କନକ ବ୍ୟୁରୋ : ଡ୍ରଗ୍ସ ମାମଲାରେ ଗିରଫ୍ ହୋଇଥିବା ବଲିଉଡ ଅଭିନେତା ଏଜାଜ୍ ଖାନଙ୍କୁ କୋର୍ଟ ଏପ୍ରିଲ ୩ ତାରିଖ ପର୍ଯ୍ୟନ୍ତ ଏନସିବି ହେପାଜତକୁ ପଠାଇ ଦେଇଛି । ଏନସିବି ପକ୍ଷରୁ କୋର୍ଟକୁ କୁହାଯାଇଥିଲା କି ଏଜାଜ ଖାନଙ୍କ ହ୍ୱାଟସଆପ୍ ଚାଟରୁ ଏଭଳି ୨୨ ଟି ନୋଟ୍ ମିଳିଛି ଯାହା ପ୍ରମାଣ କରୁଛି କି ଏଜାଜଙ୍କର ଡ୍ରଗ୍ସ ମାମଲାରେ ସଂପୃକ୍ତି ରହିଛି । ଆମେ ଡ୍ରଗ୍ସ ସପ୍ଲାଅର ଓ ଏଜାଜ୍ ଖାନଙ୍କୁ ସାମ୍ନା ସାମ୍ନି ବସାଇ ପଚାର ଉଚରା କରିବାର ଆବଶ୍ୟକତା ରହିଛି । ଏନସିବି କୋର୍ଟଙ୍କ ଆଗରେ ଆହୁରି କହିଥିଲା କି ଏଜାଜ ଜଣେ ପ୍ରଭାବଶାଳୀ ବ୍ୟକ୍ତି । ଯେଉଁ ପ୍ରଭାବକୁ ସେ ଭୁଲ କାମରେ ପ୍ରୟୋଗ କରୁଛନ୍ତି । ଏନେଇ ଏଜାଜଙ୍କ ଓକିଲ କହିଥିଲେ କି ଏଜାଜଙ୍କ ନିକଟରୁ କୌଣସି ଡ୍ରଗ୍ସ ମିଳିନାହିଁ, ଯେଉଁ ଔଷଧ ମିଳିଛି ତାହା ଏଜାଜଙ୍କ ପତ୍ନୀଙ୍କର ।
Kanak News is now on WhatsApp
Join and get latest news updates delivered to you via WhatsApp
ଏନସିବିର ଜଣେ ବରିଷ୍ଠ ଅଧିକାରୀ କହିଛନ୍ତି କି ବୁଧାବର ଦିନ ଏଜାଜ ସହରରେ ଥିବା ବିମାନବନ୍ଦର ନିକଟରେ ପହଂଚିଥିଲେ । ଏନସିବିର ମୁମ୍ବାଇ ଶାଖା ତରଫରୁ ତାଙ୍କୁ ସେଠାରୁ ପ୍ରଥମେ ହେପାଜତକୁ ନେଇଥିଲା । ଏହାସହ ଡ୍ରଗ୍ସ କାରବାରୀ ସାଟାବ୍ ବଟାଟାକୁ ପଚରା ଉଚରା ବେଳେ ସେ ଏଜାଜଙ୍କ ନାମ କହିଥିଲା । ଏହି ଆଧାରରେ ପ୍ରଥମେ ଏଜାଜଙ୍କୁ ପଚରା ଉଚରା କରାଯାଇଥିଲା ଓ ପରେ ଗିରଫ୍ କରାଯାଇଥିଲା ।