ମାନବିକତାର ମିଶାଲ୍ ଦେଲେ ଦୁବାଇର କ୍ରାଉନ୍ ପ୍ରିନ୍ସ : ପାରା ପରିବାର ପାଇଁ ପରିତ୍ୟାଗ କଲେ ପ୍ରିୟ ଗାଡ଼ି । ସଲାମ୍ କଲା ସୋସିଆଲ୍ ମିଡ଼ିଆ ।
ଦୁବାଇର କ୍ରାଉନ୍ ପ୍ରିନ୍ସ ଶେଖ୍ ହମଦନ୍ ବିନ୍ ସାହିଦ୍ ଅଲ୍ ମକତୁମ୍ (ଫଜା) ଏବେ ସୋସିଆଲ୍ ମିଡ଼ିଆରେ ଖୁବ୍ ଚର୍ଚ୍ଚାରେ ରହିଛନ୍ତି । ଚର୍ଚ୍ଚାର କାରଣ ବି ଖୁବ୍ ହୃଦୟସ୍ପର୍ଶୀ । ପ୍ରିନ୍ସ ଫଜା ନିଜର ବିଳାସପୂର୍ଣ୍ଣ ପ୍ରିୟ ଏସୟୁଭି କାରକୁ ପରିତ୍ୟାଗ କରିଛନ୍ତି । ଆଉ ପରିତ୍ୟାଗର କାରଣ ହେଉଛି ଗୋଟିଏ ପାରା । ଆଜ୍ଞା ହଁ ମାନବିକତାର ମିଶାଲ୍ ଦେଉଥିବା ଏହି ପ୍ରିନ୍ସ ପାରା ପାଇଁ ପରିତ୍ୟାଗ କରିଛନ୍ତି ଗାଡ଼ି ।
Kanak News is now on WhatsApp
Join and get latest news updates delivered to you via WhatsApp
View this post on Instagram
ଘଟଣାଟି କିଛି ଏଭଳି କିଛି ଦିନ ତଳେ ଗୋଟିଏ ପାରା ତାଙ୍କ କାରର ବୋନେଟରେ ବସାବାନ୍ଧି ଅଣ୍ଡା ଦେଇଥିଲା । ଯଦି କାରକୁ ବ୍ୟବହାର କରାଯାଇଥାନ୍ତା ତେବେ ବସାକୁ ବୋନେଟରୁ ବାହାର କରିବାକୁ ପଡ଼ିଥାନ୍ତା । ତେଣୁ ପ୍ରିନ୍ସ ଫଜା ମାନବିକତା ଦେଖାଇ କାରକୁ ହିଁ ବ୍ୟବହାର କରିବା ବନ୍ଦ କରିଦେଲେ । ଗାଡ଼ି ଗୋଟିଏ ସ୍ଥାନରେ ଠିଆ ହୋଇ ରହିଲା । ପାରାକୁ ଯେଭଳି କୌଣସି କ୍ଷତି ନହେବ ଏଥିପାଇଁ ସେ ଗାଡ଼ି ଚାରିପଟେ ଫିତା ମଧ୍ୟ ବାନ୍ଧିଦେଲେ । ବର୍ତ୍ତମାନ ପାରା ଅଣ୍ଡାରୁ କୁନି କୁନି ପିଲା ବାହାରିଛନ୍ତି ଆଉ ଏ ଘଟଣା ପ୍ରିନ୍ସ ପରିବାରକୁ ଖୁବ୍ ଆନନ୍ଦ ଦେଇଛି । ଏହାର ଏକ ଭିଡ଼ିଓ ଖୋଦ୍ ପ୍ରିନ୍ସ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ସେୟାର୍ କରିଥିଲେ । ଯାହା ଏବେ ସୋସିଆଲ୍ ମିଡ଼ିଆରେ ଖୁବ୍ ସେୟାର୍ ହେଉଛି । ଛୋଟ ଛୋଟ କାମରେ ବି କେତେ ଖୁସି ମିଳିଥାଏ ଆପଣ ଏହି ଭିଡ଼ିଓଟିକୁ ଦେଖିଲେ ହିଁ ଜାଣିପାରିବେ ।