ମଦ ପିଇ ରାସ୍ତାରେ ଗଡିଲେ ଶିକ୍ଷକ । କର୍ଯ୍ୟାନୁଷ୍ଠାନ ନେବାକୁ ଜିଲ୍ଲାପାଳଙ୍କ ପାଖରେ ଫେରାଦ ହେଲେ ଗ୍ରାମବାସୀ ।
କନକ ବ୍ୟୁରୋ: ମଦ ପିଇ ରାସ୍ତାରେ ଗଡିଲେ ସାର । ଏଭଳି ଦୃଶ୍ୟ ଦେଖିବାକୁ ମିଳିଛି ନୀଳଗିରି ଉପଖଣ୍ଡ ଶ୍ୟାମସୁନ୍ଦରପୁର ପଂଚାୟତ ହାତୀଖୁଲିଆ ଗ୍ରାମରେ । ଉକ୍ତ ଗ୍ରାମର ହାତୀଖୁଲିଆ ୟୁଜିୟୁପି ସ୍କୁଲ ଚାରି ଜଣ ଶିକ୍ଷକ ପ୍ରତିଦିନ ମଦ୍ୟପାନ କରି ଶିକ୍ଷାଦାନ କରୁଥିବାର ଭିଡିଓ ଭାଇରାଲ ହୋଇଥିଲା । ଯାହାପରେ ଗ୍ରାମବାସୀ ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଜିଲ୍ଲାପାଳଙ୍କ ନିକଟରେ ଜନଶୁଣାଣୀ ଶିବିରରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଔପଦା ସହଶିକ୍ଷା ଅଧିକାରୀ ସ୍କୁଲର ପ୍ରଧାନ ଶିକ୍ଷକ ବିଜୟ ଖାଳପାଳିଆଙ୍କୁ ବରଖାସ୍ତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟ ତିନି ଶିକ୍ଷକ ଭାସ୍କର ଚନ୍ଦ୍ର ସେଠୀ, ଶଙ୍କର୍ଷଣ ସିଂ, କମଳାକାନ୍ତ ଜେନାଙ୍କ ଉପରେ କୌଣସି ପଦକ୍ଷେପ ନିଆଯାଇନଥିଲା । ହେଲେ ଗୁରୁବାର ଉକ୍ତ ତିନ ଜଣଙ୍କ ମଧ୍ୟରୁ ଶିକ୍ଷକ ଭାଷ୍କର ଚନ୍ଦ୍ର ସେଠୀ ସ୍କୁଲକୁ ଆସୁଥିବା ସମୟରେ ମଦ୍ୟପାନ କରି ନିଶାଗ୍ରସ୍ଥ ଅବସ୍ଥାରେ ରାସ୍ତା ଶୋଇଥିବାର ଭିଡିଓ ଭାଇରାଲ ହୋଇଥିଲା । ଯାହାକୁ ନେଇ ଆପତି ଉଠାଇଛନ୍ତି ଗ୍ରାମବାସୀ ।