ମହାଶିବରାତ୍ରୀରେ ଯଦି ନିର୍ଜଳ ଉପବାସ କରୁନାହାନ୍ତି, ତେବେ କଣ ଖାଇ ବ୍ରତ କରିପାରିବେ?

1,395

କନକ ବ୍ୟୁରୋ : ପବିତ୍ର ମହାଶିବରାତ୍ରୀରେ ଭୋଳାବାବାଙ୍କ ଭକ୍ତମାନେ ବ୍ରତ ଏବଂ ଉପବାସ କରି ଉମାପତିଙ୍କୁ ପ୍ରସନ୍ନ କରିବା ପାଇଁ ପ୍ରସ୍ତୁତ ହୁଅନ୍ତି । ଏହି ଶୁଭ ଅବସର ଏକ ପରମ୍ପରା ସହିତ ଭାବଭକ୍ତିର ଈଶ୍ୱରୀୟ ଅଭିବ୍ୟକ୍ତି । ଉପବାସର କାର୍ଯ୍ୟ ଯାହା ମନ ,ଆତ୍ମା , ଶରୀରର ଶୁଦ୍ଧତା ପ୍ରତି ଉତ୍ସର୍ଗୀକୃତତାକୁ ପ୍ରତିପାଦିତ କରେ । ଏହି ପବିତ୍ର ସମୟରେ ଶୁଦ୍ଧ ଏବଂ ପୁଷ୍ଟିକର ଖାଦ୍ୟ ବଜାୟ ରଖିବା ନିତାନ୍ତ ଆବଶ୍ୟକ । ଶିବରାତ୍ରୀ ସମୟରେ ଉପବାସ କରୁଥିବା ଭକ୍ତଙ୍କ ପାଇଁ ସର୍ବୋତ୍ତମ ଖାଦ୍ୟର ଏକ ମାର୍ଗଦର୍ଶିକା ।

୧ . ଆପଣଙ୍କ ଦିନ ଆରମ୍ଭ ପାଇଁ ବିଶୁଦ୍ଧ ଜଳ :


ସକାଳର ପ୍ରଥମ ପ୍ରହର ଏକ ଗ୍ଲାସ୍ ବିଶୁଦ୍ଧ ଜଳରୁ ଆରମ୍ଭ କରନ୍ତୁ । ଶରୀରକୁ ହାଇଡ୍ରେଟ୍ କରିବା ସହ ଉପବାସ ନୀତି ସହ ସମାନ୍ତରାଳ ପେୟ ଗ୍ରହଣ କରନ୍ତୁ । ପୋଷକ ତତ୍ତ୍ୱରେ ଭରପୂର ପଇଡ଼ ପାଣି ପିଅନ୍ତୁ । ଲେମ୍ବୁ ପାଣି ପିଅନ୍ତୁ ।

୨ . ସାବୁଦାନା ଖେଚୁଡ଼ି :
ବ୍ରତ , ଉପବାସ ବେଳେ ସଂପୂର୍ଣ୍ଣ ସାତ୍ତ୍ୱିକ ଭୋଜନ ପାଇଁ ସାବୁଦାନା ଖେଚୁଡ଼ି ଏକ ଉତ୍ତମ ଖାଦ୍ୟ । ସାବୁଦାନା ନରମ ହେବା ପର୍ଯ୍ୟନ୍ତ ପାଣିରେ ଭିଜାଇ ରଖନ୍ତୁ । ଏକ କଡେଇରେ ଘିଅ , ଜିରା , କଞ୍ଚାଲଙ୍କା ଏବଂ ଭୂଷଙ୍ଗ ପତ୍ର ଗରମ କରନ୍ତୁ । ଭିଜାଇଥିବା ସାବୁଦାନା , କଟା ଆଳୁ ଏବଂ କଦଳୀ ପକାଇ ଘାଣ୍ଟନ୍ତୁ । ଖେଚୁଡ଼ିରୁ ବାସ୍ନା ଆସିବା ପରେ ଧନିଆପତ୍ର ପକାଇ ଗରମ ଗରମ ସେବନ କରନ୍ତୁ ।

୩ . ଫଳରସ :
ଉପବାସ ସମୟରେ ଫଳରସ ସେବନ ଶରୀରକୁ ଫୁର୍ତ୍ତିବାନ୍ କରାଇଥାଏ । ଆମ୍ବ , ଅଙ୍ଗୁର , ସେଓ , ଡ଼ାଳିମ୍ବ ଭଳି ବିଭିନ୍ନ ପ୍ରକାର ଫଳକୁ ଗ୍ରାଇଣ୍ଡିଂ କରି ଫଳରସ ଘରେ ପ୍ରସ୍ତୁତ କରନ୍ତୁ । ବାଦାମ କ୍ଷୀର ଅତ୍ୟାବଶ୍ୟକ ଭିଟାମିନ୍ ଏବଂ ମିନେରାଲ୍ସ ଯୋଗାଇବା ସହ ଭୋକକୁ ସନ୍ତୁଳିତ କରୁଥିବାରୁ ଏହି କ୍ଷୀରକୁ ମଧ୍ୟ ପିଇପାରିବେ ।

୪ . ଛତୁଆ :
ଏବେ ଆଧୁନିକ ଯୁଗରେ ଓଷାବ୍ରତ ସଭିଏଁ କରିବା ପ୍ରାୟତଃ ସମ୍ଭବପର ହୋଇପାରୁନି । ବିଭିନ୍ନ ସମୟରେ ଡାକ୍ତରଙ୍କ ପରାମର୍ଶ କ୍ରମେ କେହି ଓଷା ବ୍ରତରେ ଫଳମୂଳ କିମ୍ବା ଛତୁଆ ଖାଇ ବ୍ରତ ପାଳନ କରୁଛନ୍ତି । ପ୍ରୋଟିନରେ ଭରପୂର ଛତୁଆ ମାଂସପେଶୀରେ ସତେଜତା ବଜାୟ ରଖିବା ସହ ଉପବାସ ସମୟରେ ସ୍ଥାୟୀ ଶକ୍ତି ,ଶରୀରକୁ ହାଇଡ୍ରେଟ୍ ରଖିବାରେ ସାହାଯ୍ୟ କରିଥାଏ । ଛତୁଆରେ କ୍ୟାଲସିୟମ, ଆଇରନ୍, ମ୍ୟାଗ୍ନେସିୟମ୍ ଏବଂ ଫସଫରସ୍ ଭଳି ଅତ୍ୟାବଶ୍ୟକ ପୋଷକ ତତ୍ତ୍ୱ ରହିଥାଏ, ଯାହା ସାମଗ୍ରିକ ସ୍ୱାସ୍ଥ୍ୟ ବଜାୟ ରଖିବା ଏବଂ ଉପବାସ ସମୟରେ ଅଭାବକୁ ରୋକିବା ପାଇଁ ଗୁରୁତ୍ୱପୂର୍ଣ୍ଣ ।

ତେବେ ବଜାରରେ ଛତୁଆ ତ ବିଭିନ୍ନ ପ୍ରକାରର ପାଇବେ କିନ୍ତୁ ଓଡ଼ିଶାର ଘରେ ଘରେ ପରିଚିତ କସ୍ତୁରୀ ଛତୁଆର ଚାହିଦା ଏବେ ଅଧିକ ।