କ୍ରୁଜ ଉପରେ ପୁଣିଥରେ ଏନସିବିର ଚଢାଉ, ୬ ଜଣ ଗିରଫ୍
କନକ ବ୍ୟୁରୋ : ମୁମ୍ବାଇ ସମୁଦ୍ର ଭିତରେ ଚାଲିଥିବା ରେଭ୍ ପାର୍ଟି ଉପରେ ଚଢାଉ ମାମାଲାରେ ଆଉ ପାଦେ ଆଗକୁ ଯାଇଛି ଏନସିବି । ପ୍ରଥମ ଦଫାରେ କିଛି ଡ୍ରଗ୍ସ ଜବତ କରିବା ସହ ୮ ଜଣଙ୍କୁ ଗିରଫ୍ କରିବା ପରେ ଆଜି ପୁଣିଥରେ ସେହି କ୍ରୁଜ ଉପରେ ଏନସିବି ପକ୍ଷରୁ ଚଢାଉ କରାଯାଇଛି । ଆଜିର ଚଢାଉରେ ଏନସିବିକୁ ପୁଣି କିଛି ଡ୍ରଗ୍ସ ମିଳିଥିବା ବେଳେ ଆଉ ୬ ଜଣଙ୍କୁ ଏନସିବି ପକ୍ଷରୁ ଗିରଫ କରାଯାଇଛି । ଆଜି କ୍ରୁଜ ସିପର ଉପର ତାଲା ଓ ଡେକ ଉପରେ ଚଢାଉ କରି ବହୁଳ ମାତ୍ରାରେ ଡ୍ରଗ୍ସ ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି, ଗୋଆ ଯାଉଥିବା କାର୍ଡିଲିଆ କ୍ରୁଜ ଉପରେ ଚଢାଉ ପରେ ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆରୟନ ଓ ଅନ୍ୟ ୭ ଜଣଙ୍କୁ ଗିରଫ୍ କରାଯାଇଥିଲା । ଏନସିବିକୁ ସୋମବାର ସୂଚନା ମିଳିଥିଲା କି ଜାହଜଟି ଏବେ ସହର ନିକଟକୁ ଆସିଛି । ଏହାପରେ ଏନସିବି ଅଧିକାରୀଙ୍କ ପକ୍ଷରୁ ଟର୍ମିନାଲରେ ପହଂଚି ପୁଣିଥରେ ଜାହାଜକୁ ତଲାସ କରିଥିଲା ।
ଅନ୍ୟପଟେ କ୍ରୁଜ କମ୍ପାନୀ ତରଫରୁ ରବିବାର ଦିନ କୁହାଯାଇଛି କି. ଏହି ଘଟଣାରେ ତାଙ୍କର କୌଣସି ସଂପୃକ୍ତି ନାହିଁ । କ୍ରୁଜକୁ ଏକ ବ୍ୟକ୍ତିଗତ କାର୍ଯ୍ୟକ୍ରମ ପାଇଁ ଦିଲ୍ଲୀସ୍ଥିତ ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀ ଭଡା ସୂତ୍ରରେ ନେଇଥିଲା । ସେଠାରେ କଣ ଘଟିଲା ତାହା ପାଇଁ କମ୍ପାନୀ ଉତ୍ତରଦାୟୀ ନୁହେଁ ।
ଏନସିବିର ଜଣେ ଅଧିକାରୀ କହିଛନ୍ତି କି ଏହି ମାମଲାରେ ଗିରଫ ହୋଇଥିବା ଆରୟନ ଖାନଙ୍କ ସହ ଅନ୍ୟ ୭ ଜଣଙ୍କର ପରିଚୟ ମିଳିଛି । ସେମାନେ ହେଲେ ମୁନମୁନ ଧମେଚା, ଅରବାଜ ମଚେଣ୍ଠ, ନୁପୁର ସାରିକା, ହସମିତ୍ ସିଂ, ମୋହକ ଜସୱାଲ,ବିକ୍ରାନ୍ତ ଛୋକର ଓ ଗୋମିତ ଚୋପଡା । ଅନ୍ୟପଟେ ଆରୟନ ଖାନ, ଧମେଚା ଓ ମଚେଣ୍ଟଙ୍କୁ ରବିବାର ଦିନ ଏକ ମେଟ୍ରୋପଲିଟନ କୋର୍ଟରେ ହାଜର କରାଯାଇଥିଲା । ସେମାନଙ୍କୁ କୋର୍ଟଙ୍କ ଅନୁମତି କ୍ରମେ ଅକ୍ଟୋବର ୪ ତାରିଖ ପର୍ଯ୍ୟନ୍ତ ଏନସିବି ରିମାଣ୍ଡରେ ନେଇଛି ।