କନକ ବ୍ୟୁରୋ: ଫିଲ୍ମ ଦେଖିଲେ ମିଳିବ ଟଙ୍କା । ୧୩ଟି ହରର ଫିଲ୍ମ ଦେଖିଲେ ଦର୍ଶକଙ୍କୁ ଏକ କମ୍ପାନୀ ଦେବ ୯୫୦୦୦ ଟଙ୍କା । କାହିଁକି କମ୍ପାନୀ ଦେଉଛି ଟଙ୍କା ।ଏଥିପାଇଁ କିପରି କରିବେ ଆବେଦନ?
Kanak News is now on WhatsApp
Join and get latest news updates delivered to you via WhatsApp
ଫିଲ୍ମ ଦେଖିବାକୁ ଆବଶ୍ୟକ ପଡିଲେ ବ୍ଲାକ୍ ଟିକେଟ କରାଯାଉଥିବାବେଳେ ଓଲଟି ଫିଲ୍ମ ଦେଖିଲେ ଟଙ୍କା ପାଇବା କଥାଟା ଅଡୁଆ ଲାଗୁଛି । ତଥାପି କଥାଟା ସତ । ଦୁନିଆରେ ଅନେକ ଲୋକ ଅଛନ୍ତି ଯେଉଁମାନେ ଫିଲ୍ମ ଦେଖିବା ସୌକିନ୍ । ସେମାନଙ୍କ ଭିତରେ ଅଛନ୍ତି ବିଭିନ୍ନ କ୍ୟାଟାଗରିର ଦର୍ଶକ । କିଛି ରୋମାଣ୍ଟିକ୍ ଫିଲ୍ମ ଦେଖିବାକୁ ପସନ୍ଦ କରୁଥିବାବେଳେ କିଛି ହରର ମୁଭିଜ୍ ପସନ୍ଦ କରନ୍ତି । ହେଲେ ହରର ଫିଲ୍ମ ଦେଖିବା ସମୟ ଆସିଲେ ଭୟରେ ଥରନ୍ତି । ଭୟ କଲେ ବି ଏହି ଟ୍ରେଣ୍ଡର ମୁଭିଜ୍ ସେମାନଙ୍କର ପ୍ରଥମ ପସନ୍ଦ । ଆଉ ହରର ମୁଭିଜ୍କୁ ପସନ୍ଦ କରୁଥିବା ଦର୍ଶକଙ୍କ ପାଇଁ ଏବେ ସୁବର୍ଣ୍ଣ ସୁଯୋଗ ।ଆପଣ ବି ଫିଲ୍ମ ଦେଖି ଟଙ୍କା ରୋଜଗାର କରିପାରିବେ । ଅସଲ କଥା ହେଉଛି ,ଫାଇନାନ୍ସ ବଜ୍ ନାମକ ଏକ କମ୍ପାନୀ ଏପରି ଦର୍ଶକଙ୍କୁ ଖୋଜୁଛି ଯିଏ ୧୩ ଟି ହରର୍ ଫିଲ୍ମ ଦେଖିବେ । ଏହି ସମୟରେ କମ୍ପାନୀ ଏକ ଫିଟ୍ ବ୍ୟାଣ୍ଡ ମାଧ୍ୟମରେ ଫିଲ୍ମ ଦେଖୁଥିବା ବ୍ୟକ୍ତିଙ୍କ ହୃତସ୍ପନ୍ଦନ ମନିଟର କରିବ । ଏବଂ ସର୍ଭେ କରିବ ଯେ କେଉଁ ବଜେଟର ହରର ଫିଲ୍ମ ଲୋକଙ୍କୁୁ ବେଶି ଭୟଭୀତ କରୁଛି ।ବଡ ବଜେଟର ହରର ଫିଲ୍ମ ଲୋକଙ୍କୁ ଭୟଭୀତ କରୁଛି ନାଁ କମ୍ ବଜେଟର ଫିଲ୍ମ । ଏପରି ଭାବରେ କମ୍ପାନୀ ଜାଣିବାକୁ ପାଇବ ଯେ ହରର ଚଳଚ୍ଚିତ୍ର ନିର୍ମାଣରେ ଯେତିକି ଟଙ୍କା ବିନିଯୋଗ କରାଯାଉଛି ତାହା ପ୍ରକୃତରେ ଠିକ୍ କି ନୁହେଁ । ଏହାଦ୍ୱାରା ଫିଲ୍ମ ପଯୋଜକଙ୍କୁ ମଧ୍ୟ ବଜେଟ ଅନୁସାରେ ହରର ଫିଲ୍ମ ନିର୍ମାଣ କରିବାକୁ ମାର୍ଗଦର୍ଶନ ମିଳିବ । ୧୩ଟି ଫିଲ୍ମ ତାଲିକାରେ ରହିଛି ହଲିଉଡ୍ ହରର ଫିଲ୍ମ-ସ,ଏମିଟେବଲ୍ ହରର୍, ଏ କ୍ୱାଇଟ୍ ପ୍ଲେସ୍, ଏ କ୍ୱାଇଟ୍ ପ୍ଲେସ୍ ପାର୍ଟ -୨, କ୍ୟାଣ୍ଡିମ୍ୟାନ୍, ଇନସାଇଟସ୍, ସ ବ୍ଲେୟର୍ ବିଚ୍ ପ୍ରୋଜେକ୍ଟ, ସିନିଷ୍ଟର, ଗେଟ୍ ଆଉଟ୍, ଦ ପର୍ଜ, ହ୍ୟାଲୋଇନ୍, ପାରାନର୍ମାଲ ଆକ୍ଟିଭିଟି, ଓ ଏନାବଲ୍ ।ଫାଇନାନ୍ସ ବଜ୍ କମ୍ପାନୀ କହିଛି ଯେ, ଯିଏ ଚଳଚ୍ଚିତ୍ର ଦେଖିବାକୁ ମନୋନୀତ ହେବେ ତାଙ୍କୁ ଏକ ଫିଟ ବ୍ୟାଣ୍ଡ ଦିଆଯିବ, ଯାହା ମାଧ୍ୟମରେ ତାଙ୍କ ହାର୍ଟ ବିଟ୍ ମନିଟରିଙ୍ଗ କରରାଯିବ । ଏହି ଚଳଚ୍ଚିତ୍ର ଦେଖିବା ପରେ ଚଳଚ୍ଚିତ୍ର ଦେଖିବା ସମୟରେ ଖାଦ୍ୟ ଓ ପାନୀୟ ବାବଦରେ ତାଙ୍କୁ ୯୫ ହଜାର ଟଙ୍କାତା ଠାରୁ ଅଧିକ ଟଙ୍କା ମିଳିବ ।ଏବେ ପ୍ରଶ୍ନ ଉଠୁଛି ଏଥିପାଇଁ ଆବେଦନ କରିବେ କିପରି?
କମ୍ପାନୀ ଏଥିପାଇଁ ଏକ ୱେବସାଇଟରେ ଫର୍ମ ଜାରି କରିଛି, ଯାହାକୁ ପ୍ରଥମେ ପୂରଣ କରିବାକୁ ପଡିବ । ଏହା ମଧ୍ୟରୁ ଦର୍ଶକଙ୍କୁ କମ୍ପାନୀ ଚୟନ କରିବ ।ଏହି ଫର୍ମ କେବଳ ସେପ୍ଟେମ୍ବର ୨୬ ସୁଦ୍ଧା ପୂରଣ କରାଯାଇପାରିବ । ଅକ୍ଟୋବର ୧ ସୁଦ୍ଧା ପ୍ରାର୍ଥୀ ଚୟନ କରାଯିବ । ଏବଂ ଇମେଲ ଦ୍ୱାରା ଯୋଗାଯୋଗ କରାଯିବ । ଅକ୍ଟୋବର ୪ ସୁଦ୍ଧା କମ୍ପାନୀ ଫିଟବ୍ୟାଣ୍ଡ ପଠାଇବ ।ଅକ୍ଟୋବର ୯ରୁ ୧୮ ଯାଏ ଫିଲ୍ମ ଦେଖି ରିପୋର୍ଟ ପ୍ରସ୍ତୁତ କରାଯିବ । ତେବେ ପ୍ରାର୍ଥୀ କେବଳ ଆମେରିକାର ହୋଇଥିବା ଜରୁରୀ ।