ତଡିପାର ହେବେ ନିଶା ବେପାରୀ । ନିଶା ବ୍ୟବସାୟୀଙ୍କୁ ଚେତାବନୀ ଦେଲା ଅବକାରୀ ବିଭାଗ ।

କନକ ବ୍ୟୁରୋ: ତଡିପାର ହେବେ ନିଶା ବେପାରୀ । ନିଶା ବ୍ୟବସାୟୀଙ୍କୁ ଚେତାବନୀ ଦେଇଛି ଅବକାରୀ ବିଭାଗ । ନିଶା ବେପାର ନଛାଡିଲେ, ଭୁବନେଶ୍ୱର ଛାଡିବାକୁ ଅବକାରୀ ବିଭାଗ ଚେତାବନୀ ଦେଇଛି । ବିହାରୀ ଗ୍ୟାଙ୍ଗର ନିଶା ବେପାରୀଙ୍କୁ ଗିରଫ କରିଛି ଭୁବନେଶ୍ୱର ଅବକାରୀ ବିଭାଗ । ଏମାନେ ସୁଟ୍ ବୁଟ୍ ପିନ୍ଧି ନୂଆ ଉପାୟରେ ଗଞ୍ଜେଇ ଚାଲାଣ କରୁଥିଲେ । ଏୟାର ବ୍ୟାଗରେ ଗଞ୍ଜେଇ ଭର୍ତ୍ତି କରି ନେବା ବେଳେ ଭୁବନେଶ୍ୱର ବସଷ୍ଟାଣ୍ଡ ନିକଟରୁ ତାଙ୍କୁ ଗିରଫ କରାଯାଇଛି । ୫ ଜଣ ବିହାରୀ ଗ୍ୟାଙ୍ଗକୁ ଗିରଫ କରାଯିବା ପରେ ସେମାନଙ୍କ ନିକଟରୁ ୩୦ କିଲୋ ଗଞ୍ଜେଇ ଜବତ ହୋଇଛି । ଚୋରା ଚାଲଣ କରୁଥିବା ଏହି ରାକେଟ୍ ବିହାରର ବିଭିନ୍ନ ପବ୍ ଓ ଡ୍ୟାନ୍ସ କ୍ଲବରେ ଗଞ୍ଜେଇ ଚଢା ଦରରେ ବିକ୍ରି କରୁଥିଲେ ।