ନିମାପଡା ଅଞ୍ଚଳରେ ମାଟିଆଗୁଣ୍ଡି ଏବଂ ଚକଡ଼ା ପୋକର ଆତଙ୍କ। ମୁଣ୍ଡରେ ହାତ ଦେଇ ବସିଛି ଚାଷୀ।

କନକ ବ୍ୟୁରୋ: ମାଟିଆ ଗୁଣ୍ଡି ଏବଂ ଚକଡ଼ା ଆତଙ୍କ । ମୁଣ୍ଡରେ ହାତ ଦେଇ ବସିଛି ଚାଷୀ । ପୁରୀ ଜିଲ୍ଲା ନିମାପଡ଼ା ଅଞ୍ଚଳରେ ଥିବା ଚାଷ ଜମି ଗୁଡିକରେ ଏବେ ମାଟିଆଗୁଣ୍ଡି ଏବଂ ଚକଡ଼ା ପୋକର ଆତଙ୍କ ଦେଖିବାକୁ ମିଳିଛି । ଚଳିତ ବର୍ଷ ପାଗ ଭଲ ଥିବାରୁ ଅଧିକ ଅମଳ ଆଶା ରଖିଥିଲା ଚାଷୀ । ଧାନରୁଆ ଠାରୁ ଆରମ୍ଭକରି ସାର ପ୍ରୟୋଗ ପର୍ଯ୍ୟନ୍ତ ହଜାର ହଜାର ଟଙ୍କା ଖର୍ଚ୍ଚ କରିଥଲା । କେଣ୍ଡାବି ବାହାରି ସାରିଥିଲା । ବିଲରେ ଲହଡ଼ି ଭାଙ୍ଗୁଥଲା ଧାନ । ଏବେ ଧାନ କ୍ଷେତରେ ପୋକଙ୍କ ପ୍ରାର୍ଦୁଭାବ ଯୋଗୁଁ ଚାଷୀ କୂଳ ଚିନ୍ତାରେ ପଡ଼ିଛି ।

ଶହଶହ ଏକର ଚାଷ ଜମିରେ କେଣ୍ଡା ବାହାରି ଆସୁଥିବା ବେଳେ ମାଟିଆ ଗୁଣ୍ଡି ଓ ଚକଡ଼ା ପୋକ ଚରିଯିବାରୁ ଧାନଗଛ ସବୁ ଜଳିଯାଉଛି । କୃଷି ବିଭାଗର ପରାମର୍ଶ ନେଇ ବାରମ୍ବାର କୀଟନାଶକ ପ୍ରୟୋଗ କରିଥିଲେ ଚାଷୀ । ହେଲେ ତାହା ବି କାମ କରୁନଥିବାରୁ ଚାଷୀକୂଳ ଏବେ ହତାଶ ହୋଇପଡ଼ିଛନ୍ତି ।