ମନି ଲଣ୍ଡରିଂ ମାମଲା : ଆଜି ଦିଲ୍ଲୀ ସ୍ଥିତ ଇଡି ଅଫିସରେ ହାଜର ହୋଇ ସମନର ଜବାବ ରଖିବେ ଜ୍ୟାକଲିନ୍ ଫର୍ଣ୍ଣାଡିଜ
ଠକେଇ ଅଭିଯୋଗରେ ଗିରଫ ହୋଇଥିବା ସୁରଶ ପାଖରୁ ଜ୍ୟାକଲିନ ଦାମୀ ଉପହାର ନେଇଥିବା ଦାବି କରିଛି ଇଡି
କନକ ବ୍ୟୁରୋ : ମନି ଲଣ୍ଡରିଂ ମାମଲାରେ ବଲିଉଡ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଡିଜଙ୍କୁ ସମନ କଲା ଇଡି । ଦିଲ୍ଲୀର ପ୍ରବର୍ତନ ନିର୍ଦ୍ଦେଶାଳୟ ବା ଇଡି ଅଫିସରେ ଆସନ୍ତାକାଲି ହାଜର ହେବାକୁ ଇଡି କହିଛି । ରବିବାର ଜ୍ୟାକଲିନ ବିଦେଶ ଗସ୍ତରେ ଯିବା ପାଇଁ ମୁମ୍ବାଇ ବିମାନ ବନ୍ଦରରେ ପହଂଚିଥିଲେ । ହେଲେ ଇଡି ତାଙ୍କ ବିରୋଧରେ ଲୁକ୍ ଆଉଟ୍ ନୋଟିସ ଜାରି କରିଥିବାରୁ ବିମାନ ବନ୍ଦର କତୃପକ୍ଷ ତାଙ୍କୁ ଅଟକାଇଥିଲେ । ପରେ ତାଙ୍କୁ ଛାଡି ଦିଆଯାଇଥିଲା । ହେଲେ ଇଡି ଆଗରେ ହାଜର ହେବାକୁ କୁହାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
୨୦୦ କୋଟି ଟଙ୍କା ଠକେଇ ମାମଲାରେ ଗିରଫ ହୋଇ ତିହାର ଜେଲରେ ସୁକେଶ ଚନ୍ଦ୍ରଶେଖର ନାମକ ଜଣେ ବ୍ୟକ୍ତି ଅଛନ୍ତିି । ଏହି ମାମଲାରେ ଇଡି ଏକ ଚାର୍ଜଶିଟ୍ ଦାଖଲ ହୋଇଛି । ଯେଉଁଥିରେ ଇଡି କହିଛି ସୁରେଶ ଏବଂ ଅନ୍ୟମାନେ ଜଣେ ବ୍ୟବସାୟୀଙ୍କ ପତ୍ନୀଙ୍କ ପାଖରୁ ୨୦୦ କୋଟି ଟଂକା ବେଆଇନ ଭାବରେ ଆଦାୟ କରିଛନ୍ତି । ଆଉ ସୁକେଶଙ୍କ ବ୍ୟାଙ୍କ ଆକାଉଂଟରୁ ଅନେକ ଉପହାର ଜ୍ୟାକଲିନଙ୍କ ଆକାଉଂଟକୁ ଯାଇଛି । ପାଖାପାଖି ୧୦ କୋଟି ଟଙ୍କାର ଉପହାର ଜ୍ୟାକଲିନ ନେଇଥିବା ଜଣାପଡିଛି ।
ସେହିପରି ଅନ୍ୟତମ ବଲିଉଡ ଅଭିନେତ୍ରୀ ନୁରା ଫତେହି ମଧ୍ୟ ସୁରେଶଙ୍କ ଠାରୁ ଦାମୀ ଉପହାର ଗ୍ରହଣ କରିଥିବା ସୂଚନା ରହିଛି । ଯେଉଁଥିରେ ବିଏମଡବଲ୍ୟୁ କାର ଏବଂ ଆଇ ଫୋନ୍ ମୋବାଇଲ ରହିଛି । ଗତ ମାସରେ ଦୁଇ ଅଭିନେତ୍ରୀଙ୍କୁ ଇଡି ଏକା ସାଙ୍ଗରେ ସମନ କରିଥିଲା । ତେବେ ଦୁଇ ଅଭିନେତ୍ରୀ ତାଙ୍କ ପ୍ରତିନିଧିଙ୍କ ଜରିଆରେ କହିଛନ୍ତି ତାଙ୍କୁ ସାକ୍ଷୀ ଭାବରେ ହାଜର ହେବାକୁ ସମନ ହୋଇଛି ।