କନକ ବ୍ୟୁରୋ : ଦିଲ୍ଲୀର ତିହାର ଜେଲରେ ରହି ୨୦୦ କୋଟି ଟଙ୍କା ଆଦାୟ ରାକେଟରେ ଏବେ ନୂଆ ମୋଡ ନେଇଛି । ଏହି ମାମଲା ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଯାଂଚ କରାଯାଉଥିବା ବେଳେ ଦିନକୁ ଦିନ ଏହି ମାମଲାରେ ନୂଆ ନୂଆ ଅଭିଯୁକ୍ତଙ୍କ ନାମ ଯୋଡି ହେଉଛି । ଏବେ ବଲିଉଡ ଅଭିନେତ୍ରୀ ନୋରା ଫତେହୀ ଓ ଜ୍ୟାକଲିନ ଫର୍ଣ୍ଣାଡିଜଙ୍କୁ ଇଡି ପକ୍ଷରୁ ଜେରା ପାଇଁ ନୋଟିସ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ତିହାର ଜେଲ ଭିତରେ ଥାଇ ୨୦୦ କୋଟି ଟଙ୍କା ଚାନ୍ଦା ଆଦାୟ କରିବା ମାମଲାରେ ମୁକେଶ ଚନ୍ଦ୍ରଶେଖର ଓ ତାଙ୍କର କଥିତ ପତ୍ନୀ ଅଭିନେତ୍ରୀ ଲୀନା ପାଲ ଜେଲରେ ଅଛନ୍ତି । କୁହାଯାଉଛି କି ଏହି ଅର୍ଥ କାରବାରରେ ଚନ୍ଦ୍ରଶେଖର ଅଭିନେତ୍ରୀ ନୋରା ଫତେହୀଙ୍କ ଫସାଇବାକୁ ଚେଷ୍ଟା କରିଛନ୍ତି ।
କହିରଖୁ କି ନୋରା ବଲିଉଡରେ ଜଣେ ଅଲରାଉଣ୍ଡର, ସେ ଅନେକ ଆଇଟମ ଗୀତରେ ନୃତ୍ୟ କରିବା ସହ ଅନେକ ରିଅଲିଟି ସୋରେ ନଜରକୁ ଆସିଛନ୍ତି । ଏହାସହ ସେ ଷ୍ଟ୍ରିଟ୍ ଡେନ୍ସର, ବାଟଲା ହାଉସ, ୩ଡି ଭଳି ସିନେମାରେ ବି ଅଭିନୟ କରିସାରିଛନ୍ତି ।
ଅନ୍ୟପଟେ ଏହି ମାମଲାରେ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଡିଜଙ୍କୁ ବି ଇଡି ତୃତୀୟ ଥର ପାଇଁ ନୋଟିସ କରିଛନ୍ତି । ତାଙ୍କୁ ଆସନ୍ତା କାଲି ଏମଟିଏନଏଲ ଠାରେ ଥିବା ଇଡିର ଅଫିସରେ ହାଜର ହେବାକୁ କୁହାଯାଇଛି ।
ସୂଚନା ମୁତାବକ ୨୦୦ କୋଟି ଟଙ୍କା ହେରଫେର ମାମଲାରେ ଅଭିଯୁକ୍ତ ମୁକେଶ ଚନ୍ଦ୍ରଶେଖର ଜେଲ ଭିତରୁ ଜ୍ୟାକଲିନଙ୍କୁ ଯୋଗା ଯୋଗ କରୁଥିଲେ । ଯାହାକୁ ନେଇ ଇଡି ଅନୁମାନ କରୁଛି କି ଏହି ଅର୍ଥ ଆଦାୟ ଓ ଏହାର କାରବାର ସହିତ ଜ୍ୟାକଲିନଙ୍କର ସଂପର୍କ ରହିଛି ।