ଟଙ୍କା ଦେଇ ଟିକା ନେବାକୁ ସରକାରଙ୍କ ‘ଇ-ଭାଉଚର’ ବ୍ୟବସ୍ଥା । ଜାଣନ୍ତୁ ସରକାରଙ୍କ ଏହି ଯୋଜନାରୁ ଆପଣ କେମିତି ଉଠାଇବେ ଲାଭ
କନକ ବ୍ୟୁରୋ : ଦେଶରେ କରୋନା ସଂକ୍ରମଣକୁ ରୋକିବାକୁ ସରକାର ଟିକାକରଣ ଅଭିଯାନକୁ ଜୋରଦାର କରିଛନ୍ତି । ହେଲେ ଟିକାକରଣ ବେଳେ ଦେଖା ଯାଉଥିବା ବିଭିନ୍ନ ସମସ୍ୟାର ସମାଧାନ କରିବାକୁ ସରକାର ଚେଷ୍ଟା କରୁଥିବା ବେଳେ ଘରୋଇ ହସ୍ପିଟାଲରୁ ଟଙ୍କା ଦେଇ ଟିକା ନେବାକୁ ଗରିବ ଲୋକମାନଙ୍କ ପାଇଁ ସରକାର ଏକ ନୂଆ ଯୋଜନା ପ୍ରସ୍ତୁତ କରିଛନ୍ତି । ଏହି ଯୋଜନାକୁ ସରକାର ‘ଇ-ଭାଉଚର ଫର ପ୍ୟାଡ୍ ଭ୍ୟାକ୍ସିନେସନ’ ନାମରେ ନାମିତ କରିଛନ୍ତି । ଏହି ଭାଉଚର ଜରିଆରେ ଗରିବ ଲୋକମାନେ ପ୍ୟାଡ ଭ୍ୟାକ୍ସିନେସନ କରାଇପାରିବେ । ଅର୍ଥାତ କୌଣସି ବି ନନ୍ ଟ୍ରାନ୍ସଫରଏବଲ ଭାଉଚର ଦେଇ ଗରିବ ଲୋକମାନେ ଘରୋଇ ହସ୍ପିଟାଲରୁ ଟିକା ନେଇପାରିବେ । ଏନେଇ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି କି, ଟିକାକରଣକୁ ପ୍ରୋସାହିତ କରିବାକୁ ସରକାର ଏଭଳି ଯୋଜନା ପ୍ରସ୍ତୁତ କରୁଛନ୍ତି । ଏହି ଭାଉଚର ଦେଖାଇ ଗରିବ ଲୋକମାନେ ଘରୋଇ ହସ୍ପିଟାଲରୁ ଟିକା ନେଇ ପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଭ୍ୟାକ୍ସିନ ପ୍ରଶାସନ ରାଷ୍ଟ୍ରୀୟ ବିଶେଷଜ୍ଞ କମିଟିର ଅଧ୍ୟକ୍ଷ ଡ. ବି.କେ ପାଲ କହିଛନ୍ତି କି ଏହି ଯୋଜନା ଏବେ ପ୍ରସ୍ତୁତ ଚାଲିଛି । ଜୁନ ୨୧ ସୁଦ୍ଧା ସରକାର ଏହି ଯୋଜନାକୁ ଲଂଚ କରିବାକୁ ଲକ୍ଷ୍ୟ ରଖିଛନ୍ତି ।
ଅନ୍ୟପଟେ ଘରୋଇ ହସ୍ପିଟାଲ ପାଇଁ ଗତକାଲି ସରକାର ଟିକାର ମୂଲ୍ୟ ନିର୍ଦ୍ଦାରଣ କରିଛନ୍ତି । ଘରୋଇ ହସ୍ପିଟାଲରେ କୋଭିସିଲ୍ଡ ଟିକାର ଗୋଟିଏ ଡୋଜର ମୂଲ୍ୟ ୭୮୦ ଟଙ୍କା, ସେହିଭଳି ସ୍ପୁଟନିକ୍ –ଭି ୧,୧୪୫ ଟଙ୍କା ଓ କୋଭାକ୍ସିନର ମୂଲ୍ୟ ୧,୪୧୦ ଟଙ୍କା ରଖା ଯାଇଛି । ନିର୍ଦ୍ଧାରିତ ଏହି ଦର ମଧ୍ୟରେ ଟ୍ୟାକ୍ସ ଓ ମେଡିକାଲର ସେବାକର ବି ସାମିଲ ହୋଇଛି ।
ସେପଟେ ପ୍ରଧାନମନ୍ତ୍ରୀ ନୂଆ ଟିକାକରଣ ନୀତି ଘୋଷଣା କରିବା ପରେ ଏହାକୁ ବିରୋଧ କରିଛି କଂଗ୍ରେସ । ସରକାରଙ୍କ ନୂଆ ଟିକାକରଣ ନୀତି ଜୁନ ୨୧ ରୁ ଆରମ୍ଭ ହେବ । କେନ୍ଦ୍ର ସରକାର କହିଛନ୍ତି କି କମ୍ପାନୀ ମାନଙ୍କ ଠାରୁ ୭୫ ପ୍ରତିଶତ ଟିକା ଷ୍ଟକ କିଣିବେ । ଏହା ମଧ୍ୟରୁ ରାଜ୍ୟ ମାନଙ୍କୁ ୨୫ ପ୍ରତିଶତ ମିଳିବ, ଓ ଶେଷ ୨୫ ପ୍ରତିଶତ ଘରୋଇ ହସ୍ପିଟାଲମାନେ ଟିକା କମ୍ପାନୀ ମାନଙ୍କ ଠାରୁ କ୍ରୟ କରିବେ ।