ବାଲାଟ ପେପରରେ ନିର୍ବାଚନ କରାଇବା ନେଇ ହୋଇଥିବା ଆବେଦନକୁ ଖାରଜ କଲେ ସୁପ୍ରିମକୋର୍ଟ, କହିଲେ ଇଭିଏମରେ ହିଁ ହେବ ନିର୍ବାଚନ
କନକ ବ୍ୟୁରୋ : ଇଲେକ୍ଟ୍ରୋନିକ୍ ଭୋଟିଂ ମେସିନ (ଇଭିଏମ)କୁ ହଟାଇ ପୁଣି ବାଲାଟ ପେପରରେ ନିର୍ବାଚନ କରାଇବାକୁ ସୁପ୍ରିମ କୋର୍ଟରେ ହୋଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି । ଏନେଇ କୋର୍ଟ କହିଛନ୍ତି କି, ଏହି ଆବେଦନରେ କୌଣସି ମେରିଟ୍ ଦେଖିବାକୁ ମିିଳିନାହିଁ । ସୂଚନା ଥାଉକି ଆଇନଜୀବୀ ମନୋହର ଲାଲ ଶର୍ମା ସୁପ୍ରିମକୋର୍ଟରେ ଏକ ଆବେଦନ କରି ଇଭିଏମକୁ ହଟାଇ ବାଲାଟ ପେପରରେ ପୁଣି ନିର୍ବାଚନ କରାଇବାକୁ ଅନୁରୋଧ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ମନୋହର ଲାଲ ତାଙ୍କ ଆବେଦନରେ ବାଲାଟ ପେପରରେ ନିର୍ବାଚନ କରାଇବାକୁ ଆବେଦନ କରିବା ସହ ଜନ ପ୍ରତିନିଧିତ୍ୱ ଅଧିନିୟମ ଧାରା ୬୧ (କ) କୁ ଚ୍ୟାଲେଞ୍ଜ କରିଥିଲେ । ଜନ ପ୍ରତିନିଧିତ୍ୱ ଅଧିନିୟମ ଧାରା ୬୧ (କ) ରେ ବାଲାଟ ପେପରକୁ ହଟାଇ ଇଭିଏମରେ ଭୋଟିଂ କରିବାର ପ୍ରାବଧାନ ରହିଛି ।
ଆଇନଜୀବୀ ମନୋହର କୋର୍ଟରେ ଚ୍ୟାଲେଞ୍ଜ କରିଥିଲେ କି ଜନ ପ୍ରତିନିଧିତ୍ୱ ଧାରା ୬୧ (କ) ଏପର୍ଯ୍ୟନ୍ତ ସଂସଦରୁ ମଞ୍ଜୁରୀ ପାଇନାହିଁ । ଏହି କାରଣରୁ ଇଭିଏମରେ ଏପର୍ଯ୍ୟନ୍ତ ଯେତେ ଭୋଟିଂ ହୋଇଛି ତାହା ଅବୈଦ୍ଧ ବୋଲି ଦାବି କରିଥିଲେ ମନୋହର ଲାଲ ଶର୍ମା । ଏଣୁ ପୁଣି ପ୍ରତି ସ୍ଥାନରେ ବାଲାଟ ପେପେର ସହାୟତାରେ ନିର୍ବାଚନ କରାଯାଉ ।
କହିରଖୁ କି ଆଇନଜୀବୀ ମନୋହର ଲାଲଙ୍କ ତରଫରୁ ଏହି ଆବେଦନ ଚଳିତ ବର୍ଷ ଜାନୁଆରୀ ମାସରେ କରାଯାଇଥିଲା । ଏଥିରେ ସେ ଉତ୍ତର ପ୍ରଦେଶ, ଗୋଆ, ପଞ୍ଜାବ, ମଣିପୁର ଓ ଉତ୍ତରାଖଣ୍ଡରେ ହେବାକୁ ଥିବା ନିର୍ବାଚନକୁ ଇଭିଏମ ବଦଳରେ ବାଲାଟ ପେପରରେ କରିବାକୁ ଯୁକ୍ତି ବାଢିଥିଲେ ।