ନିର୍ବାଚନ ଆୟୋଗଙ୍କ ବଡ ନିଷ୍ପତ୍ତି, ରାଲି ଓ ରୋଡ ସୋ ଉପରେ ଜାରି ରହିବ ପୂର୍ବ କଟକଣା
କନକ ବ୍ୟୁରୋ : ଫେବୃଆରୀ ମାସରୁ ୫ ଟି ରାଜ୍ୟରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । କରୋନା ମହାମାରୀ ଭିତରେ ନିର୍ବାଚନ ହେଉଥିବାରୁ ନିର୍ବାଚନ କମିଶନ କିଛିଦିନ ପୂର୍ବେ ଜାନୁଆରୀ ୨୨ ତାରିଖ ପର୍ଯ୍ୟନ୍ତ ରାଲି ଓ ରୋଡ ସୋ ଉପରେ କଟକଣା ଲଗାଇଥିଲେ । ଏହାର ଅବଧି ଆଜି ସମାପ୍ତ ହେଉଥିବାରୁ ଏହି କଟକଣା ବଳବତ୍ତର ରହିବ କି ନାହିଁ ତା ଉପରେ ଏକ ସମୀକ୍ଷା ବୈଠକର ଆୟୋଜନ କରାଯାଇଥିଲା । ଏହି ବୈଠକର ନିଷ୍ପତ୍ତି ମୁ୍ତାବକ ରାଲି ଓ ରୋଡ ସୋ ଉପରେ ପୂର୍ବରୁ ଜାରି କରାଯାଇଥିବା କଟକଣା ଏବେ ବଳବତ୍ତର ରହିବ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ନିର୍ବାଚନ କମିଶନଙ୍କ ନିର୍ଦ୍ଦେଶ ମୁ୍ତାବକ ଏବେ ଏବେ ଇନୋଡର ବୈଠକରେ ସର୍ବାଧିକ ୩୦୦ ଲୋକ ସାମିଲ ହୋଇପାରିବେ । ଏହାସହ ବଡ ରାଲି ଓ ରୋଡ ସୋ ଉପରେ ନିର୍ବାଚନ କମିଶନ ପୂର୍ବରୁ ଲଗାଇଥିବା କଟକଣା ଜାରି ରହିବ ବୋଲି କୁହାଯାଇଛି ।
କହିରଖୁ କି ଏବେ ଦେଶରେ କରୋନାର ତୃତୀୟ ଲହର ଚାଲିଛି । ଏହାସହ କରୋନାର ନୂଆ ଭାରିଆଣ୍ଟ ଓମିକ୍ରନକୁ ନେଇ ଦେଶବାସୀ ଭୟଭିତ ଥିବା ବେଳେ ଦେଶର ୫ ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ନିର୍ବାଚନରେ ବଡ ରାଲି, ରୋଡ ସୋ ଓ ପ୍ରଚାରରେ କିଭଳି ସାମାଜିକ ଦୂରତା ଓ ମାସ୍କ ବ୍ୟବହାରକୁ ସୁନିଶ୍ଚିତ କରାଯାଇପାରିବ ତାହା ଉପରେ ନଜର ରଖିଛନ୍ତି ନିର୍ବାଚନ ଆୟୋଗ ।
ଏତେ ସବୁ କଟକଣା ଭିତରେ ନେତାମାନେ ହଜାର ହଜାର ଲୋକଙ୍କୁ ଠୁଳ କରି ଶୋଭାଯାତ୍ରା ଓ ସମାରୋହ କରୁଥିବା ଦେଖିବାକୁ ମିଳିଛି । ଏନେଇ କିଛି ନେତାଙ୍କ ଉପରେ ବି କୋଭିଡ କଟକଣା ନିୟମ ଉଲଙ୍ଘନ କରୁଥିବା ନେଇ ମାମଲା ଦାୟର ହୋଇଛି ।