ରାଜଧାନୀରେ ବିଜୁଳି ଚିନ୍ତା ! ବର୍ତମାନ ସୁଦ୍ଧା ସ୍ୱାଭାବିକ ହୋଇପାରୁନାହିଁ ବିଦ୍ୟୁତ ସେବା
ବର୍ତମାନ ସୁଦ୍ଧା ସମ୍ପୂର୍ଣ୍ଣ ସ୍ୱାଭାବିକ ହୋଇନାହିଁ ବିଜୁଳି ସେବା
କନକ ବ୍ୟୁରୋ : ଭୁବନେଶ୍ୱରରେ ଅନେକ ସ୍ଥାନକୁ ବିଜୁଳି ସଂଯୋଗ ସ୍ୱାଭାବିକ ହୋଇସାରିଥିଲେ ମଧ୍ୟ କେତେକ ସ୍ଥାନରେ ବିଜୁଳି ପହଂଚିନଥିବା ଅଭିଯୋଗ ହୋଇଛି । ତେବେ ବିଦ୍ୟୁତ ବିଭାଗ କର୍ମଚାରୀମାନେ ମୁଖ୍ୟତଃ ଏଲଟି ଲାଇନ ସଜାଡି ବିତରଣ ଟ୍ରାନ୍ସଫରମର ପର୍ଯ୍ୟନ୍ତ ବିଜୁଳି ପହଂଚାଉଛନ୍ତି । କିନ୍ତୁ ବାତ୍ୟା ଫୋନି ପ୍ରଭାବରେ ଅନେକ ଘରୋଇ କନେକ୍ସନ ପ୍ରଭାବିତ ହୋଇଛି । ଅର୍ଥାତ ବିଦ୍ୟୁତ ଖୁଂଟରୁ ଗ୍ରାହକଙ୍କ ଘରକୁ ଟଣାଯାଇଥିବା ତାର କିମ୍ବା ଘରେ ଥିବା ୱେୟାରିଂ କ୍ଷତିଗ୍ରସ୍ତ ହୋଇଥିବାରୁ ବିଜୁଳି ପହଞ୍ଚି ପାରୁନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏହି ସମସ୍ୟାର ସମାଧାନ କରି ଗ୍ରାହକଙ୍କୁ ବୈଷୟିକ ସହାୟତା ଯୋଗାଇ ଦେବାକୁ ରାଜଧାନୀ ଭୁବନେଶ୍ୱରରେ ନିୟୋଜିତ ହୋଇଛନ୍ତି ପ୍ରାୟ ୨ଶହ ଆଇଟିଆଇ ଛାତ୍ର । ଯେଉଁମାନେ ଘରକୁ ଘର ଯାଇ ସଂପୂର୍ଣ୍ଣ ୱେୟାରିଂ ଯାଂଚ କରିବା ସହ ଗ୍ରାହକଙ୍କ ଘରେ କିଭଳି ବିଜୁଳି ପହଂଚିବ ସେନେଇ ସହାୟତା କରୁଛନ୍ତି । ଆଜି ଏନେଇ ଗଣମାଧ୍ୟମକୁ ସୂଚନା ଦେଇଛନ୍ତି ଶକ୍ତି ସଚିବ ହେମନ୍ତ ଶର୍ମା ।