ଆରମ୍ଭ ହେଲା ବିଶ୍ୱର ସବୁଠୁ ବଡ଼ ଗଣତନ୍ତ୍ରର ମହାପର୍ବ । ଦେଶରେ ୭ଟି ପର୍ଯ୍ୟାୟରେ ହେବ ଲୋକସଭା ନିର୍ବାଚନ, ତାରିଖ ଘୋଷଣା କଲେ ନିର୍ବାଚନ କମିସନ
କନକ ବ୍ୟୁରୋ : ପ୍ରତୀକ୍ଷାର ଅନ୍ତ ଘଟିଛି । ୨୦୨୪ ପାଇଁ ବାଜିଛି ନିର୍ବାଚନ ବିଗୁଲ । ମୁଖ୍ୟ ନିର୍ବାଚନ କମିଶନର ସାଧାରଣ ନିର୍ବାଚନ ପାଇଁ ତାରିଖ ବି ଘୋଷଣା କରିଦେଇଛନ୍ତି । ଦେଶରେ ୪୩ ଦିନରେ ୭ଟି ପର୍ଯ୍ୟାୟରେ ଲୋକସଭା ନିର୍ବାଚନ ହେବ । ଆଉ ଜୁନ ୪ ତାରିଖରେ ହେବ ଭୋଟଗଣତି । ତାରିଖ ଘୋଷଣା ସହ ଦେଶରେ ନିର୍ବାଚନ ଆଚରଣ ବିଧି ଲାଗୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ତାରିଖ ଘୋଷଣା କରି ନିର୍ବାଚନ କମିଶନ କହିଛନ୍ତି ନିର୍ବାଚନ ପାଇଁ କମିଶନଙ୍କ ଟିମ୍ ପ୍ରସ୍ତୁତ ହୋଇ ରହିଛି । ଏଥର ମୋଟ ୯୬ କୋଟି ୮୦ ଲକ୍ଷ ଭୋଟର ମତଦାନ କରିବେ । ଏମାନଙ୍କ ମଧ୍ୟରେ ପୁରୁଷ ଭୋଟର ୪୯ କୋଟି ୭୦ ଲକ୍ଷ ହୋଇଥିବାବେଳେ ମହିଳା ଭୋଟରଙ୍କ ସଂଖ୍ୟା ୪୭ କୋଟି ୧୦ ଲକ୍ଷ । ନିର୍ବାଚନ ପାଇଁ ୧୦ ଲକ୍ଷ ୫୦ ହଜାର ପୋଲିଂ ବୁଥ ରହିବ ଓ ୫୫ ଲକ୍ଷ ଇଭିଏମ ବ୍ୟବହାର ହେବ । ଏଥର ଦେଶରେ ୭ଟି ପର୍ଯ୍ୟାୟରେ ନିର୍ବାଚନ ହେବ ।
୭ଟି ପର୍ଯ୍ୟାୟରେ ଭୋଟ୍
୧୯ ଏପ୍ରିଲ
୨୬ ଏପ୍ରିଲ
୭ ମେ
୧୩ ମେ
୨୦ ମେ
୨୫ ମେ
୧ ଜୁନ
ଏବେ ଆସନ୍ତୁ ଜାଣିବା କେଉଁ ପର୍ଯ୍ୟାୟରେ କେତୋଟି ଆସନରେ ନିର୍ବାଚନ ହେବ ।
ପ୍ରଥମ ପର୍ଯ୍ୟାୟ: ୧୯ ଏପ୍ରିଲରେ ୧୦୨ଟି ଆସନରେ ଭୋଟ୍ ହେବ
ସେହିଭଳି ଦ୍ୱିତୀୟ ପର୍ଯ୍ୟାୟ: ୨୬ ଏପ୍ରିଲରେ ୮୯ ଆସନରେ ଭୋଟ ହେବ
ତୃତୀୟ ପର୍ଯ୍ୟାୟ: ୭ମେରେ ୯୪ଆସନରେ ଭୋଟଗ୍ରହଣ କରାଯିବ
ଚତୁର୍ଥ ପର୍ଯ୍ୟାୟ: ୧୩ ମେରେ ୯୬ ଆସନରେ ଭୋଟଗ୍ରହଣ ହେବ
ପଞ୍ଚମ ପର୍ଯ୍ୟାୟ: ୨୦ ମେରେ ୪୯ ଆସନରେ ଭୋଟ ପଡିବ
ଷଷ୍ଠ ପର୍ଯ୍ୟାୟ: ୨୫ ମେରେ ୫୭ ଆସନରେ ଭୋଟଗ୍ରହଣ ହେବ
ସପ୍ତମ ପର୍ଯ୍ୟାୟ: ଜୁନ ୧ ରେ ୫୭ ଆସନରେ ଭୋଟଗ୍ରହଣ କରାଯିବ
ନିର୍ବାଚନ ତାରିଖ ଘୋଷଣା କରି ନିର୍ବାଚନ କମିଶନ କହିଛନ୍ତି, ୮୫ ବର୍ଷରୁ ଅଧିକ ଓ ଦିବ୍ୟାଙ୍ଗ ଭୋଟର ଘରେ ରହି ଭୋଟ ଦେଇପାରିବେ । ଦେଶରେ ୮୫ବର୍ଷରୁ ଅଧିକ ଭୋଟରଙ୍କ ସଂଖ୍ୟା ୮୨ ଲକ୍ଷ ହୋଇଥିବାବେଳେ ଶତାୟୁ ଭୋଟର ୨ ଲକ୍ଷ ୧୮ ହଜାର ଥିବା ଜଣାପଡିଛି ।
ନିର୍ବାଚନ ତାରିଖ ଘୋଷଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋସିଆଲ ମିଡିଆ ଏକ୍ସରେ ଲେଖିଛନ୍ତି, ଗଣତନ୍ତ୍ରର ମହାପର୍ବ ଆସିଯାଇଛି । ବିଜେପି-ଏନଡିଏ ନିର୍ବାଚନ ପାଇଁ ପ୍ରସ୍ତୁତ ହୋଇ ରହିଛି । ସୁଶାସନକୁ ନେଇ ମେଂଟ ଲୋକଙ୍କ ପାଖକୁ ଯିବ ।