ଚୋରି ହୋଇଯାଇଛି ବିଦ୍ୟୁତ ତାର । ଅନ୍ଧାରରେ ରହିଛନ୍ତି କଙ୍କଡାହାଡ ଜୁଆଙ୍ଗ ସାହିର ଲୋକେ, ପରୀକ୍ଷା ଚାଲିଥିବା ବେଳେ ଅନ୍ଧାରରେ ଲଣ୍ଠନ ଜାଳି ପଢୁଛନ୍ତି ପିଲା
କନକ ବ୍ୟୁରୋ : ଅନ୍ଧାରରେ ରହିଛନ୍ତି ଗାଁର ଲୋକେ । ଲୁଟେରା ବିଦ୍ୟୁତ ତାର କାଟିନେବା ଯୋଗୁ ସମସ୍ୟା ଭୋଗୁଛନ୍ତି ଗାଁର ଲୋକେ । ତା ସାଙ୍ଗକୁ ଚାଷୀ ମୁଣ୍ଡରେ ହାତ ଦେଇ ବସିଛି । ସେପେଟ ପରୀକ୍ଷା ମୁଣ୍ଡ ଉପରେ ଥିବାରୁ ଲଣ୍ଠନ ଜାଳି ପାଠ ପଢୁଛନ୍ତି ପିଲା । କଙ୍କଡାହାଡ ବ୍ଲକ ମକୁଆକାଟେଣି ଜୁଆଙ୍ଗ ସାହିରେ ୧୫ ଦିନ ହେବ ଅନ୍ଧାରରେ ରହଛନ୍ତି ଲୋକେ । ଲୁଟେରା ମାନେ ତାର କାଟି ନେବା ଯୋଗୁ ଏଭଳି ସମସ୍ୟା ଦେଖାଦେଇଛି । ଏବେ ପିଲାଙ୍କ ଦଶମ ଶ୍ରେଣୀ ପରୀକ୍ଷା ଚାଲୁଥିବା ବେଳେ ଛାତ୍ର ଛାତ୍ରୀ ମାନେ ପାଠ ପଢିବାରେ ଅସୁବିଧା ହେଉଛି । ତେଣୁ ବାଧ୍ୟ ହୋଇ ଲଣ୍ଠନରେ ପାଠ ପଢୁଛନ୍ତି । ଏବେଠୁ ଗ୍ରୀଷ୍ମ ପ୍ରବାହ ଆରମ୍ଭ ହୋଇଥିବା ବେଳେ ଗରମ ଯୋଗୁ ମଧ୍ୟ ଲୋକେ ପ୍ରଭାବିତ ହେଲେଣି । ସମସ୍ୟା ନେଇ ବିଦ୍ୟୁତ ବିଭାଗକୁ ଖବର ଦିଆଯିବା ସହିତ କଙ୍କଡ଼ାହାଡ଼ ଥାନାରେ ଅଭିଯୋଗ କରାଯାଇଛି । ହେଲେ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ । ଯାହାକୁ ନେଇ ଅସନ୍ତୋଷ ବଢି ଚାଲିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଲୋକମାନଙ୍କ ବିଭିନ୍ନ ପ୍ରଜାତିର ଫସଲ ସହିତ ଧାନ ତଳି ଆଦି ପାଣିର ଅଭାବରୁ ସମ୍ପୂର୍ଣ୍ଣ ଭାବରେ ମରି ଗଲାଣି । ଗଛରେ ଫଳ ଆସିଛି , ସେସବୁ ପାଚି ହଳଦିଆ ହୋଇଗଲାଣି । ଚାଷୀ ମାନେ ଧାର କରଜ ଓ ଲୋନ କରି ଅନେକ ଅର୍ଥ ଖର୍ଚ୍ଚ କରି ଫସଲ କରିଥିଲେ । କିନ୍ତୁ ଏବେ କିପରି ତାହା ପରିଶୋଧ କରିବେ ସେହି ଚିନ୍ତାରେ ଅଛନ୍ତି । ଘଟଣା ନେଇ ବିଦ୍ୟୁତ ବିଭାଗର ଯନ୍ତ୍ରୀଙ୍କୁ ଯୋଗାଯୋଗ କରାଯାଇଥିବା ବୋଳ କେବଳ ପ୍ରତିଶ୍ରୁତିରେ ସରିଯାଇଛି କାମ ।
ଗାଁରେ ଖୁବଶୀଘ୍ର ବିଦ୍ୟୁତ ସଂଯୋଗ କରାଯାଇପାରିଲେ ଗାଁର ଲୋକେ ଉପକୃତ ହୋଇପାରିବେ ।