟି ଟଙ୍କା ବିଭିନ୍ନ ସଂସ୍ଥା ଉପରେ ବକେୟା ପଡ଼ିଛି । ଏହି ଟଙ୍କା ଆଦାୟ ନକରି ସାଧାରଣ ଗ୍ରାହକଙ୍କ ଉପରେ ବୋଝ ଲଦାଯାଇଛି । ବିରୋଧୀ ଦଳର ମୁଖ୍ୟ ସଚେତକ କାହା ଉପରେ କେତେ ବାକି ରହିଛି ହିସାବ ଦେଇ ସରକାରଙ୍କୁ ଘେରିଛନ୍ତି । ଶକ୍ତିମନ୍ତ୍ରୀଙ୍କ ଉତରରେ ଅସନ୍ତୋଷ ପ୍ରକାଶ କରିଛନ୍ତି ବିରୋଧୀ ।

ଏହାକୁ ନେଇ ସରଗରମ ହୋଇଥିଲା ବିଧାନସଭା । ବିରୋଧୀ ଏହି ପ୍ରସଙ୍ଗ ଉଠାଇ କହିଥିଲେ ବକେୟା ଆଦାୟ ନକରି ଲୋକଙ୍କ ଉପରେ କାହିଁକି ଅଯଥା ଦରବୃଦ୍ଧିର ବୋଝ ଲଦି ଦିଆଯାଇଛି ।

ମନ୍ତ୍ରୀଙ୍କ ଉତରରେ ଅସନ୍ତୋଷ ପ୍ରକାଶ କରି କକ୍ଷ ତ୍ୟାଗ କରିଥିଲେ ବିଜେପି ସଦସ୍ୟ । ସରକାର ଓ ବଡ଼ ବଡ଼ କଂପାନୀ ମଧ୍ୟରେ ସଲାସୁତରା ଚାଲିଥିବା ଅଭିଯୋଗ କରିଛନ୍ତି ବିରୋଧୀ ।