କେଜ୍ରିୱାଲଙ୍କ ଗିରଫ ପରେ ସୁପ୍ରିମକୋର୍ଟ ପହଂଚିଲା ଆମ୍ ଆଦମୀ ପାର୍ଟି । ରାତିରେ ଶୁଣାଣି ପାଇଁ ଆବେଦନ ଦାଖଲ
କନକ ବ୍ୟୁରୋ : ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଇଡି ଗିରଫ କରିବା ପରେ ଆକ୍ସନମୋଡକୁ ଆସିଛନ୍ତି ଆମ୍ ଆଦମୀ ପାର୍ଟିର ନେତା । ଗିରଫ ହେବା ମାତ୍ରେ ଆମ୍ ଆଦମୀ ପାର୍ଟି ତରଫରୁ ରାତିରେ ଶୁଣାଣି ପାଇଁ କୋର୍ଟରେ ଆବେଦନ କରାଯାଇଛି । ଦଳର ନେତ୍ରୀ ଆତିଶୀ ମାରଲେନା କହିଛନ୍ତି କି ଇଡି ଦ୍ୱାରା ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ଗରିଫଦାରୀକୁ ରଦ୍ଦ କରିବାକୁ ସୁପ୍ରିମକୋର୍ଟରେ ଆବେଦନ କରାଯାଇଛି । ଆଜି ରାତିରେ ଶୁଣାଣି କରିବାକୁ କୋର୍ଟଙ୍କ ନିକଟରେ ଆବେଦନ କରାଯାଇଛି । ସେପଟେ ଦିଲ୍ଲୀ ବିଧାନସଭା ଅଧ୍ୟକ୍ଷ କହିଛନ୍ତି କି, ଗିରଫଦାରୀ ପରେ ବି କେଜ୍ରିୱାଲ ଇସ୍ତଫା ଦେବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଇଡିର ଟିମ୍ କେଜ୍ରିୱାଲଙ୍କ ବାସଭବନରେ ପହଂଚିବା ପରେ ଆପ୍ ନେତା କହିଥିଲେ କି, ପ୍ରଧାନମନ୍ତ୍ରୀ ମୋଦୀ କେବଳ କେଜ୍ରିୱାଲଙ୍କୁ ଭୟ କରୁଛନ୍ତି । ସାରା ଦେଶରେ ମୋଦୀଙ୍କ ବିକଳ୍ପ ଭାବେ ଅରବିନ୍ଦ କେଜ୍ରିୱାଲ ଉଭା ହୋଇଛନ୍ତି । କେଜ୍ରିୱାଲଙ୍କୁ ଗିରଫ କଲେ ସାରା ଦେଶର ପ୍ରତିଟି ସହରରେ କେଜ୍ରିୱାଲଙ୍କ ଚିନ୍ତାଧାରା ନେଇ ଲକ୍ଷ ଲକ୍ଷ ଲୋକ ଜନ୍ମ ହେବେ ।