ଜେଡିୟୁରେ ସାମିଲ ହେଲେ ପ୍ରଶାନ୍ତ କିଶୋର ! ଘୋଷଣା କଲେ ମୁଖ୍ୟମନ୍ତ୍ରୀ ନୀତିଶ କୁମାର, ନିର୍ବାଚନ ପାଇଁ ରଣନୀତି ପ୍ରସ୍ତୁତକାରୀ ଭାବେ ବେଶ ଜଣାଶୁଣା ପ୍ରଶାନ୍ତ ।
କନକ ବ୍ୟୁରୋ : ଜେଡିୟୁରେ ସାମିଲ ହେଲେ ପ୍ରଶାନ୍ତ କିଶୋର । ନିର୍ବାଚନ ପାଇଁ ରଣନୀତି ପ୍ରସ୍ତୁତକାରୀ ଭାବେ ପରିଚିତ ପ୍ରଶାନ୍ତ କିଶୋର ନୀତିଶ କୁମାରଙ୍କ ଜେଡିୟୁରେ ସାମିଲ ହୋଇଛନ୍ତି । ଏନେଇ ଦଳୀୟ କାର୍ଯ୍ୟକାରିଣୀ ବୈଠକରେ ଘୋଷଣା କରିଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ଧରି ଏନେଇ ଚର୍ଚ୍ଚା ଲାଗି ରହିଥିଲା ଯେ ଆଗାମୀ ଲୋକସଭା ନିର୍ବାଚନ ନେଇ ଜେଡିୟୁର କାର୍ଯ୍ୟକାରିଣୀ ବୈଠକରେ ପ୍ରଶାନ୍ତ କିଶୋର ସାମିଲ ହେବେ । ତେବେ ବିଧିବଦ୍ଧ ଭାବେ ସେ ଜେଡିୟୁରେ ସାମିଲ ହୋଇଛନ୍ତି । ତେଣୁ ଆଗାମୀ ନିର୍ବାଚନରେ କୌଣସି ଅନ୍ୟ ଦଳ ପାଇଁ ରଣନୀତି ପ୍ରସ୍ତୁତ କରିବେ ନାହିଁ । ପ୍ରଶାନ୍ତ କିଶୋର ସେତେବେଳେ ଚର୍ଚ୍ଚାକୁ ଆସିଥିଲେ ଯେତେବେଳେ ୨୦୧୪ ସାଧାରଣ ନିର୍ବାଚନରେ ବିଜେପିର ପ୍ରଚାରକୁ ମୋଦି ହାୱାରେ ପରିଣତ କରିଥିଲେ । ଏହାସହ ୨୦୧୫ରେ ବିହାର ମହାମେଂଟ ଓ ୨୦୧୭ରେ ୟୁପି ଓ ପଂଜାବ ବିଧାନସଭା ନିର୍ବାଚନରେ କଂଗ୍ରେସ ପାଇଁ କାମ କରିସାରିଛନ୍ତି । ତେବେ ଜେଡିୟୁରେ ଏବେ ପ୍ରଶାନ୍ତ କିଶୋରଙ୍କ ସାମିଲ ହେବା ଦଳ ପାଇଁ ଏକ ବଡ ଫାଇଦା ବୋଲି ବିଚାର କରାଯାଉଛି ।