କେବେ ସୁଧୁରିବ ପାକିସ୍ତାନ? ଇସଲାମାବାଦର ଭାରତୀୟ ଦୂତାବାସର କୁଟନୀତିଜ୍ଞଙ୍କୁ ଡରାଇବାକୁ ଆଇଏସଆଇର ଉଦ୍ୟମ

କନକ ବ୍ୟୁରୋ: ପାକିସ୍ତାନରେ ଅବସ୍ଥାପିତ ଭାରତୀୟ କୂଟନୀତିଜ୍ଞ ଗୌରବ ଆଲୁୱାଲିଆଙ୍କୁ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସଆଇ ହଇରାଣ ହକରତ କରୁଥିବା  ଘଟଣା ସାମ୍ନାକୁ ଆସିଛି । ଏପରିକି ଇସଲାମାବାଦସ୍ଥିତ ଆଲୁୱାଲିଆଙ୍କ ଘର ଆଗରେ କିଛି ଲୋକଙ୍କୁ  ମୁତୟନ  କରିଛି ଆଇଏସଆଇ ।  ସେମାନେ  କାର ଓ ବାଇକ ସହ ଘର ଆଗରେ ପହରା ଦେଉଛନ୍ତି ।

#WATCH Islamabad: Vehicle of India’s Chargé d’affaires Gaurav Ahluwalia was chased by a Pakistan’s Inter-Services Intelligence (ISI) member. ISI has stationed multiple persons in cars and bikes outside his residence to harass and intimidate him. pic.twitter.com/TVchxF8Exz

— ANI (@ANI) June 4, 2020

ଗୌରବ ଆଲୁୱାଲିଆଙ୍କୁ ଡରାଇବାକୁ ଉଦ୍ୟମ କରାଯାଇ ତାଙ୍କ କାର ପଛରେ ବାଇକ ବି ପିଛା କରିଛନ୍ତି । ଜୁନ ୨ ତାରିଖରେ ଏହି ଘଟଣା ଘଟିଥିବା ସାମ୍ନାକୁ ଆସିଛି । ଖବର ଅନୁସାରେ,  ଆଲୁୱାଲିଆ ବାହାରିବା ସମୟରେ ଘର ଆଗରେ କାର ଓ ବାଇକରେ ଠିଆ ହୋଇଥିବା ଆଇଏସଆଇର ଲୋକ  ପିଚ୍ଛା କରିଥିଲେ । ପାକିସ୍ତାନରେ  ଭାରତୀୟ କୂଟନୀତିଜ୍ଞ ଙ୍କୁ ହଇରାଣ ହରକତ କରିବା କିଛି ନୂଆ କଥା ନୁହେଁ ।  ପୂର୍ବରୁ ମଧ୍ୟ ଆଲୁୱାଲିଆଙ୍କୁ ମଧ୍ୟ  ଏଭଳି ପରିସ୍ଥିତିର ସମ୍ମୁଖୀନ ହେବାକୁ ପଡିଥିଲା ।