ମାଲକାନଗିରିରେ ମାଓ ଭୟରେ ପଡିଲାନି ଭୋଟ୍ । ସ୍ୱାଭିମାନ ଅଂଚଳ କୁନ୍ତୁରୁପଦର ସ୍ଥିତ ୯ଟି ବୁଥରେ ଭୋଟ୍ ଶୂନ୍ୟ
ବଡପଦର ଓ ଗାଜେଲମାମୁଡିରେ ମଧ୍ୟ ପଡିନି ଭୋଟ, ମାଓ ଭୟ ଓ ବୁଥର ଦୂରତା ଯୋଗୁଁ ପଡିଲାନି ଭୋଟ
କନକ ବ୍ୟୁରୋ: ୪ ଲୋକସଭା ଏବଂ ୨୮ ବିଧାନସଭା ଆସନ ପାଇଁ ଆଜି ପ୍ରଥମ ପ୍ରର୍ଯ୍ୟାୟ ନିର୍ବାଚନ ଜାରି ରହିଥିବା ବେଳେ ମାଓବାଦୀଙ୍କ ଭୟରେ ମାଲକାନଗିରିର କୁନ୍ତୁରୁପଦର ସ୍ଥିତ ୯ଟି ୯ଟି ବୁଥରେ ଭୋଟ ଦେବା ପାଇଁ ଆସିଲେନି ଭୋଟର ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମାଲକାନଗିରି ଜିଲ୍ଲା ପ୍ରଶାସନର ବ୍ୟାପକ ପ୍ରସ୍ତୁତି ସତ୍ୱେ ବି ସ୍ୱାଭିମାନ ଅଂଚଳରେ ଭୋଟ ଦେବାକୁ ଘରୁ ବାହାରିଲେ ମତଦାତା । କୁନ୍ତୁରୁପଦର ପୁଲିସ କ୍ୟାମ୍ପଠାରେ ଜିଲ୍ଲା ପ୍ରାଶାସନ ପକ୍ଷରୁ ୯ଟି ବୁଥକୁ ଏକାଠି କରାଯାଇ ମତଦାନ ଲାଗି । ଏଥିପାଇଁ କଡା ସୁରକ୍ଷବଳୟ ଭିତରେ ପୁଲିଂ ପାର୍ଟିଙ୍କୁ ମଧ୍ୟ କୁନ୍ତୁରୁପଦରରେ ପହଂଚାଯାଇଥିବା ବେଳେ ଯବାନାମାନଙ୍କୁ ବି ହେଲିକପ୍ଟର ଯୋଗେ ପଠାଯାଇଥିଲା ।
ଏପରିକି ବିଏସଫ ଯବାନମାନେ ମଧ୍ୟ ଦୀର୍ଘ ଦିନ ପୂର୍ବରୁ ସମଗ୍ର ଅଂଚଳରେ କମ୍ବିଂ ଅପରେସନ ଜୋରଦାର କରିଥିଲେ । ହେଲେ ତଥାପି କିନ୍ତୁ ଭୋଟ ଦେବାକୁ କୁନ୍ତୁରୁପଦର ଆସିଲେନି କୌଣସି ଭୋଟର । ପୂର୍ବରୁ ମାଓବାଦୀମମାନେ ଏହି ସବୁ ଅଂଚଳକୁ ଭୋଟ ବର୍ଜନ ପାଇଁ ଆହ୍ୱାନ ଦେଇଥିବା ବେଳେ ବୁଥର ଦୂରତା ଅଧିକ ଥିବାରୁ ଭୋଟ ହୋଇନଥିବା ଜଣାପଡିଛି ।