କରୋନା କାଳରେ ବଢୁଛି ଚପଲର ଚମକ : ଆସିଲା ରୋଚକ ତଥ୍ୟ, ଫର୍ମାଲ ସୁଜ୍ ତୁଳନାରେ ଚପଲ ଓ ସାଣ୍ଡଲକୁ ଅଧିକ ପସନ୍ଦ କରୁଛନ୍ତି ଦେଶବାସୀ; କରୋନା ପୂର୍ବ ସମୟ ତୁଳନାରେ ୮୦ ପ୍ରତିଶତ ବିକ୍ରି ହେଉଛି ଚପଲ
କନକ ବ୍ୟୁରୋ : କରୋନା କାଳରେ ଦେଶର ବିଭିନ୍ନ ସ୍ଥାନରେ ଲକଡାଉନ, ସଟଡାଉନ ଭଳି କଟକଣା ଜାରି ରହିଛି । ବନ୍ଦ ପଡିଥିବା ଅର୍ଥନୀତିକୁ ଗତି ଦେବାପାଇଁ କେନ୍ଦ୍ର ସରକାର ଅନଲକ ପ୍ରକ୍ରିୟା ଆରମ୍ଭ କରିସାରିଥିଲେ ବି ସ୍ଥାନ ବିଶେଷରେ କଟକଣା କୋହଳ ହୋଇନାହିଁ । ତେଣୁ କରୋନା ବିଭିନ୍ନ କ୍ଷେତ୍ର ପରି ଫୁଟ ୱେୟାର ବା ଯୋତା, ଚପଲ କାରବାର ଉପରେ କରୋନା ଲକଡାଉନର ପ୍ରଭାବ ଦେଖିବାକୁ ମିଳିଛି । ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ଏହି ସମୟରେ ଯୋତା ବିକ୍ରି କମିଛି ହେଲେ ଚପଲ ବିକ୍ରି ଭଲ ରହିଛି । କାରଣ କରୋନା ସଂକଟ ପୂର୍ବରୁ ଦେଶରେ ଯେତିକି ଚପଲ ବିକ୍ରି ହେଉଥିଲା ଏବେ ତାର ୮୦ ପ୍ରତିଶତ ବିକ୍ରି ହେଉଛି । ତେବେ ୫ଶହ ଟଙ୍କାରୁ କମ୍ ମୂଲ୍ୟର ଚପଲ ଅଧିକ ବିକ୍ରି ହେଉଥିବା କହିଛନ୍ତି ଦେଶରେ ସର୍ବାଧିକ ଯୋତା ବିକ୍ରି କରୁଥିବା ବାଟା କମ୍ପାନିର ସିଇଓ । ବିଶେଷ କରି ଗ୍ରାମାଂଚଳରେ କରୋନା ସଂକ୍ରମଣ କମ ରହିଥିବାରୁ କମ୍ ମୂଲ୍ୟର ଚପଲ ବିକ୍ରି ଗ୍ରାମାଂଚଳରେ ଅଧିକ ଅଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସରକାରୀ, ବେସରକାରୀ ଅଫିସ ସବୁ ବନ୍ଦ ରହିଛି ଏବଂ ୱାର୍କ ଫ୍ରମ ହୋମ ଜାରି ରହିଥିବାରୁ ସହରାଂଚଳ ଲୋକେ ଫର୍ମାଲ ସୁଜ କିଣିବା ଅପେକ୍ଷା ଚପଲ କିମ୍ବା ସାଣ୍ଡାଲ କିଣିବାକୁ ଅଧିକ ଆଗ୍ରହ ଦେଖାଉଛନ୍ତି । ସ୍କୁଲ, କଲେଜ ସବୁ ଖୋଲିନଥିବାରୁ ସ୍ପେର୍ଟ୍ସ ସୁଜ ବିକ୍ରି ମଧ୍ୟ ବହୁତ କମିଯାଇଛି । ଆଉଏକ ରିଟେଲ ଫୁଟ୍ ୱୟାର ବ୍ରାଣ୍ଡ ମେଟ୍ରୋର ସାରା ଦେଶରେ ୫ଶହରୁ ଅଧିକ ଷ୍ଟୋର ରହିଛି । ମେଟ୍ରୋର ମାର୍କେଟିଂ ଭାଇସ ପ୍ରେସିଡେଂଟଙ୍କ କହିବା ହେଲା କରୋନା ଲକଡାଉନ ସମୟରେ ମହିଳାଙ୍କ ଫୁଟ ୱେୟାର ୨୦ ପ୍ରତିଶତ, ସାଣ୍ଡାଲ ବିକ୍ରି ୪୦ ପ୍ରତିଶତ ଓ ମେନ୍ସ ଫୁଟ ୱେୟାର ବିକ୍ରି କରୋନା ପୂର୍ବ ସମୟର ୬୦ ପ୍ରତିଶତ ରହିଛି ।