ଗଲୱାନରେ ସଂଘର୍ଷ ପରେ ଦୁଇ ଦେଶ ମଧ୍ୟରେ ଆଲୋଚନା । ୬ଘଂଟା ଧରି ଚାଲିଲା ମେଜର ଜେନେରାଲ ସ୍ତରୀୟ ବୈଠକ । ଚୀନ୍ କହିଲା, ସୀମାରେ ସ୍ଥିର ଓ ନିୟନ୍ତ୍ରଣ ରହିଛି ପରିସ୍ଥିତି ।
କନକ ବ୍ୟୁରୋ: ଗଲୱାନ ଭ୍ୟାଲିରେ ୨୦ ଭାରତୀୟ ଯବାନ ସହିଦ ହେବାପରେ କଠୋର ଆଭିମୁଖ୍ୟ ଗ୍ରହଣ କରିଛି ଭାରତ । ସୀମାରେ ଯୁଦ୍ଧ ଭଳି ପ୍ରସ୍ତୁତି କରିବା ପରେ ନରମ ପଡିଛି ଚୀନ । ସୀମାରେ ଭାରତୀୟ ସେନାକୁ ନାଲିଆଖି ଦେଖାଉଥିବା ଚୀନ ଏବେ ଶାନ୍ତି ଚାହୁଁଛି । ଚୀନର ସରକାରୀ ଗଣମାଧ୍ୟମ ଗ୍ଲୋବାଲ ଟାଇମ୍ସରେ ପ୍ରକାଶ ପାଇଥିବା ରିପୋର୍ଟ ଅନୁସାରେ…
Kanak News is now on WhatsApp
Join and get latest news updates delivered to you via WhatsApp
ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କରଙ୍କ ସହ କଥା ହୋଇଛନ୍ତି ଚୀନ ବିଦେଶ ମନ୍ତ୍ରୀ ୱାଙ୍ଗ ୟି
– ଦୁହେଁ ଟେଲିଫୋନ ଯୋଗେ କଥାବାର୍ତା ହୋଇଥିବାବେଳେ ସୀମାରେ ଶାନ୍ତି ବଜାର ରଖିବାକୁ ସହମତ ହୋଇଛନ୍ତି
– ବିବାଦୀୟ ଅଂଚଳରେ ଶାନ୍ତି ବଜାୟ ରଖିବା ପାଇଁ ସେନା ଅଧିକାରୀସ୍ତରୀୟ ଆଲୋଚନା ଜାରି ରଖିବାକୁ ଏକମତ ହୋଇଛନ୍ତି
ଚୀନ ସରକାରୀ ଗଣମାଧ୍ୟମର ଏହି ରିପୋର୍ଟ ଅନୁଯାୟୀ, ଭାରତ-ଚୀନ ସୀମା ଏଲଏସିର ଗଲୱାନ ଅଂଚଳରେ ଜୁନ୍ ୧୫/୧୬ ରାତିରେ ଯାହା ଘଟିଗଲା ସେଥିପାଇଁ ଚୀନ ପଶ୍ଚାତାପ କରୁଛି । ଏଭଳି ଘଟଣାର ଯେଭଳି ପୁନରାବୃତି ନହୁଏ ସେଥିପାଇଁ ଉଭୟପକ୍ଷ ଶାନ୍ତି କଥାବାର୍ତା ଜାରି ରଖିବା ଉପରେ ବେଜିଂ ଗୁରୁତ୍ୱ ଦେଉଛି ।
ସୀମାରେ ଏଭଳି ହିଂସାକାଣ୍ଡ ଭାରତ-ଚୀନ ସଂପର୍କରେ ଯେଭଳି ଆଂଚ ନଆଣେ ସେଥିପାଇଁ ଉଭୟ ପକ୍ଷ ପ୍ରୟାସ କରିବାକୁ ଚୀନ ପ୍ରସ୍ତାବ ଦେଇଛି । ହେଲେ ଗୋଟିଏ ପଟେ ଶାନ୍ତି ପ୍ରସ୍ତାବ ଦେଇ, ଅନ୍ୟପଟେ ଦାବି ଛାଡିବାକୁ ରାଜି ହୋଇନାହିଁ ଚୀନ । ଯାହା ତାର ଦୋମୁହାଁ ନୀତିକୁ ଦର୍ଶାଉଛି ।
ସୋମବାର ରାତିରେ ହିଂସାକାଣ୍ଡ ପାଇଁ ଭାରତୀୟ ସେନା ଉସୁକାଇଥିଲା ବୋଲି ଅଭିଯୋଗ କରିଛନ୍ତି ଚୀନ ବିଦେଶ ମନ୍ତ୍ରୀ ୱାଙ୍ଗ ୟି । ସେହିପରି ସୀମାରେ ଭାରତର ନିର୍ମାଣକୁ ମଧ୍ୟ ସେ ନାପସନ୍ଦ କରିଛନ୍ତି । ଚୀନର ଆପତିକୁ ସମ୍ମାନ ଦେଇ ଭାରତ ତାର ନିର୍ମାଣ କାମ ବନ୍ଦ ରଖିବାକୁ ସେ ପ୍ରସ୍ତାବ ଦେଇଛନ୍ତି । କେବଳ ରାଜନୈତିକ ଅଭିସନ୍ଧି ରଖି ଭାରତୀୟମାନେ କୌଣସି ପଦକ୍ଷେପ ନନେବାକୁ କହିଛି ଚୀନ ।
ଚୀନର ଏଭଳି ସ୍ୱରକୁ ଦେଖିଲେ ଲାଗୁଛି, ମୋଦି ସରକାରଙ୍କ କଠୋର ଆଭିମୁଖ୍ୟରେ ଚିନ୍ତାରେ ପଡିଯାଇଛି ବେଜିଂ । କାରଣ ପାକିସ୍ତାନ ମାଟିରେ ପଶି ଭାରତୀୟ ସେନା ଦୁଇଦୁଇଥର ସର୍ଜିକାଲ ଷ୍ଟ୍ରାଇକ କରିଥିବା ଚୀନ ଦେଖିସାରିଛି ।
ଏହି ରିପୋର୍ଟରେ ଭାରତରୁ ଉଠୁଥିବା ଚୀନ ବିରୋଧୀ ସ୍ୱର ବାବଦରେ ଟିପ୍ପଣୀ କରାଯାଇଛି । ଆଉ ଏହାପଛରେ ଆମେରିକାର ହାତ ଥିବା ଚୀନ ଆଶଙ୍କା କରୁଛି । ଆଉ ଚୀନର ପ୍ରଭାବ କମ୍ କରିବା ପାଇଁ ଆମେରିକା ଭାରତକୁ ବ୍ୟବହାର କରୁଥିବା କୁହାଯାଇଛି । ହେଲେ ଏସୀୟା ମହାଦେଶ ସମେତ ବିଶ୍ୱ ମାନଚିତ୍ରରେ ଭାରତର ଉତଥାନ ଚୀନ ସହାୟତାରେ ହୋଇପାରିବ ବୋଲି ବେଜିଂ ପକ୍ଷରୁ କୁହାଯାଇଛି । ଚୀନ ସିହତ ସୀମା ବିବାଦର ଏକପାଖିଆ ଭାବେ ଭାରତ ସମାଧାନ କରିପାରିବ ନାହିଁ । ତେଣୁ ଚୀନକୁ ଲାଗିରହିଥିବା ପ୍ରାୟ ୨ ହଜାର କିଲୋମିଟର ବ୍ୟାପୀ ସୀମାରେ ଏଭଳି ରକ୍ତାକ୍ତ ସଂଘର୍ଷ ଏଡାଇବାକୁ ପଡିବ । ଆମେରିକା ଭଳି ରାଷ୍ଟ୍ର ଭାରତୀୟଙ୍କ ମନରେ ଚୀନ ବିରୋଧରେ ବିଷ ଭରି ଦେଉଥିବାରୁ ଏଥିରୁ ନିବୃତ ରହିବାକୁ ପରାମର୍ଶ ଦେଇଛି ବେଜିଂ ।