କଟକରେ ପୁଣି ନକଲି ଘିଅ କାରଖାନା ଠାବ । କୋଟିଏରୁ ଅଧିକ ଟଙ୍କା ଅପମିଶ୍ରିତ ଘିଅ ଜବତ । ନାମୀଦାମୀ କମ୍ପାନୀର ଲୋଗୋ ଲଗାଇ ବଜାରରେ କରାଯାଉଥିଲା ବିକ୍ରି
କନକ ବ୍ୟୁରୋ : ନକଲି ଖାଦ୍ୟ ସାମଗ୍ରୀ ପ୍ରସ୍ତୁତ କରିବାରେ କଟକ ପାଲଟିଛି ପେଣ୍ଟସ୍ଥଳୀ । କେତେବେଳେ ନକଲି ଗୁଟଖା ତ କେବେ ନକଲି ସସ୍ । ଜନଗହଳିପୂର୍ଣ୍ଣ କଟକ ସହର ଏବେ ନକଲି ସାମଗ୍ରୀ ପ୍ରସ୍ତୁତର ପେଣ୍ଠସ୍ଥଳ ପାଲଟିଛି । ନକଲି ଖାଦ୍ୟ ସାମଗ୍ରୀ ପ୍ରସ୍ତୁତ କରି ଗୋଟିଏ ପଟେ ବେପାରୀ ମାନେ ମାଲେ ମାଲ ହେଉଥିବା ବେଳେ ନକଲି ଖାଦ୍ୟକୁ ଅସଲି ଟଙ୍କା ଦେଇ ଗ୍ରାହକ ମାନେ ରୋଗ କିଣୁଛନ୍ତି । କିଛିଦିନ ହେବ କମିଶନରେଟ୍ ପୋଲିସ ଏଭଳି ନକଲି କାରଖାନା ମାନଙ୍କୁ ଠାବ କରିବାକୁ ପୁରା ଦମ୍ ଲଗାଇ ଦେଇଛି । ଏହି କ୍ରମରେ ଆଜି କଟକରେ ପୁଣି ନକଲି ଘିଅ କାରଖାନା ଠାବ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କଟକ ଜଗତପୁର ଶିଳ୍ପାଚଂଳରେ ଥିବା ସୁବାଷ ଘିଅ ନାମକ ନକଲି ଘିଅ କାରଖାନା ଉପରେ ଚଢାଉ କରିଛି କମିଶନରେଟ୍ ପୋଲିସ । ଚଢାଉ ବେଳେ କୋଟିଏରୁ ଅଧିକ ଟଙ୍କାର ନକଲି ଘିଅ ଓ ସସ୍ ଜବତ କରାଯାଇଥିବା ବେଳେ ଏହି କାରଖାନା ସହିତ ସଂପୃକ୍ତ ଥିବା ୨ଜଣକୁ ଅଟକ ରଖାଯାଇଛି । ଅନ୍ୟପଟେ ନକଲି ସାମଗ୍ରୀକୁ ଅସଲିର ପରିଚୟ ଦେବା ପାଇଁ କମ୍ପାନୀ ତରଫରୁ ଯୋଗାଡ କରାଯାଇଥିବା ନାମାଦାମୀ କମ୍ପାନୀର ଲୋଗୋ ଓ ପ୍ୟାକ ସାମଗ୍ରୀ ମଧ୍ୟ ଜବତ କରାଯାଇଛି । ଏହା ସହ ଘିଅରେ ବ୍ୟବହୃତ ହେଉଥିବା କେମିକାଲକୁ କମିସନରେଟ ପୁଲିସ ଜବତ କରିଛି । ବହୁ ବର୍ଷ ଧରି ଏଠାରେ ନକଲି ଘିଅ ତିଆରି ଚାଲିଥିଲା । କମିସନରେଟ ପୁଲିସ ପକ୍ଷରୁ ଚଢାଉ କରାଯାଇ ବିପୁଳ ପରିମାଣ ନକଲି ଘିଅ ଜବତ କରାଯାଇଛି । କଟକରେ ଲଗାତର ୩ ଦିନ ହେବ ନକଲି ଘିଅ ଫ୍ୟାକ୍ଟ୍ରି ଊପରେ ଚଢାଉ ଚାଲିଛି । ଏହା ପୂର୍ବରୁ ପୁଲିସ କଟକରେ କିଛି ଦିନ ହେବ ୧୫ଟି ନକଲି କାରଖାନା ଉପରେ ଚଢାଉ କରିଛି ।