ପ୍ରଚାରବେଳେ ମାଗଣା ଟୀକାର ପ୍ରତିଶ୍ରୁତି ଦେବା ନୁହେଁ ନିର୍ବାଚନ ଆଚରଣ ବିଧିର ଉଲ୍ଲଂଘନ: ଇସି

81

କନକ ବ୍ୟୁରୋ: ନିର୍ବାଚନ ପ୍ରଚାର ବେଳେ ମାଗଣା କରୋନା ଟିକାର ପ୍ରତିଶ୍ରୁତି ଦେବା ନିର୍ବାଚନ ଆଚରଣ ବିଧିର ଉଲ୍ଲଂଘନ ନୁହେଁ । ଏହା କହିଛନ୍ତି ନିର୍ବାଚନ କମିଶନ । ବିହାରରେ ନିର୍ବାଚନ ବିଜେପି ଇସ୍ତାହାରରେ କରୋନା ଟିକା ମାଗଣା ବଂଟନ ନେଇ ପ୍ରତିଶ୍ରୁତି ଦିଆଯାଇଥିଲା । ଏହା ନିର୍ବାଚନ ଆଚରଣର ଉଲ୍ଲଂଘନ ଦର୍ଶାଇ ନିର୍ବାଚନ କମିସନଙ୍କ ଦ୍ୱାରସ୍ଥ ହୋଇଥିଲେ ସୂଚନା ଅଧିକାର କର୍ମୀ ସାକେତ ଗୋଖଲେ । 

ତେବେ ନିର୍ବାଚନ କମିସନ ଅଭିଯୋଗର ଉତର ଦେଇ କହିଛନ୍ତି. ଏହାଦ୍ୱାରା ଆଚରଣ ବିଧି ଉଲ୍ଲଂଘନ ହେଉନାହିଁ । ପ୍ରସଙ୍ଗକୁ ଆହୁରି ସ୍ପଷ୍ଟ କରିବାକୁ ଯାଇ ଇଲେକ୍ସନ କମିସନ ଆଦର୍ଶ ଆଚରଣ ବିଧିର ଅଷ୍ଟମ ଭାଗରେ ଥିବା ନିର୍ବାଚନ ପାଇଁ ଉଦ୍ଦିଷ୍ଟ କେତୋଟି ମାର୍ଗଦର୍ଶିକାର ଉଦାହରଣ ଦେଇଥିଲେ । ଇସ୍ତାହାରରେ ବିଜେପି ଦେଇଥିବା ମାଗଣା କରୋନା ଟିକା ପ୍ରତିଶ୍ରୁତି ଏସବୁୁକୁ ଉଲ୍ଲଂଘନ କରୁନାହିଁ ବୋଲି କହିଛନ୍ତି ନିର୍ବାଚନ କମିସନ । 

ଗତ ୨୨ ତାରିଖରେ କେନ୍ଦ୍ରମନ୍ତ୍ରୀ ନିର୍ମଳା ସୀତାରମଣ ଦଳର ନିର୍ବାଚନୀ ଇସ୍ତାହାର ଜାରି କରିଥିଲେ । ଯେଉଁଥିରେ ମାଗଣା କରୋନା ଟିକା ସମସ୍ତଙ୍କୁ ବାଂଟିବାକୁ ପ୍ରତିଶ୍ରୁତି ଦିଆଯାଇଥିଲା । ଶାସକ ଦଳ ମହାମାରୀକୁ ରାଜନୈତିକ ଫାଇଦା ପାଇଁ ବ୍ୟବହାର କରୁଥିବା ଅଭିଯୋଗ କରି ବିରୋଧୀ ଦଳ ବିଜେପିକୁ ସମାଲୋଚନା କରିଥିଲେ ।  

Comments are closed.