କନକ ବ୍ୟୁରୋ : ନ୍ୟାସନାଲ ହେରାଲ୍ଡ ମାମଲାରେ ଆଜି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଜେରା କରିଛି । ୨.୨୦ ମିନିଟର ଏହି ଜେରା ବେଳେ ଇଡି ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା । ସୋନିଆ ଗାନ୍ଧୀ କିଛିଦିନ ହେବ ଅସୁସ୍ଥ ଥିବାରୁ ତାଙ୍କ ସ୍ୱାସ୍ଥ୍ୟବସ୍ଥାକୁ ଗୁରୁତ୍ୱ ଦେଇ ଜେରା ବେଳେ ସୋନିଆଙ୍କ ନିକଟରେ ୨ ଜଣ ଡାକ୍ତରଙ୍କୁ ନିୟୋଜିତ କରାଯାଇଥିଲା । ଏହାସହ ଜରୁରୀକାଳୀନ ପରିସ୍ଥିତି ପାଇଁ ଏକ ଆମ୍ବୁଲାନ୍ସକୁ ଷ୍ଟାଣ୍ଡବାଏ ଭାବେ ଇଡି କାର୍ଯ୍ୟାଳୟରେ ରଖାଯାଇଥିଲା । ଏଭଳି କିଛି ଖବର ଇଡି ସୂତ୍ରରୁ ମିଳିଛି ।
ଏହାସହ ସୋନିଆଙ୍କ ଝିଅ ତଥା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ବି ପ୍ରଥମଥର ପାଇଁ ଇଡି କାର୍ଯ୍ୟାଳୟକୁ ପ୍ରବେଶ କରିବାକୁ ଅନୁମତି ଦିଆଯାଇଥିଲା । ସୂତ୍ର ସୂଚନା ମୁତାବକ ସୋନିଆଙ୍କୁ ଜେରା ଚାଲିଥିବା ବେଳେ ପ୍ରିୟଙ୍କା ଗାନ୍ଧୀ ୨ ଥର ଯାଇ ମାଙ୍କୁ ଭେଟ କରିଛନ୍ତି । ଏଭଳି ସ୍ଥଳେ ଇଡି ପାଖା ପାଖି ୧୨ ଟି ପ୍ରଶ୍ନ ପଚାରିଥିଲା । ଏହାପରେ ସୋନିଆ ଚିକିତ୍ସା ପାଇଁ ଘରକୁ ଫେରିଯିବାକୁ ଅନୁମତି ମାଗିଥିଲେ । ଏନେଇ ଇଡି ତାଙ୍କୁ ଅନୁମତି ଦେବା ସହ ଆଗାମୀ ସୋମବାର ପୁଣି ହାଜର ହେବାକୁ ନୋଟିସ କରିଛି ।
ED kept 2 doctors & an ambulance on standby during its interrogation with Congress chief Sonia Gandhi, which lasted 2.20hrs. It also allowed Priyanka Gandhi to be at the ED office, who went to meet her twice in the meanwhile: ED sources (1/2)
— ANI (@ANI) July 21, 2022
କହିରଖୁ କି ନ୍ୟାସନାଲ ହେରାଲ୍ଡ ମାମଲାରେ ପ୍ରଥମେ ରାହୁଲ ଗାନ୍ଧୀଙ୍କୁ ଇଡି ତରଫରୁ ପାଖାପାଖି ୫୦ ଘଂଟା ଜେରା କରାଯାଇଥିଲା । ଏହା ସହ ସୋନିଆ ଗାନ୍ଧୀଙ୍କୁ ନୋଟିସ କରିଥିଲା । ହେଲେ ସେତେବେଳେ ସୋନିଆ ଗାନ୍ଧୀ ସ୍ୱାସ୍ଥ୍ୟଗତ କାରଣ ଦର୍ଶାଇ ବାରମ୍ବାର ହାଜର ହେବା ତାରିଖକୁ ଘୁଞ୍ଚାଇବାକୁ ଇଡିଙ୍କ ନିକଟରେ ଆବେଦନ କରିଥିଲେ । ଏହି କ୍ରମରେ ଆଜି ସେ ଇଡି କାର୍ଯ୍ୟାଳୟରେ ହାଜର ହୋଇଥିଲେ ।