କିଏ ଗଢିବ ସରକାର, କିଏ ହେବେ ବିରୋଧୀ? ସବୁ ପ୍ରଶ୍ନର ଆଜି ମିଳିବ ଉତ୍ତର । ଆସିବ ନିର୍ବାଚନ ଫଳାଫଳ । ସକାଳ ୮ଟାରୁ ଭୋଟ୍ ଗଣତି ।
କନକ ବ୍ୟୁରୋ: ଆଜି ଆସିବ ରେଜଲ୍ଟ । ଲୋକସଭା ସହିତ ଓଡିଶା ଏବଂ ଆନ୍ଧ୍ରପ୍ରଦେଶର ବିଧାନସଭା ନିର୍ବାଚନ ଫଳ ଆଜି ପ୍ରକାଶ ପାଇବ । ତେବେ ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହେବାକୁ ଥିବାବେଳେ, ପ୍ରଥମେ ପୋଷ୍ଟାଲ ବାଲାଟ୍ ଗଣତି ଆରମ୍ଭ ହେବ । ଏହାପରେ ପରେ ଇଭିଏମ୍ ଗଣତି ଆରମ୍ଭ ହେବ, ଆଉ ଟ୍ରେଣ୍ଡ ସାମ୍ନାକୁ ଆସିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତେବେ କିଏ ସରକାର ଗଢ଼ିବ, କିଏ ବିରୋଧୀ ଭୂମିକାରେ ରହିବ, ସବୁକିଛିର ଫଇସଲା ହୋଇଯିବ ଆଜି। ଏପ୍ରିଲ ୧୯ରୁ ଜୁନ ୧ ତାରିଖ, ମୋଟ ୪୪ ଦିନରେ ୭ଟି ପର୍ୟ୍ୟାୟରେ ହେଇଥିବା ଭୋଟଗ୍ରହଣ ପରେ, ଆଜି ଜୁନ ୪ ତାରିଖରେ ଭୋଟ ଗଣତି ହେବ । ଗୁରୁତ୍ୱପୂର୍ଣ୍ଣ କଥା ହେଲା ବିଶ୍ୱର ସବୁଠୁ ବଡ଼ ଗଣତନ୍ତ୍ର ରାଷ୍ଟ୍ରର ନେତା କିଏ ହେବ ତାହା ଆଜି ହିଁ ନିର୍ଦ୍ଧାରଣ ହେବ । ପାଖାପାଖି ଦେଢ଼ ଶହ କୋଟି ଜନତାଙ୍କ ନଜର ରହିଛି ଫଳାଫଳ ଉପରେ । କେବଳ ଭାରତ ନୁହେଁ ସାରା ବିଶ୍ୱର ନଜର ରହିଛି ଏହି ନିର୍ବାଚନ ଉପରେ ।
ଅନ୍ୟପଟେ ଓଡିଶାରେ ମଧ୍ୟ ନିର୍ବାଚନ ଫଳାଫଳ ଉପରେ ନଜର ରହିଛି । ବିଜେଡି ଏଠାରେ ନିଜର ଶାସନ ବଜାୟ ରଖୁଛି, ନା ପଦ୍ମ ଫୁଟୁଛି ତାହା ଉପରେ ରହିଛି ସମସ୍ତଙ୍କର ନଜର । ଅନ୍ୟପଟେ କଂଗ୍ରେସ ମଧ୍ୟ ଏଥର ନିର୍ବାଚନରେ କେତେ ସିଟ୍ ହାତେଉଛି, ତାହା ଉପରେ ମଧ୍ୟ ସମସ୍ତଙ୍କର ଫୋକସ୍ ।