ଗିରଫ ହେବେ କି ଟିଏମସି ନେତ୍ରୀ ମହୁଆ ମୋଇତ୍ରା । ଟଙ୍କା ନେଇ ପ୍ରଶ୍ନ ପଚାରିବା ମାମଲାରେ ଇଡି ପଠାଇଲା ନୋଟିସ
କନକ ବ୍ୟୁରୋ : ଟିଏମସି ନେତ୍ରୀ ମହୁଆ ମୋଇତ୍ରା ଓ ଦର୍ଶନ ହିରାନନ୍ଦାନୀଙ୍କୁ ଇଡି ନୋଟିସ କରିଛି । ଏହି ଦୁଇଜଣଙ୍କୁ ମାର୍ଚ୍ଚ ୨୮ ତାରିଖରେ ଇଡି କାର୍ଯ୍ୟାଳୟରେ ହାଜର ହେବାକୁ ନୋଟିସ କରାଯାଇଛି । ଏହା ପୂର୍ବରୁ ‘ଫେମା’ ମାମଲାରେ ପଚରା ଉଚରା ପାଇଁ ହୀରାନନ୍ଦାନୀ ଗ୍ରୁପର ପ୍ରମୋଟର୍ସ ନିରଞ୍ଜନ ହୀରାନନ୍ଦାନୀ ଓ ତାଙ୍କ ପୁଅ ଦର୍ଶନ ହୀରାନନ୍ଦାନୀଙ୍କୁ ଫେବୃଆରୀ ମାସରେ ଇଡି ନୋଟିସ କରିଥିଲା । ଏହାକୁ ନେଇ ହୀରାନନ୍ଦାନୀ କହିଛନ୍ତି କି ତାଙ୍କ ଉପରେ ଫେମା ମାମଲାରେ ୧୬ ବର୍ଷ ତଳେ ଅଭିଯୋଗ ହୋଇଥିଲା । ଏହି ମାମଲାରେ ଏପର୍ଯ୍ୟନ୍ତ ତାଙ୍କୁ ୪୨ ଥର ଜେରା କରାଗଲାଣି ।
Kanak News is now on WhatsApp
Join and get latest news updates delivered to you via WhatsApp
ତୃଣମୂଳ କଂଗ୍ରେସ ନେତ୍ରୀ ମହୁଆ ମୋଇତ୍ରାଙ୍କ ଉପରେ ବ୍ୟବସାୟୀ ଦର୍ଶନ ହୀରାନନ୍ଦାନୀଙ୍କ ପରାମର୍ଶରେ ସଂସଦରେ ପ୍ରଶ୍ନ ପଚାରିବା ନେଇ ବିଜେପି ତରଫରୁ ଅଭିଯୋଗ ହୋଇଥିଲା । ଏଥିରେ କୁହାଯାଇଥିଲା କି ବ୍ୟବସାୟୀଙ୍କ ଠାରୁ ଟଙ୍କା ନେଇ ସଂସଦରେ ପ୍ରଶ୍ନ ପଚାରୁଥିଲା ମହୁଆ ।