ଯୁବତୀ ବିକୁଛନ୍ତି ଜହର ! ରାଜଧାନୀ ରାଜରାସ୍ତାରେ ବେଧଡକ ଚାଲିଛି ଡ୍ରଗ୍ସ କାରବାର
କନକ ବ୍ୟୁରୋ : ରାଜଧାନୀରେ ଖୁଲମ ଖୁଲ୍ଲା ଚାଲିଛି ଡ୍ରଗ୍ସ ରାକେଟ । ହାତରେ ଡ୍ରଗ୍ସ ପ୍ୟାକେଟ ଧରି ଜଣେ ଯୁବତୀ ଗ୍ରାହକଙ୍କ ସହ ମୁଲଚାଲ କରିବାର ଚିତ୍ର ସାମ୍ନାକୁ ଆସିବା ପରେ ଆଲୋଡନ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ଲିଙ୍ଗରାଜ ମନ୍ଦିର ପାଖରେ ଅର୍ଥାତ୍ ଶ୍ରୀ ଲିଙ୍ଗରାଜ ଥାନା ଠାରୁ ମାତ୍ର ୨୦ ମିଟର ଦୁରରେ ଡ୍ରଗସ କାରବାର ନେଇ ଅଭିଯୋଗ ଆସିଛି । ଅଟୋଷ୍ଟାଣ୍ଡ ନିକଟସ୍ଥ ବରଗଛ ପାଖରେ କିଛି ଅସାଧୁ ବ୍ୟକ୍ତି ଡ୍ରଗସ କାରବାର କରୁଥିବାର ଚିତ୍ର ଲାଗିଛି କନକ ନ୍ୟୁଜ ହାତରେ । ଅଭିଯୋଗ ଅନୁସାରେ, ୩ ଜଣ ବ୍ୟକ୍ତି ଓ ଜଣେ ଯୁବତୀ ଦୀର୍ଘ ଦିନ ଧରି ଏହି ବେଆଇନ ବ୍ୟବସାୟ କରି ଆସୁଛନ୍ତି । ଡ୍ରଗ୍ସକୁ ସିମକାର୍ଡ କୋର୍ଡ ୱାଡ ସ୍ଥାନରେ ଏବେ ପାଉଡର ନାଁରେ ବିକ୍ରି କରୁଛନ୍ତି ।
ତେବେ ବେଆଇନ ଭାବରେ ଅଭିଯୁକ୍ତ ମାନେ ବେଧଡକ ଏହି କାରବାର କରୁଥୁଲେ ହେଁ ଏହା ଉପରେ ଯେମିତି ରୋକ୍ ଲଗାଇବା ପାଇଁ କେହି ନାହାଁନ୍ତି । ୧୫୦ ଟଙ୍କାରୁ ୫ ହଜାର ଟଙ୍କା ପର୍ଯ୍ୟନ୍ତ ରହିଛି ଏହି ପାଉଡରର ମୁଲ୍ୟ । ଏଇଠି କହି ରଖିବା ପାଇଁ ଚାହିଁବୁ ହଳଦିପଡିଆ ବସ୍ତିରେ ବ୍ରଉନସୁଗାର ବା ଡ୍ରଗ୍ସ କାରବାର ନେଇ କନକ ନ୍ୟୁଜରେ ଖବର ପ୍ରକାଶ ପାଇବା ପରେ, ବ୍ରାଉନସୁଗାର କାରବାର ବନ୍ଦ ହୋଇଯାଇଥିଲା । ତେବେ ହଳଦିପଡିଆ ପରେ, ଅଭିଯୁକ୍ତ ମାନେ ଏବେ ଲିଙ୍ଗରାଜଡଡ ମନ୍ଦିରକୁ ନିଜର ଆଡ୍ଡାସ୍ଥଳି ବନାଇଛନ୍ତି କହିଲେ ଭୁଲ ହେବ ନାହିଁ ।
ଦେଶର ଏକ ନମ୍ବର ସ୍ମାର୍ଟସିଟିରେ ବେଧଡକ ଚାଲିଛି ନିଶା କାରବାର । ରାସ୍ତା କଡରେ ବିକ୍ରି ହେଉଛି ଡ୍ରଗ୍ସ । କୋର୍ଡ ୱାର୍ଡ ବ୍ୟବହାର କରି କାରବାର କରୁଛନ୍ତି ଜଣେ ଯୁବତୀ । ନା ଭୟ ଅଛି ସ୍ଥାନୀୟ ଲୋକଙ୍କୁ ନା ପୁଲିସକୁ ।