ନିର୍ବାଚନ ଫଳାଫଳ ନେଇ ମୋଦୀଙ୍କୁ ଟାର୍ଗେଟ୍ କଲେ ଖଡଗେ । କହିଲେ, ମୋଦୀଙ୍କର ହୋଇଛି ନୈତିକ ପରାଜୟ
କନକ ବ୍ୟୁରୋ : ଲୋକସଭା ନିର୍ବାଚନର ସମ୍ପୂର୍ଣ୍ଣ ଫଳାଫଳ ଆସିନାହିଁ । ହେଲେ ଏବେର ଟ୍ରେଣ୍ଡିଂ ମୁତାବକ ଏନଡିଏକୁ ବହୁମତ ମିଳିବାକୁ ଯାଉଛି । ଏନଡିଏକୁ ୨୮୦ ରୁ ଅଧିକ ଆସନ ମିଳିବ ବୋଲି ଆଶା କରାଯାଉଥିବା ବେଳେ ଇଣ୍ଡିଆ ମେଣ୍ଟକୁ ୨୨୦ ଆସନ ମିଳିପାରେ । ଫଳାଫଳ ଭିତରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଏକ ସାମ୍ବାଦିକ ସମ୍ମିଳନୀ କରିଛନ୍ତି । ସେ କହିଛନ୍ତି କି, ନିର୍ବାଚନ ଫଳାଫଳ ଜନତାଙ୍କ ଫଳାଫଳ, ଏହି ଲଢେଇ ମୋଦୀ ବନାମ ଜନତା ବୋଲି ସେ କହିଛନ୍ତି । ଏହାସହ ସେ ଜନମତକୁ ସମ୍ମାନ ଦେଉଥିବା କଥା କହିଛନ୍ତି । ଏହାସହ ସେ କହିଛନ୍ତି କି, ଦେଶର ଜନତା ମୋଦୀଙ୍କ ବିରୋଧରେ ଭୋଟ ଦେଇଛନ୍ତି । ତେଣୁ ନୈତିକତା ଦୃଷ୍ଟିରୁ ମୋଦୀ ଇସ୍ତଫା ଦିଅନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଖଡଗେ କହିଛନ୍ତି କି, ପ୍ରତିଟି ସ୍ଥାନରେ ମୋଦୀ ନିଜ ନାମରେ ଭୋଟ ମାଗୁଥିବା ବେଳେ ଇଣ୍ଡିଆ ମେଣ୍ଟ ପ୍ରତିକୂଳ ପରିସ୍ଥିତିରେ ନିର୍ବାଚନ ଲଢିଛି । ଆମର ବ୍ୟାଙ୍କ ଖାତା ଅଚଳ କରିଦିଆଗଲା, କିଛି ନେତାଙ୍କୁ ବିନା ଦୋଷରେ ଜେଲରେ ରଖାଯାଇଛି । ଏହାପରେ ବି କଂଗ୍ରେସର ପ୍ରଚାର ସକରାତ୍ମକ ଥିଲା । ଖଡଗେ କହିଛନ୍ତି କି, ଏନଡିଏ ଧର୍ମ, ଜାତି ନାମରେ ଭୋଟ ମାଗୁଥିବା ବେଳେ ଇଣ୍ଡିଆ ମେଣ୍ଟ ବେରୋଜଗାରୀ, ଦରବୃଦ୍ଧିକୁ ପ୍ରସଙ୍ଗ କରି ନିର୍ବାଚନ ଲଢିଥିଲା ।
ସେପଟେ ବିରୋଧୀଦଳରେ ରହିବେ ନା ସରକାର ଗଠନ କରିବେ ବୋଲି ପ୍ରଶ୍ନର ଉତର ଦେଇ ଖଡଗେ କହିଛନ୍ତି କି, ଆମକୁ ବିଚାର କରିବାକୁ ପଡିବ । ଏନେଇ ଆମକୁ ଦୁଇଦିନ ସମୟ ଦରକାର ।