ମହଙ୍ଗା ପଡିବ ଗୋଟିଏ ଦେଶ, ଗୋଟିଏ ନିର୍ବାଚନ । ଇଭିଏମ ପାଇଁ ପ୍ରତି ୧୫ ବର୍ଷକୁ ଥରେ ଖର୍ଚ୍ଚ ହେବ ୧୦ ହଜାର କୋଟି । କେନ୍ଦ୍ରକୁ ଜଣାଇଲେ ନିର୍ବାଚନ କମିଶନ ।
କନକ ବ୍ୟୁରୋ: ମହଙ୍ଗା ପଡିବ ଗୋଟିଏ ଦେଶ, ଏକ ନିର୍ବାଚନ । ଇଭିଏମ ପାଇଁ ପ୍ରତି ୧୫ ବର୍ଷକୁ ଥରେ ଖର୍ଚ୍ଚ ହେବ ୧୦ ହଜାର କୋଟି । ଏନେଇ କେନ୍ଦ୍ର ସରକାରଙ୍କୁ ଅବଗତ କରିଛନ୍ତି ନିର୍ବାଚନ କମିଶନ । ଗୋଟିଏ ସମୟରେ ଲୋକସଭା ଓ ସବୁ ରାଜ୍ୟର ବିଧାନସଭା ନିର୍ବାଚନ ଆୟୋଜନ ପାଇଁ କେନ୍ଦ୍ର ସରକାର ଯୋଜନା କରୁଥିବା ବେଳେ ଏଭଳି ତଥ୍ୟ ସାମ୍ନାକୁ ଆସିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ କମିଶନ କେନ୍ଦ୍ର ସରକାରଙ୍କୁ ପଠାଇଥିବା ରିପୋର୍ଟରେ କହିଛନ୍ତି, ଇଲୋକ୍ଟ୍ରୋନିକ ଭୋଟିଂ ମେସିନ୍( ଇଭିଏମ)ର ଜୀବନ କାଳ ହେଉଛି ୧୫ ବର୍ଷ । ୧୫ ବର୍ଷ ପରେ ଇଭିଏମ ବଦଳାଇବାକୁ ପଡିବ । କମିଶନରଙ୍କ ଆକଳନ ଅନୁଯାୟୀ ଚଳିତ ବର୍ଷ ହେବାକୁ ଥିବା ଲୋକସଭା ନିର୍ବାଚନ ପାଇଁ ୧୧ ଲକ୍ଷ ୮୦ ହଜାର ପୋଲିଂ ବୁଥ ହେବ । ଆଉ ଯଦି ଗୋଟିଏ ସମୟରେ ଉଭୟ ଲୋକସଭା ଏବଂ ବିଧାନସଭା ନିର୍ବାଚନ ହୁଏ, ତେବେ ଦୁଇଟି ଇଭିଏମର ଆବଶ୍ୟକତା ପଡିବ । ଅର୍ଥାତ୍ ପ୍ରାୟ ୨୪ ଲକ୍ଷ ଇଭିଏମର ଆବଶ୍ୟକତା ପଡିବ । ଏଥିସହ ପ୍ରତି ଇଭିଏମ ପାଇଁ ଗୋଟିଏ ଲେଖାଏଁ କଂଟ୍ରୋଲ ୟୁନିଟ୍ ଏବଂ ଭୋଟ ଭେରିଫିକେସନ ପେପର ମେସିନର ମଧ୍ୟ ଆବଶ୍ୟକତା ପଡିବ । ସେହିପରି ଇଭିଏମ ରଖିବାକୁ ସୁରକ୍ଷିତ ସ୍ଥାନ. ଅଧିକ ଗାଡି, ଅଧିକ ନିର୍ବାଚନ ଅଧିକାରୀ ଓ କର୍ମଚାରୀ ମଧ୍ୟ ନିଯୁକ୍ତ କରାଯିବ । ତେଣୁ ଏସବୁକୁ ଦେଖିଲେ ଏବେ ଏକକ ନିର୍ବାଚନ ସମ୍ଭବ ନୁହେଁ । କିନ୍ତ ସରକାର ଚାହିଁଲେ ୨୦୨୯ ବେଳକୁ ଏକକ ନିର୍ବାଚନ ହୋଇପାରିବ ।