ଢେଙ୍କାନାଳ ଜାଭିୟର ହାଇସ୍କୁଲ: ଶିକ୍ଷାର ଭବିଷ୍ୟତ, ଅଭିଭାବକଙ୍କୁ କରୁଛି ଆକୃଷ୍ଟ ।
କନକ ବ୍ୟୁରୋ: ଏଜୁକେସନ୍ ଫର୍ ଅଲ୍ ବା ‘ସମସ୍ତଙ୍କ ପାଇଁ ଶିକ୍ଷା’ । ଏହି ଲକ୍ଷ୍ୟ ନେଇ ୨୦୦୮ରୁ ଓଡ଼ିଶାର ଶିକ୍ଷା କ୍ଷେତ୍ରରେ ଏକ ବିପ୍ଳବ ଆଣିଛି ଜାଭିୟର ଗ୍ରୁଫ୍ ଅଫ୍ ସ୍କୁଲ । ଢେଙ୍କାନାଳ ରଣପସି ଗେଙ୍ଗୁଟିଆ ସ୍ଥିତ ଜାଭିୟର ହାଇସ୍କୁଲ ଗୁଣାତ୍ମକ ଭାବେ ଉନ୍ନତମାନର ଶିକ୍ଷା ଯୋଗାଇବା ସହ ଛାତ୍ରଛାତ୍ରୀଙ୍କ ଶିକ୍ଷାଗତ ଯୋଗ୍ୟତାକୁ ଗୁରୁତ୍ୱ ଦେଇଆସୁଛି । ଯେଉଁଥିପାଇଁ ଗତବର୍ଷ ଏହି ସ୍କୁଲ ରାଜ୍ୟର ଶ୍ରେଷ୍ଠ ପ୍ରତିବଦ୍ଧ ସ୍କୁଲ ଭାବେ ସ୍କୁଲ ଓ ଗଣଶିକ୍ଷା ମନ୍ତ୍ରୀଙ୍କ ଠାରୁ ପୁରସ୍କୃତ ହୋଇଛି । ପରିଚାଳନା ନିର୍ଦ୍ଦେଶକ ଜିଏସ ପଟ୍ଟନାୟକଙ୍କ ଦ୍ୱାରା ପ୍ରତିଷ୍ଠିତ ହୋଇଥିବା ଏହି ଘରୋଇ ଶିକ୍ଷାନୁଷ୍ଠାନ ଭବିଷ୍ୟତ ଗଢ଼ିବାରେ ଏକ ଭରସା ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ବିଗତ ୧୩ ବର୍ଷ ଧରି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ବା ସିବିଏସଇ ମାନ୍ୟତା ସହ ରାଜ୍ୟ ସରକାରଙ୍କଠୁ ଏନଓସି ହାସଲ କରି ଶିକ୍ଷା କ୍ଷେତ୍ରରେ ଏକ ବିପ୍ଳବ ଆଣିଛି ଜାଭିୟର ଗ୍ରୁପ୍ ଅଫ୍ ଶିକ୍ଷାନୁଷ୍ଠାନ । ଗୋଟିଏ ଉଦ୍ଦେଶ୍ୟ, ସମସ୍ତଙ୍କ ପାଇଁ ଶିକ୍ଷା । ସେଥିପାଇଁ ତ ୨୦୦୮ରୁ ନିରନ୍ତର ଭାବେ ଏହି ଅନୁଷ୍ଠାନରୁ ହଜାର ହଜାର ଆଗାମୀ ଭବିଷ୍ୟତ ଗଢ଼ିବାରେ ଲାଗିଛି । କାରଣ ବିଦ୍ୟାଳୟ ସରକାରୀ ହେଉ କି ବେସରକାରୀ ସକରାତ୍ମକ ଶିକ୍ଷା ଆଜିର ଯୁବ ସମାଜକୁ ସଶକ୍ତ କରିବାରେ ସହାୟକ ହୁଏ ବୋଲି ଜାଭିୟର ପ୍ରତିଷ୍ଠାତା ମତପ୍ରକାଶ କରିଛନ୍ତି ।
ଏଠାରେ ପ୍ରି-ପ୍ରାଇମେରୀ, ମଧ୍ୟମ ଏବଂ ମାଧ୍ୟମିକ ଶିକ୍ଷା ପ୍ରଦାନ ପାଇଁ ଶୈକ୍ଷିକ ବାତାବରଣ ସୃଷ୍ଟି କରାଯାଏ । ସେଥିିପାଇଁ ଏହି ଶିକ୍ଷାନୁଷ୍ଠାନରେ ମୋଣ୍ଟେସୋରୀ ଶ୍ରେଣୀଗୁଡ଼ିକୁ ଅଧିକ ଗୁରୁତ୍ୱ ଦିଆଯାଉଛି । ପ୍ରି-ପ୍ରାଇମେରି ପାଇଁ ଡିଜିଟାଲ ଶ୍ରେଣୀଗୃହ ସହ ଏକ ସ୍ୱତନ୍ତ୍ର କ୍ୟାମ୍ପସର ସୁବିଧା ରହିଛି । ଯେଉଁଠାରେ ଛାତ୍ରଛାତ୍ରୀଙ୍କୁ ସଫ୍ଟୱେୟାର ଶିକ୍ଷା ପ୍ରଦାନ କରାଯାଉଛି । ଶିକ୍ଷକମାନଙ୍କ ଶିକ୍ଷାଦାନ ଶୈଳୀ ଦ୍ୱିତୀୟ ଘର ଭଳି ଅନୁଭବ ହେଉଥିବା କହୁଛନ୍ତି ଛାତ୍ରଛାତ୍ରୀ । ଖାଲି ଏତିକି ନୁହେଁ ପ୍ରତ୍ୟେକ ପିଲାର ଆବଶ୍ୟକତା ଏବଂ ତାଙ୍କ ସମାର୍ଥ୍ୟକୁ ଗୁରୁତ୍ୱ ଦେଇ ଶିକ୍ଷାଦାନ କରନ୍ତି ଶିକ୍ଷକ ।
ତେବେ ପ୍ରଥମରୁ-ଚତୁର୍ଥ ଶ୍ରେଣୀ ଗୁଡ଼ିକ ଜଣେ ଛାତ୍ରର ଭବିଷ୍ୟତ ପାଇଁ ମୂଳଦୂଆ ପକାଇଥାଏ । ତେଣୁ ପ୍ରାଥମିକ ଶ୍ରେଣୀରୁ ହିଁ ଅଧିକ ପ୍ରାଥମିକତା ଦିଆଯାଏ । ସେହିଭଳି ମଧ୍ୟମ ବା ପଞ୍ଚମରୁ ଅଷ୍ଟମ ଶ୍ରେଣୀ ଜଣେ ପିଲା ପାଇଁ ସ୍ୱତନ୍ତ୍ର ବିଷୟ ବାଛିବାରେ ଏକ ସିଡ଼ି ପାଲଟିଥାଏ । ଏହାରି ଭିତରେ ଶିକ୍ଷକ ଏବଂ ଅଭିଭାବକମାନେ ପିଲାମାନଙ୍କ ଦକ୍ଷତାକୁ ଜାଣିପାରିବେ । ଯାହା ସେମାନଙ୍କୁ ଆଗାମୀ ଭବିଷ୍ୟତର ମାର୍ଗଦର୍ଶନ କରିବାରେ ସହାୟକ ପାଲଟିବ । ଏହାବାଦ୍ ମାଧ୍ୟମିକ ଶିକ୍ଷା ବା ନବମ-ଦଶମ ପାଠ୍ୟକ୍ରମ ପାଇଁ ଏଠାରେ ଉପଯୁକ୍ତ ବ୍ୟବସ୍ଥା କରଯାଇଛି । ମାନସିକ ଏବଂ ଶାରିରୀକ ଶିକ୍ଷା ପ୍ରଦାନ ପାଇଁ ଅଭିଜ୍ଞ ଶିକ୍ଷକମାନେ ଜ୍ଞାନ ବାଟନ୍ତି । ନିରନ୍ତର ଶ୍ରେଣୀ ଗୁଡ଼ିକରେ ପିଲାମାନଙ୍କ ପ୍ରତି ବ୍ୟକ୍ତିଗତ ଭାବେ ଧ୍ୟାନ ଦିଅନ୍ତି ।
ଲାଇବ୍ରେରୀଠୁ ଲାବ୍ରୋଟୋରୀ ଜଣେ ଛାତ୍ରର ସ୍ୱପ୍ନକୁ ସଫଳ କରେ । ଯେଉଁଠାରେ ସେ ବିଭିନ୍ନ ପରୀକ୍ଷାମୂଳକ କାର୍ଯ୍ୟ କରିପାରିବ । ସେନେଇ ଏହି ଜାଭିୟର ହାଇସ୍କୁଲ ଅଧିକ ଗୁରୁତ୍ୱ ଦିଆଯାଏ । ଅତ୍ୟାଧୁନିକ ପୁସ୍ତକ, ଉନ୍ନତ ଉପକରଣ ଯୋଗାଇବା ଆମର ପ୍ରତିବଦ୍ଧତା ବୋଲି ଶିକ୍ଷାନୁଷ୍ଠାନ ଦମ୍ଭୋକ୍ତି ବାଢ଼ିଛି । ବିଜ୍ଞାନ ବିଷୟ ଗୁଡ଼ିକ ପାଇଁ ସର୍ବଶ୍ରେଷ୍ଠ ଲାଇବ୍ରେରୀ, ସଫୱେୟାର ମଡ୍ୟୁଲ, ଇ-ଲାଇବ୍ରେରୀର ଏବଂ କମ୍ପୁଟର ଲ୍ୟାବ୍ ଭଳି ଅନେକ ସୁବିଧା କରିଛି ଜାଭିୟର । କମାଣ୍ଡର ପ୍ରତାପ ଚନ୍ଦ୍ର ପାଣିଗ୍ରାହୀଙ୍କ ନେତୃତ୍ୱ ଏବଂ ଶିକ୍ଷକ ଓ କର୍ମଚାରୀଙ୍କ କଠିନ ପରିଶ୍ରମ ଯୋଗୁଁ ଏହି ଶିକ୍ଷାନୁଷ୍ଠାନ ସଫଳତା ପାଇପାରିଛି । ଯାହାର ଉଦାହରଣ ସ୍ୱରୁପ, ଗତବର୍ଷ ଦଶମ ବୋର୍ଡ ପରୀକ୍ଷାରେ ବେଦାନ୍ସୀ, ଅନୁପମ ଏବଂ ଗୁରୁଦତ୍ତ ଭଳି ଛାତ୍ରଛାତ୍ରୀ ୯୯% ନମ୍ବର ରଖି ଶିକ୍ଷାନୁଷ୍ଠାନକୁ ଗର୍ବିତ କରିଛନ୍ତି । ତେଣୁ ଉଭୟ ମାନସିକ ଓ ଶରିରୀକ ଶିକ୍ଷା ଯୋଗାଇଦେବା ଆମ ଶିକ୍ଷାନୁଷ୍ଠାନର ମୂଳଲକ୍ଷ୍ୟ ବୋଲି ଜାଭିୟର କର୍ତ୍ତୁପକ୍ଷ କହିଛନ୍ତି ।