ଏକନାଥ ସିନ୍ଦେ : କେବେ ଅଟୋ ଡ୍ରାଇଭର…ଏବେ ଶିବସେନା ଶୀର୍ଷ ନେତା
କନକ ବ୍ୟୁରୋ : ମହାରାଷ୍ଟ୍ର ରାଜନୈତିକ ସଙ୍କଟର ଏକନାଥ ସିନ୍ଦେ କେନ୍ଦ୍ରବିନ୍ଦୁ ପାଲଟିଛନ୍ତି । ସଂଘର୍ଷରୁ ଜୀବନ ଆରମ୍ଭ କରିଥିବା ସିନ୍ଦେ ଆଜି ଶିବସେନାର ଶୀର୍ଷ ନେତା । ମହାରାଷ୍ଟ୍ର ରାଜନୀତିରେ ଏବେ ସବୁଠାରୁ ଶକ୍ତିଶାଳୀ ନେତା । ଦିନେ ଅଟୋ ରିକ୍ସା ଚଳାଇ ଜୀବିକା ନିର୍ବାହ କରୁଥିଲେ । ୧୬ ବର୍ଷର ହୋଇଥିବା ବେଳେ ପରିବାର ପ୍ରତିପୋଷଣ ପାଇଁ ଅଟୋ ଚଲାଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ଟଙ୍କା ରୋଜଗାର ପାଇଁ ଏକ ମଦ ଫ୍ୟାକ୍ଟ୍ରିରେ ମଧ୍ୟ କାମ କରିଛନ୍ତି । ୧୯୮୦ ମସିହାରେ ସେ ଶିବସେନାରେ ସାମିଲ ହୋଇଥିଲେ । ରାଜନୀତିକୁ ଆସିବା ପରେ ଖୁବ୍ କମଦିନରେ ଶିବସେନାର ଟାଣୁଆ ନେତା ହୋଇଥିଲେ । ୨୦୦୪ରେ ପ୍ରଥମ ଥର ବିଧାୟକ ହୋଇଥିଲେ ଏକନାଥ ସିନ୍ଦେ । ଶିବସେନାରୁ ଏକନାଥ ସିନ୍ଦେ ୪ ଥର ବିଧାୟକ ହୋଇଛନ୍ତି । ଏମଭିଏ ସରକାରରେ ସହରାଞ୍ଚଳ ବିକାଶ ଓ ପୂର୍ତ୍ତ ବିଭାଗ ମନ୍ତ୍ରୀ ।
ବିଦ୍ରୋହୀ ବିଧାୟକଙ୍କ ପାଇଁ ଖର୍ଚ୍ଚ :-
– ଗୁଆହାଟୀର ପଞ୍ଚ ତାରକା ହୋଟେଲରେ ବିଦ୍ରୋହୀ ବିଧାୟକ
– ରାଡିସନ୍ ବ୍ଲୁ ହୋଟେଲରେ ୭ ଦିନ ପାଇଁ ବୁକ୍ ହୋଇଛି ରୁମ୍
– ରାଡିସନ୍ ବ୍ଲୁ ହୋଟେଲରେ ରହିଛି ମୋଟ୍ ୧୯୬ଟି ରୁମ୍
– ବିଦ୍ରୋହୀ ବିଧାୟକଙ୍କ ପାଇଁ ୭୦ଟି ରୁମ୍ କରାଯାଇଛି ବୁକ୍
– ଅନ୍ୟ ସବୁ ରୁମ୍ ବୁକିଂ ବନ୍ଦ କରିଛି ହୋଟେଲ ମ୍ୟାନେଜମେଣ୍ଟ
– କେବଳ ରୁମ୍ ପାଇଁ ଖର୍ଚ୍ଚ ହୋଇଛି ୫୬ ଲକ୍ଷ ଟଙ୍କା
– ଖାଇବା ଓ ଅନ୍ୟାନ୍ୟ ଖର୍ଚ୍ଚ ପାଇଁ ଦୈନିକ ୮ ଲକ୍ଷ ଖର୍ଚ୍ଚ
– ଚାର୍ଟଡ୍ ବିମାନରେ ଯାତାୟତ କରୁଛନ୍ତି ବିଧାୟକ
– ଅନ୍ୟାନ୍ୟ ଯାତାୟତ ପାଇଁ ବି ଖର୍ଚ୍ଚ ହେଉଛି କୋଟି କୋଟି ଟଙ୍କା